నన్ రేప్ కేసులో నిందితుడు బిషప్ కేసును కొట్టివేసిన ‘సుప్రీం’
కేరళ నన్ రేప్ కేసులో నిందితుడు ఫ్రాంకో ములక్కల్ అనే బిషప్ దాఖలు చేసిన పిటిషన్ ని సుప్రీంకోర్టు కొట్టివేసింది. తనను రేప్ అభియోగాల నుంచి విముక్తుడిని చేయాలని కోరుతూ ఈ అత్యున్నత న్యాయస్థానంలో..
కేరళ నన్ రేప్ కేసులో నిందితుడు ఫ్రాంకో ములక్కల్ అనే బిషప్ దాఖలు చేసిన పిటిషన్ ని సుప్రీంకోర్టు కొట్టివేసింది. తనను రేప్ అభియోగాల నుంచి విముక్తుడిని చేయాలని కోరుతూ ఈ అత్యున్నత న్యాయస్థానంలో వేసిన పిటిషన్ ని సీజేఐ జస్టిస్ బాబ్డే నేతృత్వంలోని బెంచ్ విచారించింది. అయితే నీ పిటిషన్ లో మెరిట్ లేదని, అసలు ఇది కేసే కాదంటూ దాన్ని ఆయన కొట్టివేశారు. 2014-16 మధ్య కాలంలో ఈ బిషప్ కేరళలో 43 ఏళ్ళ నన్ మీద ఆఅత్యాచారాలు చేశాడని ఇతనిపై ఆరోపణలు వచ్చాయి. అయితే తాను అమాయకుడినని, తనను తప్పుడు గా ఈ కేసులో ఇరికించారని ములక్కల్ మొదట ట్రయల్ కోర్టులో, ఆ తరువాత కేరళ హైకోర్టులో పిటిషన్లు వేశాడు. కానీ అన్ని కోర్టులూ వాటిని కొట్టివేయడంతో ఆ కోర్టుల ఉత్తర్వులను సవాలు చేస్తూ ఏకంగా సుప్రీంకోర్టుకెక్కాడు. అయితే ఇక్కడా అతనికి చుక్కెదురైంది. ఇక జైలు కటకటాలు లెక్కించక తప్పదు.