Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

హిట్‌ ఇచ్చిన దర్శకుడికి నితిన్ మరో ఛాన్స్‌?

, హిట్‌ ఇచ్చిన దర్శకుడికి నితిన్ మరో ఛాన్స్‌?

హైదరాబాద్‌: యంగ్ హీరో నితిన్ కెరీర్‌లో హిట్స్ కంటే ప్లాప్స్ అధికంగా ఉన్నాయి. ఎంతో శ్రమించి మంచి స్రిప్ట్ అని భావించిన సినిమాలు కూడా నితిన్ కెరీర్‌కు బూస్ట్ అప్ ఇవ్వలేకపోయాయి. వాటిలో ‘శ్రీనివాస కల్యాణం’, ‘లై’సినిమాలను ఎగ్జాంపుల్‌గా చెప్పుకోవచ్చు. అందుకే నితిన్ ఇక నుంచి ఎలాగైనా సాటిస్పై చెయ్యాలని చాలా కష్టపడి సినిమాలు సెలక్ట్ చేసుకుంటున్నాడు. నితిన్‌ సినీ కెరీర్‌లో సూపర్‌హిట్‌గా నిలిచిన చిత్రం ‘గుండెజారి గల్లంతయ్యిందే’. ఈ చిత్రానికి విజయ్‌ కుమార్‌ కొండ దర్శకత్వం వహించారు. దీని తర్వాత విజయ్‌.. నాగచైతన్య కథానాయకుడిగా ‘ఒక లైలా కోసం..’ సినిమా తీశారు. 2014లో వచ్చిన ఈ చిత్రం ఆశించిన స్థాయిలో విజయం సాధించలేకపోయింది. ఆ తర్వాత విజయ్‌ ఏ సినిమా కోసం పనిచేయలేదు. అయితే ఇప్పుడు మళ్లీ విజయ్ కుమార్, నితిన్ కాంబినేషన్లో ఓ చిత్రం రాబోతోందని సమాచారం. ఇప్పటికే విజయ్‌ ఓ ప్రేమకథను నితిన్‌కు నరేట్‌ చేశారట. కథ హీరోకు నచ్చినట్లు చెబుతున్నారు. త్వరలోనే ఈ చిత్రానికి సంబంధించిన అధికారిక ప్రకటన రానున్నట్లు తెలుస్తోంది. నితిన్‌ ప్రస్తుతం ‘భీష్మ’ చిత్రంలో నటిస్తున్నారు. వెంకీ కుడుముల దర్శకత్వం వహిస్తున్న ఈ సినిమాలో రష్మిక కథానాయిక పాత్ర పోషిస్తున్నారు.