తెలంగాణకు కొత్త అసెంబ్లీ…?
హైదరాబాద్ నడిబొడ్డున అసెంబ్లీ భవనం కొలువుదీరిన సంగతి తెలిసిందే. నిజాంలు కట్టించిన ఈ భవనాలు వందల ఏళ్ల నాటివి కావడంతో.. వాటి స్థానంలో కొత్త అసెంబ్లీ కట్టాలని తెలంగాణ సర్కారు భావిస్తోంది. కొత్త అసెంబ్లీ నిర్మాణం కోసం అనువైన స్థలాలను వెతుకుతోంది. ప్రస్తుతం ఈ అన్వేషణ ఓ కొలిక్కి వచ్చినట్టు తెలుస్తోంది. ఎర్రమంజిల్ ప్రాంతంలో తెలంగాణ కొత్త అసెంబ్లీ నిర్మించే అవకాశాలు కనిపిస్తున్నాయి. ప్రస్తుతం రోడ్లు భవనాల శాఖ కార్యాలయాలు చాలా ఉన్నాయి. అవి కూడా పాత […]
హైదరాబాద్ నడిబొడ్డున అసెంబ్లీ భవనం కొలువుదీరిన సంగతి తెలిసిందే. నిజాంలు కట్టించిన ఈ భవనాలు వందల ఏళ్ల నాటివి కావడంతో.. వాటి స్థానంలో కొత్త అసెంబ్లీ కట్టాలని తెలంగాణ సర్కారు భావిస్తోంది. కొత్త అసెంబ్లీ నిర్మాణం కోసం అనువైన స్థలాలను వెతుకుతోంది. ప్రస్తుతం ఈ అన్వేషణ ఓ కొలిక్కి వచ్చినట్టు తెలుస్తోంది.
ఎర్రమంజిల్ ప్రాంతంలో తెలంగాణ కొత్త అసెంబ్లీ నిర్మించే అవకాశాలు కనిపిస్తున్నాయి. ప్రస్తుతం రోడ్లు భవనాల శాఖ కార్యాలయాలు చాలా ఉన్నాయి. అవి కూడా పాత కాలం నాటివి. ఈ స్థలం తెలంగాణ కొత్త అసెంబ్లీ భవనాలకు అనుకూలంగా ఉంటుందని అధికారులు భావిస్తున్నారు. గురువారం అధికారుల బృందం ఈ ప్రాంతాన్ని పరిశీలించినట్లు సమాచారం. ఈ స్థలం ప్రతిపాదనలు ముఖ్యమంత్రి కేసీఆర్ వద్దకు వెళ్లాక ఆయన పచ్చజెండా ఊపే అవకాశం ఉంది. ఈనెల 27 వరకు మంచి ముహూర్తాలు ఉండటం వల్ల ఈ అంశంపై ప్రచారం జరుగుతోంది. ముఖ్యమంత్రి కేసీఆర్ తుది నిర్ణయం తీసుకుని ప్రకటించాల్సి ఉంది.