Breaking News
  • భారత్ లో వేగంగా పెరుగుతున్న కరోనా కేసులు, మరణాలు. గడిచిన 24 గంటల్లో కొత్తగా 24,248 కేసులు, 425 మంది మృతి. దేశవ్యాప్తంగా 6,97,413 కేసులు,19,693 మంది మృతి. దేశ వ్యాప్తంగా 2,53,287 యాక్టీవ్ కేసులు,4,24,433 మంది డిశ్చార్జ్. దేశంలో 60.77 శాతానికి చేరిన కరోనా రికవరీ రేటు. కేంద్ర ఆరోగ్య మంత్రిత్వ శాఖ.
  • హైదరాబాద్‌లో లాలాపేట పరిధిలో సాధారణ ఇంటికి రూ.25 లక్షల కరెంట్ బిల్లు. మార్చి 6 నుంచి జులై 6 వరకు బిల్లు తీశారు. ఈ నాలుగు నెలల్లో 34,5007 యూనిట్లు విద్యుత్ వాడినట్లు చూపించి.. ఏకంగా రూ. 25,11,467 బిల్లు వేశారు.
  • అమరావతి: మాజీ మంత్రి అచ్చెన్నాయుడుకు బెయిల్ ఇవ్వాలంటూ హైకోర్టు లో పిటిషన్. పిటిషన్ దాఖలు చేసిన అచ్చెన్నాయుడు తరపు న్యాయవాదులు. ఈఎస్ఐ స్కామ్ లో అరెస్టు అయిన అచ్చెన్నాయుడు . ప్రస్తుతం విజయవాడలో జైల్లో ఉన్న అచ్చెన్నాయుడు. వెంటనే బెయిల్ ఇవ్వాలని పిటిషన్ లో కోరిన న్యాయవాది. ఇప్పటికే ఏసీబీ కస్టడీ కూడా ముగిసిందని పిటిషన్ లో పేర్కొన్న న్యాయవాది. ఏసీబీ కోర్టు బెయిల్ పిటీషన్ ను సస్పెండ్ చేయడంతో హైకోర్టు ను ఆశ్రయుంచిన అచ్చెన్నాయుడు తరపు న్యాయవాదులు.
  • హైదరాబాద్ కమిషనరేట్ సైదాబాద్ పోలీస్ స్టేషన్ పరిధిలో 2017 సంవత్సరంలో జరిగిన మైనర్ రేప్ కేసులో నిందితుడికి 10 సంవత్సరాల జైల్ శిక్ష విధించిన కోర్టు.
  • కృష్ణజిల్లా: మచిలీపట్నం సబ్ జైలు నుంచి కొల్లు రవీంద్రను రాజమండ్రి తరలింపు. రాజమండ్రి సెంట్రల్ జైలుకు తరలించేందుకు న్యాయమూర్తి అనుమతి. గత రెండురోజులుగా మచిలీపట్నం సబ్ జైల్లో ఉన్న కొల్లు రవీంద్ర. వైసీపీ నేత మోకా భాస్కరరావు హత్య కేసులో అరెస్ట్ అయిన మాజీమంత్రి కొల్లు. అరెస్ట్ ను ఖండిస్తూ టీడీపీ నేతలు నిరసన. సబ్ జైలుకు చేరుకుని నల్ల బ్యార్జ్ లతో నిరసన. భారీ బందోబస్తు తో కొల్లు రవీంద్ర ను తరలించిన పోలీసులు.
  • కృష్ణాజిల్లా: మచిలీపట్నంలో కేటుగాడు అరెస్ట్. నకిలీ ఈపాస్ లు సృష్టించిన కేసులో అరెస్ట్. నిందితుడు ప్రకాశం జిల్లాకు చెందిన పవన్ కుమార్ గా గుర్తింపు. 73 మందికి ఫోర్జరీ చేసిన ఈపాస్ లు ఇచ్చినట్టు నిర్దారణ. హైదరాబాద్ లోని ఓ కన్సల్టెన్సీ కంపెనీలో పని చేస్తున్న పవన్.
  • పాఠశాల విద్య శాఖ కమిషనర్ కార్యక్రమంలో ఏసీబీ రైడ్స్. లకిడికపూల్ లోని పాఠశాల విద్య శాఖ కమిషనర్ కార్యక్రమంలో సూపరింటెండెంట్ , జూనియర్ అసిస్టెంట్ లు 40 వేలు లంచం తీసుకుంటుండగా ఇద్దరిని రెడ్ హ్యాండెడ్ గా పట్టుకున్న ఏసీబీ అధికారులు. మేడ్చెల్ జిల్లా ఘట్కేసర్ లోని సాంటా మారియా స్కూల్ లో స్టేట్ సిలబస్ నుంచి సెంట్రల్ సిలబస్ ( సీబీఎస్ఈ ) గా మార్చడానికి ఎన్ఓసీ సర్టిఫికెట్ కోసం స్కూల్ వద్ద డబ్బులు డిమాండ్.

రాత్రి 8 గంటలు దాటితే క్లోజ్…రేపటినుంచే అమల్లోకి..

New liquor policy will implement from tomorrow in AP, రాత్రి 8 గంటలు దాటితే క్లోజ్…రేపటినుంచే అమల్లోకి..

మద్యం ఇక గగనమే.. ఇప్పటివరకు ఏరులై పారిన మద్యం అమ్మకాలకు ఏపీ ప్రభుత్వం సడెన్ బ్రేక్ వేసింది. మంగళవారం నుంచి కొత్త మద్యం పాలసీ రానుండటంతో సోమవారం సాయంత్రం మద్యం దుకాణాల వద్ద మందుబాబులు బారులు తీరి కనిపించారు. తెల్లవారితే కొత్త మద్యం పాలసీ అమల్లోకి రానుండటంతో ఆయా దుకాణదారులు తమ వద్ద నున్న పాత స్టాకును తక్కువ ధరకే అమ్మి సొమ్ము చేసుకుంటున్నారు. ఉన్న సరుకును ఏదో ఒక విధంగా మద్యం ప్రియులకు అంటగట్టాలనే ఉద్దేశంతో సోమవారం అతి తక్కువ ధరకే మద్యాన్ని విక్రయించారు. దీంతో మద్యం ప్రియులు ఆయన వైన్ షాపుల ముందు బారులు తీరి కనిపించారు.

రాష్ట్రంలో సంపూర్ణ మద్య నిషేదం అమలు చేస్తామని ఏపీ ప్రభుత్వం ఎన్నికల్లో హామీ ఇచ్చింది. గత ప్రభుత్వ హాయంలో మద్యం ఆదాయ వనరుగా ఉన్నప్పటికి, ప్రస్తుత ప్రభుత్వం మాత్రం మద్యం ద్వారా వచ్చే ఆదాయం తమకు అవసరంలేదని చెబుతోంది. మద్యం మత్తులో జరగుతున్న ఎన్నో దారుణాలు, నేరాలను అరికట్టడం కోసం నిషేదాన్ని అమలు చేయాలని ప్రభుత్వం భావించింది. మహిళలపై జరగుతున్న అఘాయిత్యాలకు, ఘోరాలకు ప్రధాన కారణం మద్యపానమే అని ఏపీ ప్రభుత్వం భావిస్తోంది. ఎన్నికల మేనిఫెస్టోలో వైసీపీ మద్యపాన నిషేదంపై హామీ ఇచ్చింది. అధికారాన్ని చేపట్టిన తర్వాత సీఎం జగన్ మద్యపాన నిషేదాన్ని పటిష్టంగా అమలు జరిగేలా పగడ్బందీ చర్యలు తీసుకున్నారు. దీన్ని దశలవారీగా అమలు చేసేలా ఇప్పటికే ప్రణాళికలు రచించి అమలు చేస్తున్నారు. ముందుగా గ్రామాలు, పట్టణాల్లో ఇబ్బడిముబ్బడిగా ఉన్న బెల్ట్ షాపులను రద్దు చేశారు. అదే విధంగా నూతన మద్యం విధానాన్ని తీసుకువచ్చి ఇకపై ప్రభుత్వమే మద్యం షాపులను నిర్వహించేలా చర్యలు తీసుకున్నారు.

గతంలో ఎన్నడూ లేని విధంగా ఉదయం 11నుంచి రాత్రి 8 గంటలకే మద్యం షాపులు క్లోజ్ చేస్తారు. బీర్లు, లిక్కర్ అమ్మకాలు పరిమితంగానే అమ్మకాలు చేయనున్నారు. ఒక మనిషికి గరిష్టంగా మూడు సీసాల మద్యం మాత్రమే లభించేలా కొత్త పాలసీని తీర్చిదిద్దారు. అంతకంటే ఎక్కువ మద్యం సీసాలు లభిస్తే చర్యలు తీసుకుంటారు. ఎక్సైజ్ శాఖ ఆధ్వర్యంలో కొనసాగున్న ఒక్కో దుకాణంలో ఒక సూపర్ వైజర్, ముగ్గురు సేల్స్‌మెన్ ఉంటారు. ఏపీలో మొత్తం 4,380 మద్యం షాపులు ప్రభుత్వ ఆధీనంలో నిర్వహించాలని నిర్ణయించారు. అయితే ఎక్కడైనా నిబంధనలు అతిక్రమించినా.. బెల్ట్ షాపులను ప్రోత్సహించినా కఠినంగా వ్యవహరించనున్నారు.

Related Tags