Breaking News
  • ఆంధ్రప్రదేశ్‌లో కరోనా వైరస్‌ పాజిటివ్‌ కేసులు పెరుగుతున్న నేపథ్యంలో ప్రభుత్వం అప్రమత్తమయ్యింది. వైద్య పరీక్షల కోసం గుంటూరు మెడికల్‌ కాలేజీలో కరోనా ల్యాబ్స్‌ను ఏర్పాటు చేశారు అధికారులు.
  • మందు తాగితే తూలడం, మందు లేకపోతే మతిస్థిమితం కోల్పోయినట్టుగా ప్రవర్తించడం.. ఇదే ఇప్పుడు అంతటా కనిపిస్తోంది.. కరోనా కాలంలో మందుబాబుల కష్టాలు అన్నీఇన్నీ కావు.. మద్యం దుకాణాలన్నీ బంద్‌.. బార్లు పబ్బులు బంద్‌.. తాగి తాగి పిచ్చెక్కిపోయిన మందుబాబులు చివరకు దొంగలుగా మారిపోయారు.
  • తమిళనాడులో కరోనా మహమ్మారి విజృంభిస్తోంది. వెల్లూరు, తేంగాశి, కల్లకురిచి జిల్లాలలో పెరుగుతోన్న కరోనా కేసులు కలకలం రేపుతున్నాయి. తమిళనాడులో 411 కరోనా పాజిటివ్‌ కేసులు నమోదయ్యాయి. వారిలో 64 మంది నిజాముద్దీన్‌ మర్కజ్‌కు వెళ్లి వచ్చినవారే కావడం గమనార్హం.
  • కేంద్ర ప్రభుత్వం నుంచి కొత్త ఆదేశాలు జారీ అయ్యాయి. ఇంటి నుంచి బయటకు వెళితే మాస్క్‌ తప్పనిసరిగా వాడాలని కేంద్రం తెలిపింది. ఈ నియమాన్ని కచ్చితంగా అమలు చేయాల్సిందనని రాష్ట్ర ప్రభుత్వాలను, పోలీసు శాఖలను ఆదేశించింది.
  • లాక్‌డౌన్‌ను అతిక్రమిస్తే కఠిన చట్టాలు అమలు చేస్తామని హెచ్చరిస్తున్నారు హైదరాబాద్‌ సీపీ అంజనీకుమార్‌, సైబరాబాద్‌ సీపీ సజ్జనార్‌. అనవసరంగా రోడ్డు మీదకొస్తే వాహనాలు సీజ్‌ చేస్తామన్నారు.

Sensex: పరుగులు పెట్టిన స్టాక్ మార్కెట్

Nifty ends above 10900 Sensex up 337 pts; Maruti Suzuki gains 4%, Sensex: పరుగులు పెట్టిన స్టాక్ మార్కెట్

దేశీ స్టాక్ మార్కెట్ లాభాలతో ముగీసింది. శుక్రవారం బెంచ్‌మార్క్ సూచీలు భారీ లాభాలతో ముగిశాయి. ఆటో, మెటల్, బ్యాంకింగ్ రంగ షేర్లలో కొనుగోళ్ల జోరుతో మార్కెట్ పరుగులు పెట్టింది. ఇంట్రాడేలో సెన్సెక్స్ ఒకానొక సమయంలో 37,000 పాయింట్ల పైకి చేరింది. అయితే చివరకు సెన్సెక్స్ 337 పాయింట్ల లాభంతో 36,982 పాయింట్ల వద్ద క్లోజయ్యింది. నిఫ్టీ 98 పాయింట్ల లాభంతో 10,946 పాయింట్ల వద్ద ముగిసింది.

నిఫ్టీ 50లో మారుతీ సుజుకీ, టెక్ మహీంద్రా, టాటా స్టీల్, ఎన్‌టీపీసీ, యాక్సిస్ బ్యాంక్ షేర్లు లాభాల్లో ముగిశాయి. మారుతీ సుజుకీ 4 శాతం పెరిగింది. అదేసమయంలో ఇండియాబుల్స్ హౌసింగ్ పైనాన్స్, యస్ బ్యాంక్, సన్ ఫార్మా, విప్రో, హెచ్‌సీఎల్ టెక్ షేర్లు నష్టాల్లో ముగిశాయి. ఇండియాబుల్స్ హౌసింగ్ ఫైనాన్స్ 5 శాతం పడిపోయింది. నిఫ్టీ‌ సెక్టోరల్ ఇండెక్స్‌లన్నీ మిశ్రమంగా క్లోజయ్యాయి. నిఫ్టీ ఫార్మా, నిఫ్టీ ఎఫ్ఎంసీజీ, నిఫ్టీ రియల్టీ ఇండెక్స్‌లు మినహా మిగతావన్నీ లాభాల్లోనే ముగిశాయి. మెటల్ ఇండెక్స్ దాదాపు 2 శాతం పెరిగింది. నిఫ్టీ ఆటో ఇండెక్స్ 2.61 శాతం పరుగులు పెట్టింది.

అంతర్జాతీయ మార్కెట్‌లో క్రూడాయిల్ (ముడి చమురు) ధరలు తగ్గాయి. బ్రెంట్ క్రూడ్ ధర బ్యారెల్‌కు 1.48 శాతం తగ్గుదలతో 60.08 డాలర్లకు దిగొచ్చింది. డబ్ల్యూటీఐ క్రూడ్ ధర బ్యారెల్‌కు 1.53 శాతం తగ్గుదలతో 55.44 డాలర్లకు క్షీణించింది. అమెరికా డాలర్‌తో పోలిస్తే ఇండియన్ రూపీ రికవరీ అయ్యింది. 17 పైసలు లాభంతో ట్రేడవుతోంది. 71.67 వద్ద కదలాడుతోంది.

Related Tags