Breaking News
  • ఆల్ టైమ్ రికార్డ్సు స`ష్టిస్తున్న గోల్డ్ , సిల్వర్ . 10 గ్రాముల బంగారం రూ 58,330 . కేజీ వెండి రూ 78,300. ఈ వారంలోనే మూడు సార్లు పెరిగిన బంగారం ధర . ప్రతిసారీ 8వందల నుంచి వేయి పెరిగిన గోల్డు. 65 వేలకు చేరుకుంటుందంటున్న మార్కెట్ అంచనాలు.
  • ప్రముఖ మాజీ క్రికెటర్ సచిన్ టెండూల్కర్ పై అసభ్యకరంగా సోషల్ మీడియాలో పోస్ట్ పెట్టిన వ్యక్తి అరెస్ట్.. పిడుగురాళ్ల మండలం చెందిన వందనపు నాగారాజు ఈ నెల 2వ తారీఖున క్రికెటర్ సచిన్ టెండూల్కర్ పై సోషల్ మీడియాలో అసభ్యకరంగా పోస్ట్ ముంబైలో కేసు నమోదు. ఐపీ అడ్రస్ పిడుగురాళ్ల గా గుర్తింపు. పోస్ట్ పెట్టిన వ్యక్తి ని అదుపులోకి తీసుకున్న ముంబై పోలీసులు.
  • టీవీ9 తో ఎ పి జైళ్ల శాఖ ఐ జి జయవర్ధన్.. ఆంధ్రప్రదేశ్ రాష్ట్ర వ్యాప్తంగా అన్ని జైళ్లలో ఉన్న ఖైదీలకు కరోనా టెస్టులు చేయిస్తున్నాం. ఇప్పటివరకు రాష్ట్రవ్యాప్తంగా 420 మంది ఖైదీలకు, 60 మంది స్టాఫ్ కు కరోనా పాజిటివ్ వచ్చింది. నిన్న ఒక్కరోజే రాజమండ్రి సెంట్రల్ జైలు లో 245 మందికి పాజిటివ్ వచ్చింది. రాజమండ్రి సెంట్రల్ జైల్ లోనే ఐసోలేషన్ సెంటర్ ని ఏర్పాటు చేశాం. పాజిటివ్ వచ్చినవాళ్ళల్లో ఎక్కువశాతం మైల్డ్ కేసులు ఉన్నాయి. రాష్ట్ర వ్యాప్తంగా ఉన్న అన్ని జైళ్లకు అప్రమత్తత చేశాం. ఐసోలేషన్ సెంటర్ నుంచి ఖైదీల పారిపోవడానికి ప్రయత్నిస్తే శిక్షలు కఠినంగా ఉంటాయి. ఖైదీలకు నాణ్యమైన ఆహారాన్ని వైద్య సౌకర్యాన్ని అందిస్తూ డాక్టర్ల పర్యవేక్షణ చేస్తున్నాం. పాజిటివ్ వచ్చిన ఖైదీల వివరాలు కుటుంబ సభ్యులకు సమాచారం అందిస్తున్నాము. ఖైదీల కుటుంబ సభ్యులు ఆందోళన చెందాల్సిన అవసరం లేదు.
  • అనంతపురం కన్సెప్ట్ సిటీ కన్సల్టెంట్ గా CBRE సౌత్ ఆసియా ప్రైవేట్ లిమిటెడ్ . భవిష్యత్ వ్యాపార అవసరాల కోసం రాష్ట్రం లో 3 కాన్సెప్ట్ సిటీలు ప్లాన్ చేసిన సర్కార్ . అనంతపురం కాన్సెప్ట్ సిటీకి కాన్సెప్టువల్ ప్లాన్, ఫీజబిలిటి రిపోర్ట్, బిజినెస్ స్ట్రాటజీ, ఫైనాన్సియల్ మోడల్ ప్రణాళిక సిద్దం చేసి అమలు చేయనున్న CBRE. ఇందుకోసం దాదాపు 85 లక్షల రూపాయలకు పరిపాలన అనుమతులు మంజూరు.
  • తమిళనాడు లో ఘోర రోడ్డు ప్రమాదం. కోయిఅంబత్తూర్ లోని ఆనకట్ట రహదారిలో చెట్టుని డీ కొట్టిన కారు . కారులో ప్రయాణిస్తున్న యువకులలో నలుగురు మృతి , ఒకరి పరిస్థితి విషమం . కారు అతివేగం గా నడపడం ప్రమాదానికి కారణం . ఫ్రెండ్స్ పుట్టినరోజు వేడుకలు వెళ్లివస్తుండగా జరిగిన ఘటన.
  • దేశవ్యాప్తంగా పాజిటివిటీ రేటు 8.87శాతం, రాష్ట్రంలో పాజిటివిటీ రేటు 8.56శాతం, కర్ణాటకలో 9.88శాతం, తమిళనాడులో 9.26శాతం, మహారాష్ట్రలో 19.36శాతం, ఢిల్లీలో 12.75శాతం. మరణాల రేటు దేశంలో 2.07శాతం, ఏపీలో 0.89శాతం. కర్ణాటకలో 1.85శాతం, కర్ణాటకలో 1.85శాతం, తమిళనాడులో 1.63శాతం, మహారాష్ట్రలో 3.52శాతం. ప్రతి పదిలక్షల మందిలో 43,059 మందికి పరీక్షలు. శ్రీకాకుళం, కర్నూలు, కడప, కృష్ణా, నెల్లూరు, పశ్చిమగోదావరి, చిత్తూరులో రాష్ట్రం సగటుకన్నా ఎక్కువ పరీక్షలు.
  • ఈఎస్ఐ స్కామ్ లో అరెస్టైన ఏపీ సచివాలయ ఉద్యోగి మురళీ మోహన్ ను సస్పెండ్ చేసిన ప్రభుత్వం . గత నెల 10 తేదీన సచివాలయంలో మురళీ మోహన్ ను అరెస్ట్ చేసిన ఏసీబీ. కార్మిక శాఖ మాజీ మంత్రికి వ్యక్తిగత కార్యదర్శిగా పనిచేసిన కాలంలో ఈఎస్ఐ కుంభకోణంలో మురళీ పాత్ర ఉందని ఏసీబీ అభియోగం. అరెస్టైన నాటి నుంచి సస్పెన్షన్ ఉత్తర్వులు అమల్లోకి వస్తాయని ఆదేశాలు. ప్రస్తుతం పట్టణాభివృద్ధి శాఖలో సెక్షన్ ఆఫీసరుగా విధులు నిర్వహిస్తోన్న మురళీ మోహన్.
  • భూముల విలువలు భారీగా పెరుగుతున్న నేపథ్యంలో జిల్లాలోని సబ్ రిజిస్ట్రార్ కార్యాలయాల్లో రిజిస్ట్రేషన్ల సందడి . భుాముల విలువ పె౦పు అమలులోకి వస్తే భార౦ పడుతుందని ము౦దుగానే రిజిస్ట్రేషన్ లు వెలుతోన్న జిల్లా వాసులు.

గులాబీ పార్టీకి కొత్త చిక్కులు.. కేసీఆర్ మదిలో ఏముందో?

new headache to kcr, గులాబీ పార్టీకి కొత్త చిక్కులు.. కేసీఆర్ మదిలో ఏముందో?

గులాబీ పార్టీ టిఆర్ఎస్‌ను పాత కొత్త చీడ వెంటాడుతోంది. అన్నదమ్ముల్లా కలిసుండాలని అధిష్టానం చెప్తుంటే. పాత పగల పాలోళ్ళ పంచాయితీ కొన్ని నియోజకవర్గాల్లో అధినాయకత్వానికి కొత్త సమస్యలు తెస్తోంది. కొత్త, పాత నీరు కలిసి పనిచేసేదెప్పుడు? సమిష్టిగా ముందుకెళ్ళేదెప్పుడని గులాబీ శ్రేణులు మధన పడుతున్న పరిస్థితి తెలంగాణలోని కొన్ని నియోజకవర్గాల్లో కనిపిస్తోంది.

టీఆర్‌ఎస్‌లోకి ఈ మధ్య చాలా మంది నేతలు ఇతర పార్టీల నుంచి వచ్చి చేరారు. కాంగ్రెస్ పార్టీకి చెందిన చాలా మంది ఎమ్మెల్యేలు గులాబీ తీర్థం పుచ్చుకున్నారు. టిఆర్ఎస్ ఎమ్మెల్యేలు ఓడిన చోట కాంగ్రెస్ నుండి గెలిచి, టిఆర్ఎస్‌లో చేరిన వాళ్లు ఆ నియోజకవర్గాలను తమ గుప్పిట్లోకి తెచ్చుకునేందుకు ప్రయత్నించడంతోనే అసలు సమస్య మొదలయిందని చెప్పుకుంటున్నారు.

పదవుల్లో లేక పాత వాళ్ళు పరేషాన్ అవుతుంటే.. కొత్త వాళ్ళు పాత నేతలను పట్టించుకోకపోవడం.. పార్టీ కార్యక్రమాల్లో పాల్గొనకపోవడం, పార్టీ కమిటీల్లో మాజీ ఎమ్మెల్యేలను పరిగణనలోకి తీసుకోకపోవడంతో కొత్త వివాదాలు మొదలయ్యాయి.

నిత్యం ఒకరిపై ఒకరు ఆరోపణలు చేసుకోవడంతో ఇతర పార్టీల నుంచి వచ్చిన ఎమ్మెల్యేల నియోజక వర్గాల్లో నేతల మధ్య చిచ్చు ముదిరింది. తాజాగా కొల్లాపూర్ నియోజకవర్గంలో ఎమ్మెల్యే హర్ష వర్ధన్ రెడ్డి, మాజీ మంత్రి జూపల్లి కృష్ణారావు వర్గాల మధ్య పచ్చిగడ్డి వేస్తే భగ్గుమనేలా వుందని టీఆర్ఎస్ నేతలే అంగీకరిస్తున్నారు.

ఈమధ్య జూపల్లి వర్గాన్ని చీల్చి తన బలాన్ని పెంచుకోవాలని హర్ష వర్ధన్ ప్రయత్నం చేసినట్లు చర్చ జరుగుతోంది. నియోజక వర్గంలో జూపల్లి, హర్షల మధ్య చిచ్చు రాజుకున్నట్లు కేడర్ చర్చించుకుంటుంది. హర్ష వర్ధన్ రెడ్డి, మంత్రి నిరంజన్ రెడ్డి వర్గంలో చేరడాన్ని జూపల్లి వర్గం జీర్ణించు కోలేకపోతున్నట్లు తెలుస్తోంది.

దీనికి తోడు కొల్లాపూర్ కోట వివాదంలో మాజీ మంత్రి బహిరంగంగా సభలు పెట్టి మరి ఆరోపణలు చేస్తున్నారు. ఈ కోట కథ వెనకాల ఎమ్మెల్యే వర్గీయుల ప్రమేయం ఉంది అన్నది జూపల్లి బ్యాచ్ వాదన.

ఇక పాలేరు నియోజక వర్గంలోనూ ఇదే పరిస్థితి. మాజీ మంత్రి తుమ్మల నాగేశ్వర రావు యాక్టివ్‌గా మారి, నియోజకవర్గంలో తెగ పర్యటిస్తున్నారు. దీన్ని కాంగ్రెస్ పార్టీ తరపున గెలిచి, టీఆర్ఎస్‌లో చేరిన ఎమ్మెల్యే కందాడి ఉపేందర్ రెడ్డి వర్గం జీర్ణించుకోలేక పోతున్నట్లు తెలుస్తోంది.

టీఆర్ఎస్ కార్యకర్తలు ఎమ్మెల్యే ఉపేందర్ వైపు వెళ్లకుండా తుమ్మల ఈ స్కెచ్ వేసినట్లు పార్టీలో ప్రచారం జరుగుతోంది. తుమ్మలపై ఉపేందర్ పార్టీ అధిష్టానానికి ఫిర్యాదు కూడా చేసినట్లు తెలుస్తోంది.

ఉపేందర్ రెడ్డి వర్గీయులు అవసరం అయితే పార్టీ మారాలని ఒత్తిడి కూడా తెస్తున్నట్టు తెలుస్తుంది. ఇలా ప్రతి నియోజక వర్గంలో పార్టీ నేతలు రెండు వర్గాలుగా విడిపోయి ఒకరిపై ఒకరు ఫిర్యాదులు చేసుకుంటూ వుండడం అధిష్టానానికి తలనొప్పిగా మారింది.

Related Tags