Breaking News
  • కరోనా అప్డేట్ తెలంగాణలో ఇవాళ కొత్తగా 16 కరోనా పాజిటివ్ కేసులు నమోదు. తెలంగాణ లో ఇప్పటి వరకు 487 కరోనా పాజిటివ్ కేసులు . ఇప్పటి వరకు మొత్తం 12 మంది మృతి చెందారు. పాజిటివ్ కేసుల నుంచి 45 మందికోలుకుని..డిశ్చార్జి అయ్యారు. ప్రస్తుతం రాష్ట్రంలో 430 యాక్టీవ్ పాజిటివ్ కేసులు ఉన్నాయి.
  • మై హోం గ్రూప్ సంస్ధల విరాళం. కరోనా ని ఎదుర్కోవడానికి తెలంగాణ ప్రభుత్వానికి సాయమందించిన మై హోం గ్రూప్. ముఖ్యమంత్రి కెసిఆర్ ని కలిసి 3 కోట్ల రూపాయల చెక్ ని అందించిన మై హోం ఇండస్ట్రీస్ మేనేజింగ్ డైరక్టర్ జూపల్లి రామ్, శ్యామ్ రావు .
  • అమరావతి రాష్ట్ర ఎన్నికల కమిషనర్ నియామకం నిబంధనలు మార్పు చేస్తూ ప్రభుత్వం పంపిన ఆర్డినెన్స్ కు ఆమోదం తెలిపిన గవర్నర్... వెంటనే ఆర్డినెన్స్ పై జీవో జారీ చేసిన ప్రభుత్వం
  • ఈరోజు ముంబై లో 218 కరోనా పాజిటివ్ కేస్ లు, 10 మంది మృతి ఇప్పటి వరకు ముంబై లో 993 చేరిన కరోనా పాజిటివ్ కేసులు.
  • భారత్‌లో కమ్యూనిటీ ట్రాన్స్‌మిషన్ లేదని తేల్చిన ప్రపంచ ఆరోగ్య సంస్థ. గతంలో ఇచ్చిన నివేదికలో కమ్యూనిటీ ట్రాన్స్‌మిషన్ ఉందని పేర్కొన్న డబ్ల్యూహెచ్ఓ. అది పొరపాటుగా అంగీకరిస్తూ సవరణ చేసిన డబ్ల్యూహెచ్ఓ. దేశంలో కేవలం క్లస్టర్లుగా మాత్రమే కేసులున్నాయని వివరణ.

షాకింగ్.. నిర్భయ దోషుల ఉరికి మళ్లీ బ్రేక్..?ఈసీకి ఫిర్యాదు చేయడంతో ఉత్కంఠ..

Nirbhaya Convict Has Head Injury.. Can't Recognise Mother.. Claims Lawyer, షాకింగ్.. నిర్భయ దోషుల ఉరికి మళ్లీ బ్రేక్..?ఈసీకి ఫిర్యాదు చేయడంతో ఉత్కంఠ..

నిర్భయ కేసులో దోషుల శిక్షపై మళ్లీ సస్పెన్స్ నెలకొంది. దోషులు ఉరితీత నుంచి తప్పించుకునేందుకు అన్ని దారులను వెతుకుతునే ఉన్నారు. దోషుల్లో ఒకరైన వినయ్ శర్మ.. ఈ నెల 16న తీహార్ జైల్లో ఆత్మహత్యాయత్నం చేసినట్లు వార్తలు వచ్చాయి. అయితే స్వల్ప గాయాలైన వినయ్ శర్మకు.. చికిత్స అందించామని జైలు అధికారులు తెలిపారు. ఇదిలా ఉంటే అతని తరఫు లాయర్ మాత్రం మరోలా చెప్తున్నారు. ఫిబ్రవరి 16న జరిగిన సంఘటనలో వినయ్‌ శర్మ చేతి భుజం విరిగడంతో పాటుగా.. తలకు బలమైన గాయాలయ్యాయని.. దీంతో కనీసం తన తల్లితోపాటు ఎవ్వరినీ గుర్తుపట్టలేకపోతున్నాడని వినయ్ శర్మ తరఫు న్యాయవాది పేర్కొన్నారు. వినయ్ శర్మకు మానసిక వైద్య కేంద్రంలో మెరుగైన చికిత్స అందించాలని కోరుతూ ఢిల్లీ కోర్టులో పిటిషన్‌ వేసినట్లు పేర్కొన్నారు.

ఇదిలా ఉంటే.. మరోవైపు తన క్షమాభిక్ష పిటిషన్‌పై ఢిల్లీ ప్రభుత్వం తీసుకున్న నిర్ణయాన్ని కేంద్ర ఎన్నికల సంఘానికి (సీఈసీ) ఫిర్యాదు చేసినట్లు వినయ్‌శర్మ న్యాయవాది తెలిపారు. జనవరి 29న వినయ్‌శర్మ క్షమాభిక్ష పిటిషన్‌ వేయగా అతని వినతిని తిరస్కరించాలని జనవరి 30న ఢిల్లీ ప్రభుత్వం రాష్ట్రపతికి సిఫార్సు చేసిందని.. అయితే ఈ సిఫార్సు చేసే సమయంలో.. పిటిషన్‌పై రాష్ట్ర హోంమంత్రి సంతకం చేశారని గుర్తు చేశారు. సదరు మంత్రి సంతకం చేసిన సమయంలో.. ఢిల్లీలో ఎన్నికల కోడ్‌ అమలులో ఉందని.. అలాంటప్పుడు ఆయనకు సంతకం చేసే అధికారం లేదంటూ వాదిస్తున్నారు. ఈ అంశంపై కేంద్ర ఎన్నికల సంఘానికి ఫిర్యాదు చేశారు. ఢిల్లీ ప్రభుత్వ తీసుకున్న నిర్ణయం చెల్లుతుందా?లేదా?అనే అంశాన్ని విచారించాలని కోరినట్లు వినయ్ శర్మ తరఫు లాయర్ ఏపీ సింగ్‌ తెలిపారు.

Related Tags