చాహల్ కులంపై వ్యాఖ్యలు… సారీ చెప్పిన యువరాజ్…
భారత స్టార్ ఓపెనర్ రోహిత్ శర్మతో ఇన్స్టా లైవ్లో మాట్లాడుతున్నపుడు యూవీ.. యజ్వేంద్ర చాహల్ కులాన్ని ఉద్దేశిస్తూ చేసిన వ్యాఖ్యలు ఆయనను వివాదంలోకి నెట్టాయి.
భారత స్పిన్నర్ యుజ్వేంద్ర చాహల్పై మాజీ క్రికెటర్ యువరాజ్ సింగ్ చేసిన కామెంట్స్ సోషల్ మీడియాలో దుమారం రేపాయి. చాహల్ తాజాగా తన తండ్రితో కలిసి చేసిన టిక్టాక్ వీడియో గురించి యువరాజ్ స్పందించిన తీరుపై నెటిజన్లు తీవ్రస్థాయిలో ఫైరయ్యారు. దీనిపై పోలీసులకు కూడా కంప్లైంట్ ఇచ్చారు సామాజిక కార్యకర్త, న్యాయవాది రజత్ కల్సన్. తాజాగా ఈ విషయంపై సారీ చెప్పాడు యువీ.
“ఈ విషయంపై నేను స్పష్టత ఇస్తున్నా. నేనెప్పుడూ జాతి, కులం, రంగు, లింగ బేధాల గురించి మాట్లాడను. నా జీవితం మొత్తం ప్రజా సేవ కోసమే వినియోగిస్తా. అలాగే ప్రతి ఒక్కరిని ఎటువంటి విభేదాలు చూడకుండా గౌరవిస్తా. అయితే నా మిత్రులలో మాట్లాడే సమయంలో అనుకోకుండా తప్పు దొర్లి ఉండవచచ్చు. కానీ ఒకరి మనోభావాలను దెబ్బతీయడం మాత్రం నా ఇంటెన్షన్ కాదు. ఆ మాటలు ఎవరినైనా బాధపెడితే క్షమాపణలు కోరుతున్నా” అని యువరాజ్ సింగ్ పేర్కొన్నాడు.
— yuvraj singh (@YUVSTRONG12) June 5, 2020
భారత స్టార్ ఓపెనర్ రోహిత్ శర్మతో ఇన్స్టా లైవ్లో మాట్లాడుతున్నపుడు యూవీ.. యజ్వేంద్ర చాహల్ కులాన్ని ఉద్దేశిస్తూ చేసిన వ్యాఖ్యలు ఆయనను వివాదంలోకి నెట్టాయి. ఈ వీడియోను పలువురు సోషల్ మీడియాలో షేర్ చేయగా..యూవీపై తీవ్ర విమర్మలు వెల్లువెత్తాయి.