ప్రారంభమైన నితిన్ ఐదురోజుల పెళ్లి వేడుక
హీరో నితిన్ తన చిరకాల ప్రేయసి డాక్టర్. షాలినిల ఐదు రోజుల పెళ్లి వేడుక బుధవారం ప్రారంభమైంది. నితిన్, షాలిని కుటుంబ పెద్దలు నిశ్చయ తాంబూలాలు...
Nithin Engaged to Shalini at Hyderabad : హీరో నితిన్ తన చిరకాల ప్రేయసి డాక్టర్. షాలినిల ఐదు రోజుల పెళ్లి వేడుక బుధవారం ప్రారంభమైంది. నితిన్, షాలిని కుటుంబ పెద్దలు నిశ్చయ తాంబూలాలు మార్చుకున్నారు. తర్వాత నిశ్చితార్థ వేడుక నిర్వహించారు. నితిన్ నివాసంలో జరిగిన ఈ వేడుకకు కొద్ది మంది సన్నిహితులను మాత్రమే ఇరు కుటుంబాలు ఆహ్వానించాయి.
ఈ వేడుకకు సంబంధించిన ఫొటోను తన ట్విట్టర్ ఖాతా ద్వారా అభిమానులతో పంచుకున్నారు. ఈ ఫోటోలతోపాటు నితిన్ ‘అండ్ ఎంగేజ్డ్’ అనే వ్యాఖ్యను జోడించారు. ఈ ఫొటోలో షాలిని వేలికి ఉంగరాన్ని తొడుగుతూ నితిన్ కనిపిస్తున్నారు.
Aaaand ENGAGED!! ❤️❤️❤️ pic.twitter.com/MqqbRo2HsS
— nithiin (@actor_nithiin) July 22, 2020
ఈ నెల 26న రాత్రి 8.30 గంటలకు ఫలక్నామా ప్యాలెస్లో నితిన్, షాలినిల పెళ్లి జరుగనుంది. ప్రభుత్వం నిర్దేశించిన లాక్డౌన్ మార్గదర్శకాలకు అనుగుణంగానే నిరాడంబరంగా ఈ జంట పెళ్లి వేడుకను నిర్వహించనున్నారు.