Breaking News
  • ఢిల్లీ: భారత్ లో విజృంభిస్తున్న కరోనా వైరస్. ఒక లక్ష 51 వేల మార్క్ ని దాటినా కరోనా పాజిటివ్ కేస్ లు దేశవ్యాప్తంగా కరోనా పాజిటివ్ కేసులు : 151767 దేశ వ్యాప్తంగా యాక్టీవ్ కేసులు: 83004 కరోనా నుంచి డిశ్చార్జ్ అయిన బాధితులు: 64426 దేశం మొత్తం కరోనా తో మృతుల సంఖ్య : 4337 కేంద్ర ఆరోగ్య మంత్రిత్వ శాఖ
  • విశాఖ మెంటల్ హాస్పిటల్ సూపరింటెండెంట్ కు లేఖ రాసిన డాక్టర్ సుధాకర్. తనకు అందిస్తున్న వైద్య సేవలపై డాక్టర్ సుధాకర్ ఆందోళన. మెరుగైన సౌకర్యాలు కలిగిన ఆసుపత్రికి వెళ్ళేందుకు అనుమతించాలని విజ్ఞప్తి.
  • ఢిల్లీ మే 31 వ తేదీ మోడీ మన్ కీ బాత్‌ కార్యక్రమం. మన్ కి బాత్ లో ...లాక్ డౌన్ 5.0 పై ప్రధాని మోడీ మాట్లాడే అవకాశం. లాక్ డౌన్ 4.0 చివరి రోజు మే 31. పిఎం మోడీ తన ప్రసంగంలో లాక్డౌన్ స్ఫూర్తిని , దేశంలో చాలా ప్రాంతాల్లో మరింత సడలింపులు వంటి వాటి పై మాట్లాడే అవకాశం ఉందంటున్న విశ్వసనీయ వర్గాల సమాచారం.
  • కరోనా నుంచి కోలుకున్న ఒక నెల పసిపాప. ముంబై లోని సియాన్ హాస్పిటల్ నుంచి డిశ్చార్జ్ చేసిన వైద్యులు. పసిపాప కి చప్పట్లు కొడుతూ...సెండ్ ఆఫ్ ఇచ్చిన వైద్యులు, సిబ్బంది.
  • సినిమా షూటింగ్ లు, థియేటర్ ల ఓపెనింగ్ తదితర అంశాలపై సినీ ప్రముఖులతో సమావేశమైన మంత్రి శ్రీ తలసాని శ్రీనివాస్ యాదవ్. సినీరంగం పట్ల ప్రభుత్వం ఎప్పుడు సానుకూల ధోరణితో వ్యవహరిస్తుంది. మాసాబ్ ట్యాంక్ లోని పశుసంవర్ధక శాఖ డైరెక్టర్ కార్యాలయ ఆవరణలోని కాన్ఫరెన్స్ హాల్ లో సమావేశమైన మంత్రి శ్రీనివాస్ యాదవ్.
  • అమరావతి: మహానాడు.. కరోనా వైరస్ విజృంభణ- వలస కార్మికుల కష్టాలు తీర్మానాన్ని ప్రవేశపెట్టిన ఎంపీ గల్లా జయదేవ్.. తీర్మానాన్ని బలపరిచిన మాజీ మంత్రి కేఎస్ జవహర్, టీడీపీ అధికార ప్రతినిధి కొమ్మారెడ్డి పట్టాభిరాం గల్లా జయదేవ్, టీడీపీ ఎంపీ 38వ మహానాడు జూమ్ టెక్నాలజీ ద్వారా నిర్వహించడం చూస్తే కరోనా వైరస్ విజృంభణ ఏ స్థాయిలో ఉందో తెలుస్తోంది. ఇకపై కరోనాకు ముందు తర్వాత అన్న విధంగా పరిస్థితులు మారిపోయాయి. గ్లోబల్ క్రైసిస్ లో ఇదే పెద్దది. స్పానిష్ ఫ్లూ వల్ల అనేకమంది ప్రాణాలు కోల్పోయారు. గల్లా జయదేవ్, టీడీపీ ఎంపీ.
  • టివి9 తో రైల్వే సిపిఆర్ఓ రాకేష్: ఒకటి నుంచి ప్రయాణించే రైళ్లలో నో మాస్క్ .. నో జర్నీ. మాస్క్ లు లేకుండా స్టేషన్లకు రావొద్దు. ఒకటో తేదీ నుంచి సికింద్రాబాద్ స్టేషన్ నుండి 32 ట్రైన్స్ . ఢిల్లీ ,హౌరా,గుంటూరు ,వైజాగ్,బాంబే, తిరుపతి,తదితర ప్రాంతాలకు నడపనున్న రైళ్లు. ఇప్పటికే అనేక రైళ్లకు రిజర్వేషన్లు బుక్ చేసుకున్న ప్రయాణీకులు . ప్రయాణాల్లో కోవిద్ 19 నిబంధనలు పాటిస్తూ సిబ్బందికి సహరించాలి. దశల వారిగా రైళ్ల ను పెంచేందుకే ప్రయత్నిస్తున్నాం . రైల్వే బుకింగ్స్ దగ్గర నుండి రైళ్లు ఎక్కే వరకూ తిరిగి ప్రయాణికులు బయటకి వెళ్లే వరకు పూర్తి స్థాయిలో నిబంధనలు . స్టేషన్ కి వచ్చిన ప్రయాణికుడికి థర్మల్ స్కీనింగ్ చేసిన స్టాంపింగ్ వేసి ఇళ్లకు పంపిస్తాం.

ఓటమిని ముందే అంగీకరించడమే కొంప ముంచిందా?

negative results for congress party, ఓటమిని ముందే అంగీకరించడమే కొంప ముంచిందా?

వరుసగా కొడుతున్న షాకులతో తెలంగాణ కాంగ్రెస్ నేతలు ఉక్కిరిబిక్కిరవుతున్నారు. హుజూర్‌నగర్ ఉప ఎన్నికలో ఓటమిని ఇంకా మరవక ముందే మునిసిపల్ ఎన్నికల్లో కాంగ్రెస్ పార్టీకి పెద్ద షాక్ తగిలింది. అధికారంలో వున్న పార్టీలే స్థానిక సంస్థల ఎన్నికల్లో ఎక్కువ స్థానాలను గెలుచుకోవడం రివాజే అయినప్పటికీ.. విపక్షాలు కూడా మెరుగైన ప్రదర్శనే చేస్తాయి. కానీ ఈసారి మునిసిపల్ ఎన్నికల్లో కాంగ్రెస్ పార్టీ గతంలో ఎన్నడూ లేని విధంగా దారుణ పరాజయాన్ని మూటగట్టుకుంది. ఇందుకు కారణం ఆ పార్టీ నేతలేనని, వారంతా పరోక్షంగా ఓటమిని అంగీకరించడమే అధికార పార్టీకి భారీగా కలిసి వచ్చిందని పరిశీలకులు అంఛనా వేస్తున్నారు.

గత ఏడాది కాలంగా తెలంగాణ కాంగ్రెస్ కమిటీ అధ్యక్ష బాధ్యతల నుంచి ఉత్తమ్ కుమార్ రెడ్డిని తప్పిస్తారని ప్రచారం జరుగుతోంది. అసెంబ్లీ ఎన్నికల్లో ఓటమి పాలైనప్పుడు మొదలైన ఈ చర్చ.. ఇటీవల హుజూర్‌నగర్ ఉప ఎన్నికల్లో ఓటమి తర్వాత మరింత ఊపందుకుంది. దానికి తగినట్లుగానే.. ఉత్తమ్ కుమార్ ఎంపీగా ఎన్నికవడంతో ఢిల్లీలో కొత్త బాధ్యతలు చేపడతారన్న ప్రచారమూ కొనసాగింది. ఈ నేపథ్యంలో వచ్చిన మునిసిపల్ ఎన్నికల్లో ఈ ప్రచారమే శల్య సారథ్యానికి దారితీశాయని అంటున్నారు.

మునిసిపల్ ఎన్నికల షెడ్యూల్ విడుదలయ్యాక కూడా ఎన్నికలను అడ్డుకునేందుకు కాంగ్రెస్ నాయకత్వం ప్రయత్నించింది. అందుకోసం న్యాయపోరాటానికి దిగింది. పార్టీని ప్రిపేర్ చేయాల్సిన టీపీసీసీ అధ్యక్షుడే స్వయంగా హైకోర్టులో పిటిషన్ దాఖలు చేయించారు. కోర్టు తీర్పు ప్రతికూలంగా రావడంతో అత్యంత స్వల్ప వ్యవధిలో ఎన్నికలను ఎదుర్కోవాల్సి వచ్చింది. అయితే, ప్రచారం మొదలైన తొలి రోజునే ఉత్తమ్ కుమార్ మునిసిపల్ ఎన్నికల తర్వాత తాను పీసీసీ బాధ్యతల నుంచి తప్పుకుంటానని ప్రకటించారు. ఈ ప్రకటన ప్రతీ ఒక్కరికి మహాభారత సమరానికి ముందు శల్యుడు ఆడిన మాటలనే గుర్తు చేశారు. ఈ ప్రకటన ద్వారా మునిసిపల్ ఎన్నికల్లో ఓటమిని ఉత్తమ్ కుమార్ ముందే అంగీకరించినట్లయ్యింది.

ఉత్తమ్ కుమార్ రెడ్డి, కోమటిరెడ్డి వెంకటరెడ్డి లాంటి ఉద్ధండ నేతలు ప్రాతినిధ్యం వహిస్తున్న ఉమ్మడి నల్గొండలో కాంగ్రెస్ పార్టీ దారుణ పరాజయాన్ని చవిచూడగా.. వర్కింగ్ ప్రెసిడెంట్లు భట్టి విక్రమార్క, రేవంత్ రెడ్డి, పొన్నం ప్రభాకర్ ప్రాతినిధ్యం వహిస్తున్న ఉమ్మడి ఖమ్మం, ఉమ్మడి మహబూబ్‌నగర్, ఉమ్మడి రంగారెడ్డి, ఉమ్మడి కరీంనగర్ జిల్లాల్లోను ఘోరంగా ఓటమి పాలైంది.

పార్లమెంటు ఎన్నికల్లో ఒకసీటును అధికంగా గెలుపొందిన బీజేపీ ఈ సారి కూడా కాంగ్రెస్ పార్టీ కంటే మెరుగైన ఫలితాలనే సాధించింది. నిజామాబాద్ మునిసిపల్ కార్పొరేషన్‌లో అతిపెద్ద పార్టీగా నిలిచిన బీజేపీ.. మేయర్ సీటుకు ఏడడుగుల దూరంలో ఆగిపోయింది. టెక్నికల్‌గా మూడు మునిసిపాలిటీలను గెలుచుకున్న బీజేపీ కంటే రెండు మునిసిపాలిటీలను ఎక్కువగా గెలుచుకుంది కాంగ్రెస్ పార్టీ. ఈ క్రమంలో తెలంగాణ కాంగ్రెస్ సారథ్యంలో కీలక మార్పులు త్వరలోనే ఖాయమని తేలిపోయింది.

Related Tags