హిందువులే టార్గెట్‌గా దాడులు..! రాజాసింగ్ కీలక వ్యాఖ్యలు..!

సాయి సాగర్‌పై అకారణంగా దాడి చేసిన వ్యక్తి ఓ రౌడీ షీటర్ అని బీజేపీ ఎమ్మెల్యే రాజాసింగ్ వ్యాఖ్యానించారు. ఇప్పటికే రౌడీషీటర్ మొబిన్‌పై 12 కేసులున్నాయన్నారు. ఓ యువతితో నెక్లెస్‌ రోడ్‌పై అసభ్యంగా ప్రవర్తిస్తుంటే సాయి సాగర్ నిలదీశాడని.. ఈ కారణంతోనే మొబిన్‌ దాడి చేశాడన్నారు. విషయం తెలుసుకున్న పోలీసులు ఇద్దరినీ పోలీస్ స్టేషన్‌కి తీసుకెళ్లారని, అయితే.. అక్కడ కూడా మొబిన్ రాయితో దాడి చేసినందు వల్లే కోమాలోకి వెళ్లి, చికిత్స పొందుతూ మృతి చెందాడన్నారు. నెక్లెస్‌ రోడ్‌లో అసాంఘిక కార్యకలాపాలు కొనసాగుతున్నాయని, హిందువులనే టార్గెట్ చేస్తూ ఈ దాడులు చేస్తున్నారని రాజాసింగ్ ఆరోపించారు. నెక్లెస్ రోడ్‌లో భద్రత పెంచాల్సిన అవసరం ఉందన్నారు.