Breaking News
  • నల్గొండ: ధర్మారెడ్డిపల్లి కాల్వను పూర్తిచేసి రైతులకు నీరు ఇవ్వాలి. రైతుల ఆత్మహత్యలలో దేశంలో తెలంగాణ మూడో స్థానంలో ఉంది. మిగులు బడ్జెట్‌ ఉన్న తెలంగాణను అప్పుల తెలంగాణగా మార్చారు. అన్ని ప్రాంతాలను సమానంగా చూస్తేనే సీఎం అని అనిపించుకుంటారు. రైతు బంధు నిధులను వెంటనే విడుదల చేయాలి-కోమటిరెడ్డి వెంకట్‌రెడ్డి.
  • కరీంనగర్‌: అల్గునూర్‌ బ్రిడ్జి పైనుంచి పడ్డ కారు. కారులో ప్రయాణిస్తున్న భర్త మృతి, భార్యకు గాయాలు. కాపాడేందుకు వెళ్లిన కానిస్టేబుల్‌ చంద్రశేఖర్‌కు గాయాలు. మృతుడు కరీంనగర్‌కు చెందిన శ్రీనివాస్‌గా గుర్తింపు. కొమురవెళ్లి జాతరకు వెళ్తుండగా ఘటన.
  • సిద్దిపేట: జగదేవపూర్‌లో ఉద్రిక్తత. చైర్మన్‌ పదవి కోసం రెండువర్గాలుగా చీలిన టీఆర్‌ఎస్. ఇంద్రసేనారెడ్డి, శ్రీనివాస్‌రెడ్డి వర్గాల మధ్య ఘర్షణ. శ్రీనివాస్‌రెడ్డి వర్గానికి చెందిన వ్యక్తి ఆత్మహత్యాయత్నం. అడ్డుకున్న పోలీసులు.
  • చెన్నై: విల్లుపురం జిల్లా సెంజిలో అగ్రవర్ణాల దాష్టీకం. పొలాల్లో మల విసర్జన చేశాడని యువకుడిని కొట్టిన అగ్రవర్ణాల పెద్దలు. యువకుడికి తీవ్రగాయాలు, పోలీసులకు సమాచారం ఇచ్చిన స్థానికులు. గాయాలతో ఉన్న యువకుడిని ఇంటికి పంపిన పోలీసులు. ఇంటికి వెళ్లిన కొద్దిసేపటికే యువకుడు మృతి. కుటుంబ సభ్యులు, దళిత సంఘాల ఆందోళన. దాడి చేసినవారిని కఠినంగా శిక్షించాలని డిమాండ్‌.
  • బాబు మాజీ పీఎస్‌ శ్రీనివాస్‌ ఇంట్లో ఐటీ దాడులపై రాజకీయ రచ్చ. వైసీపీ, టీడీపీ పరస్పర విమర్శలు. ట్విట్టర్‌లో చంద్రబాబుపై విజయసాయి ధ్వజం. కౌంటర్‌ ఎటాక్‌ చేసిన టీడీపీ నేతలు. శ్రీనివాస్‌ కమిట్‌మెంట్‌ను మెచ్చుకోవాలి. యజమాని ప్రతి లావాదేవీని డైరీలో రాసుకున్నాడు. దోచుకున్నవి, దొంగ లెక్కలను పర్‌ఫెక్ట్‌గా రికార్డ్‌ చేశాడు-విజయసాయి. దోపిడీదారులు నిప్పుకణికల్లా బిల్డప్‌ ఇస్తుంటారు-విజయసాయి. టీడీపీపై దుష్ప్రచారం చేస్తే చట్టపర చర్యలు-యనమల. ఐటీ దాడులను భూతద్దంలో చూపించారు-యనమల. రూ.2 వేల కోట్ల నగద అని ప్రచారం చేశారు. చంద్రబాబుకు వైసీపీ నేతలు క్షమాపణ చెప్పాలి-యనమల. శ్రీనివాస్‌ ఇంట్లో వేల కోట్లు ఉన్నాయని తప్పుడు ప్రచారం చేశారు-బుచ్చయ్య. వైవీ సుబ్బారెడ్డి మైనింగ్‌లపై విచారణ చేయాలి-బుచ్చయ్య.

మోసపూరిత యాడ్స్‌పై కేంద్రం పంజా.. జైలు శిక్ష, భారీ జరిమానా…

New Draft Bill By Central Government, మోసపూరిత యాడ్స్‌పై కేంద్రం పంజా.. జైలు శిక్ష, భారీ జరిమానా…

New Draft Bill By Central Government: మీ చర్మం ఆయిలీగా ఉందా.. అయితే ఈ క్రీమ్ వాడండి ఇట్టే తెల్లబడిపోతారు.. మీకు సంతానం కలగట్లేదా.. ఈ మందు వాడండి చాలు.. పిల్లలు పుడతారు.. ఇలాంటి యాడ్స్ మనం రెగ్యులర్‌గా టీవీల్లో చూస్తూనే ఉంటాం. వీటన్నింటికి సామాన్యులు ఎట్రాక్ట్ కావడమే కాకుండా నమ్మేసి మరీ ఆ ఉత్త్పత్తులను భారీ నగదు చెల్లించి కొంటుంటారు. అయితే వాటితో ఏ ఉపయోగం ఉండదు. అందుకనే మున్ముందు వినియోగదారులు ఈ ప్రకటనలు చూసి మోసపోకూడదనే ఉద్దేశంతో కేంద్రం చెక్ పెట్టేందుకు సిద్ధమైంది. ఇకపై ఇలాంటి అసత్య ప్రచారాలు, ప్రకటనలు చేసే కంపెనీల నిర్వాహకులు, వాటిని ప్రజల్లోకి తీసుకెళ్లే బ్రాండ్ అంబాసిడర్లకు 5 ఏళ్ళ జైలు శిక్షతో పాటు.. రూ.50 లక్షల భారీ జరిమానాను విధించనుంది.

ఈ మేరకు కేంద్ర కుటుంబ ఆరోగ్య మంత్రిత్వశాఖ డ్రగ్స్, మ్యాజిక్ రెమిడీస్‌కు ముసాయిదా సవరణను ప్రతిపాదించింది. దీని ప్రకారం సుమారు 78 రకాల వ్యాధులు, రుగ్మతలకు సంబంధించిన ప్రకటనలపై నిషేధం పడనుంది. శృంగార సామర్ధ్యం, ఎయిడ్స్, చర్మ రంగును మార్చే సౌందర్య ఉత్త్పత్తులు, జుట్టు రంగు మార్చడం, మహిళలకు సంబంధించిన వ్యాధులు వంటి వాటిని ఈ కొత్త చట్టంలో చేర్చారు.

ఈ నిబంధనలను ఉల్లంఘిస్తే.. మొదటిసారి నేరానికి రెండేళ్ల జైలు శిక్ష, రూ.10 లక్షల జరిమానా విధిస్తారు. అదే రెండోసారి తప్పు చేస్తే 5 ఏళ్ళ జైలు శిక్షతో పాటుగా రూ.50 లక్షల భారీ జరిమానా విధిస్తారు. కాగా, ఈ ప్రకటనలు కేవలం టీవీల్లో మాత్రమే కాదు.. ఆడియో, ప్రచురణ, సోషల్ మీడియా, ఇంటర్నెట్, వెబ్‌సైట్, నోటీస్, పత్రికా ప్రకటన, బ్యానర్‌, పోస్టర్‌ ఇలా అన్నింటిల్లోనూ నిషేధించనున్నారు.