Rider Teaser : నిఖిల్ కుమార్ హీరోగా నటించిన రైడర్ టీజర్ రిలీజ్.. ఈ సినిమా అయినా బ్రేక్ ఇస్తుందంటారా?
Rider Teaser : జాగ్వార్ సినిమాతో తెలుగు ప్రేక్షకులను పలకరించిన యువరాజా నిఖిల్ కుమార్ ఇప్పుడు రైడర్ అనే స్ట్రయిట్ చిత్రంతో వస్తున్నారు.
Rider Teaser : జాగ్వార్ సినిమాతో తెలుగు ప్రేక్షకులను పలకరించిన యువరాజా నిఖిల్ కుమార్ ఇప్పుడు రైడర్ అనే స్ట్రయిట్ చిత్రంతో వస్తున్నారు. మాజీ ప్రధాని హెచ్.డి. దేవగౌడ మనవడు, కర్నాటక మాజీ ముఖ్యమంత్రి కుమారస్వామి కుమారుడిగా ఇండస్ట్రీలోకి అడుగుపెట్టిన నిఖిల్ అనుకున్నవిధంగా సక్సెస్ కాలేకపోయాడు. మొదటి సినిమా జాగ్వార్ బాక్సాఫీసు వద్ద బోల్తా కొట్టడంతో ఇప్పుడు రైడర్తో విజయం సాధించాలని కసిగా వస్తున్నాడు.
విజయ్ కుమార్ దర్శకత్వంలో తెరకెక్కిన ఈ సినిమా భారీ బడ్జెట్తో రూపొందింది. స్పోర్ట్స్ బ్యాక్డ్రాప్తో రూపొందుతున్న రైడర్ సినిమాను లహరి ఫిలిమ్స్ బ్యానర్పై చంద్రు మనోహరన్ నిర్మిస్తున్నారు. ఈ రోజు నిఖిల్ కుమార్ బర్త్డే సందర్భంగా రైడర్ టీజర్ విడుదల చేశారు. ఇందులో చాలా యాక్షన్ మోడ్తో కనిపిస్తున్నారు. నిఖిల్ కుమార్ సరసన ఈ చిత్రంలో కశ్మీరా పరదేశి హీరోయిన్గా నటిస్తోంది. తెలుగు, కన్నడ భాషల్లో ఏక కాలంలో ఈ మూవీ నిర్మాణమవుతోంది. కాగా టీజర్ తెలుగు ప్రేక్షకులను ఆకట్టుకుంటుంది. ఈ సినిమాతోనైనా నిఖిల్కి బ్రేక్ వస్తుందో లేదో చూడాలి. త్వరలోనే సినిమాను విజయవంతం చేస్తామని చిత్ర యూనిట్ చెబుతోంది.