Breaking News
  • సిద్దిపేట: దేశానికి ఆదర్శంగా గజ్వేల్‌ నిలువబోతోంది. గజ్వేల్‌లో సీఎం పర్యటనకు అన్ని ఏర్పాట్లు పూర్తి. రూ.కోట్లతో నిర్మించిన కార్యాలయాలను సీఎం కేసీఆర్‌ ప్రారంభిస్తారు-హరీష్‌రావు.
  • ఇంటర్‌ పరీక్షల నిర్వహణపై కార్యదర్శి జలీల్‌ ప్రెస్‌మీట్‌. అధిక పరీక్ష ఫీజులు వసూలు చేసిన మూడు కాలేజీలు దసరాసెలవుల్లో తరగతులు నిర్వహించిన కాలేజీలకు నోటీసులు. ఎలాంటి సమస్యలు తలెత్తకుండా జాగ్రత్తలు తీసుకున్నాం. హాల్‌ టికెట్లపై ఏ సమస్య ఉన్నా భయపడొద్దు. ఏదైనా సమస్య ఉంటే బోర్డును సంప్రదించాలి. Tsbie.gov.inలో విద్యార్థులు తమ వివరాలు చెక్‌చేసుకోవచ్చ -ఇంటర్‌ బోర్డ్‌ కార్యదర్శి ఉమర్‌ జలీల్‌
  • రేపు ఏపీ వ్యాప్తంగా టీడీపీ నిరసనలు. పెరిగిన ఆర్టీసీ చార్జీలకు నిరసనగా ఆందోళనలు. ఆర్టీసీ డిపోల ఎదుట నిరసనలకు పిలుపు నిచ్చిన టీడీపీ
  • తిరుమలలో భక్తుల రద్దీ సాధారణం శ్రీవారి ఉచిత దర్శనానికి 7 గంటల సమయం. ఈ రోజు శ్రీవారి హుండీ ఆదాయం రూ.2.73 కోట్లు.
  • విశాఖ: రైల్వే ఈ-టికెట్లు బ్లాక్‌ చేస్తున్న ముఠా గుట్టురట్టు. దువ్వాడ, తాటిచెట్లపాలెంలో ఆర్పీఎఫ్‌ దాడులు ఈ-టికెట్లు బ్లాక్‌ చేస్తున్న ఇద్దరు అరెస్ట్‌. రూ.14.89 లక్షల విలువైన ఈ-టికెట్లు సీజ్‌. కటక్‌కు చెందిన సమీర్‌కుమార్‌ ప్రధాన్‌, దుర్గారావు అరెస్ట్‌. ఐఆర్‌సీటీసీ వెబ్‌సైట్‌ను హ్యాక్‌ చేస్తున్న నిందితులు ల్యాప్‌టాప్‌, డాక్యుమెంట్లు సీజ్‌చేసిన ఆర్పీఎఫ్‌
  • కర్నూలు: నంద్యాలలో మందుబాబుల వీరంగం. పబ్లిక్‌గా మద్యం సేవిస్తున్న యువకులు. అడ్డుచెప్పిన మస్తాన్‌ వలీ అనే వ్యక్తిపై రాళ్లదాడి మస్తాన్‌వలీకి తీవ్రగాయాలు, ఆస్పత్రికి తరలింపు.
  • వరంగల్‌: హన్మకొండలో గుంతలరోడ్డుకు యువతి బలి. హంటర్‌రోడ్డులో గుంతలో పడి విద్యార్థిని బైక్‌ బోల్తా. రాంపూర్‌కు చెందిన విద్యార్థిని బ్లెస్సీ అక్కడికక్కడే మృతి.

బెంగళూరు ఘటన.. ఐదుగురి అరెస్ట్

Neighbours arrested after Bengaluru man kills son, బెంగళూరు ఘటన.. ఐదుగురి అరెస్ట్

బెంగళూరులో సోమవారం సంచలనం సృష్టించిన మర్డర్ కేసులో పోలీసులు ఐదు మందిని అదుపులోకి తీసుకున్నారు. అప్పుల బాధలు భరించలేక సురేశ్ అనే వ్యక్తి తన 12ఏళ్ల కుమారుడిని ఉరేసిన విషయం తెలిసిందే. ఆ తరువాత ఆయన భార్య గీతాభాయి కూడా ఆత్మహత్య చేసుకొని కన్నుమూసింది. ఇక ఈ కేసును విచారిస్తున్న పోలీసులు తాజాగా ఐదుగురిని అరెస్ట్ చేశారు.

ఇటీవల చీటీల వ్యాపారంలో నష్టాలు రావడంతో.. తమ డబ్బును వడ్డీతో సహా ఇవ్వాలంటూ రమేశ్ కుటుంబంపై కొందరు ఒత్తిడి తీసుకొచ్చారు. వారిలో ఇంటిపక్కల వారు కూడా ఉన్నారు. వారి చర్య వలనే ఆత్మహత్య చేసుకోవాలని రమేశ్ కుటుంబం భావించిందని పోలీసులు నిర్దారణకు వచ్చారు. దీంతో ఐదు మందిని అరెస్ట్ చేశారు. దీనిపై స్థానిక పోలీస్ అధికారి అబ్దుల్ అహ్మద్ మాట్లాడుతూ.. ఈ కేసులో ఇప్పటివరకు ఐదుగురిని అదుపులోకి తీసుకున్నాం. మరో ఇద్దరు, ముగ్గురిని త్వరలోనే అరెస్ట్ చేస్తామంటూ పేర్కొన్నారు. కాగా ఇదే కేసులో ఓ జర్నలిస్ట్‌పై పోలీసులు కేసు నమోదు చేశాయి. గీతాభాయి అంత్యక్రియల సమయంలో రమేశ్ బాబు ఫోన్‌ను తీసుకున్న జర్నలిస్ట్.. అందులో కొన్ని వీడియోలను పలువురికి షేర్ చేశాడు. ఈ నేపథ్యంలో అతడిపై కూడా కేసు నమోదైంది.