Breaking News
  • ప్రస్తుత పరిస్థితుల్లో ఆర్టీసీని నడపలేం-సీఎం కేసీఆర్‌. ఆర్టీసీకి ఇప్పటికే రూ.5 వేల కోట్ల అప్పులున్నాయి. తక్షణం చెల్లించాల్సిన అప్పులు, బకాయిలు దాదాపు రూ.2 వేల కోట్లు. ప్రస్తుతం ఆర్టీసీని నడపాలంటే నెలకు రూ.640 కోట్లు కావాలి. ఆర్టీసీకి ఆర్థిక భారం మోసే శక్తి లేదు. ఆర్థిక మాంద్యం కారణంగా ప్రభుత్వం కూడా భరించే పరిస్థితి లేదు. ఆర్టీసీకి ఉన్న ఒకే ఒక మార్గం బస్సు చార్జీలు పెంచడం. చార్జీలు ఎక్కువైతే ప్రజలు బస్సులు ఎక్కని పరిస్థితి వస్తుంది. ఇప్పుడు ఆర్టీసీని యధావిధిగా నడపడం సాధ్యం కాదు. హైకోర్టు తీర్పు తర్వాతే తుది నిర్ణయం తీసుకుంటాం-కేసీఆర్‌
  • హైదరాబాద్‌: నేడు రూట్ల ప్రైవేటీకరణపై హైకోర్టులో విచారణ. హైకోర్టు తీర్పుపై ఆర్టీసీ కార్మికుల్లో ఉత్కంఠ
  • చంద్రయాన్‌-2 ప్రయోగం విఫలమైందనడం సమంజసం కాదు. ఇలాంటి ప్రయోగాల్లో చిన్న సమస్యలు తలెత్తే అవకాశం సాధారణం. అంతమాత్రాన చంద్రయాన్‌-2 విఫలమైందనడం సరికాదు -కేంద్రమంత్రి జితేంద్రసింగ్‌
  • ఎస్‌పీజీ సెక్యూరిటీ ఉపసంహరణపై ప్రియాంకాగాంధీ స్పందన. రాజకీయాల్లో భాగంగానే సెక్యూరిటీ తొలగించారు. ఇకపై ఈ తరహా ఘటనలు జరుగుతూనే ఉంటాయి-ప్రియాంక
  • తాజ్‌మహల్‌ పరిసరాల్లో డ్రోన్లు ఎగరేసిన విదేశీ యాత్రికులు. రష్యాకు చెందిన ఐదుగురిని అదుపులోకి తీసుకున్న పోలీసులు
  • దేశంలో ఆర్థిక మాంద్యాన్ని ఎదుర్కొనేందుకు.. పెట్టుబడుల ఉపసంహరణ సరైన పరిష్కారం కాదు-మమతాబెనర్జీ. ప్రభుత్వరంగ సంస్థల్లో వాటాల విక్రయం తాత్కాలిక ఉపశమనమే. ఇలాంటి చర్యలు ఆర్థిక వ్యవస్థ స్థిరత్వానికి దోహదం చేయవు-మమత
  • సియాచిన్‌పై పాకిస్తాన్‌ వివాదాస్పద వ్యాఖ్యలు. సియాచిన్‌ వివాదాస్పద ప్రాంతం. అలాంటి ప్రాంతంలో భారత్‌ పర్యాటకాన్ని ఎలా ప్రారంభిస్తుంది. భారత్‌ నుంచి ఎలాంటి మంచిని ఆశించడంలేదన్న పాక్‌
  • ఈశాన్య రాష్ట్రాల్లో భూ ప్రకంపనలు. గౌహతి, షిల్లాంగ్‌లో కంపించిన భూమి. భయంతో ఇళ్లల్లోంచి బయటకు పరుగులు తీసిన జనం

50 మంది గర్భిణులు.. ఒకేచోట చేరి.. అదరగొట్టేశారు

pregnant women perform Garba, 50 మంది గర్భిణులు.. ఒకేచోట చేరి.. అదరగొట్టేశారు

మనదేశంలో నిండు గర్భిణులను కాలు కదపనివ్వకుండా.. ఎలాంటి పనులు చేయనివ్వకుండా చూసుకుంటుంటారు కుటుంబసభ్యులు. అయితే తాజాగా గుజరాత్‌లోని సూరత్‌లో నవరాత్రుల సందర్భంగా ప్రత్యేక కార్యక్రమాన్ని నిర్వహించారు కొందరు నిర్వాహకులు. ఇక ఇందులో పాల్గొన్న 50మంది గర్భిణులు గర్బా పాటలకు ఉత్సాహంగా డ్యాన్సులు వేశారు.

ఈ సందర్భంగా ఓ గర్భిణి మాట్లాడుతూ.. తాను గత పదేళ్లుగా గర్బా నృత్యంచేస్తూ వస్తున్నానని, అయితే ప్రెగ్నెన్సీ కారణంగా ఈసారి గర్బాలో పాల్గొనలేనేమోనని అనుకున్నానని.. కానీ ఇలా ప్రత్యేకంగా కార్యక్రమం ఏర్పాటు చేయడం ఎంతో ఆనందంగా ఉందని తెలిపింది. ఈ నృత్యం కారణంగా తన కడుపులో పెరుగుతున్న బిడ్డ కూడా ఆనందిస్తాడని ఆమె పేర్కొంది. ఈ సందర్భంగా కార్యక్రమ నిర్వాహకులు మాట్లాడుతూ.. గర్భ ఆడే మహిళల్లో ఎండార్ఫిన్ హార్మోన్ వృద్ధి చెందుతుందన్నారు. ఇది శరీరానికి ఎంతో ప్రయోజనకారి అని, డెలివరీ సమయంలో పెయిన్ తగ్గేందుకు అవకాశముంటుందని వారు తెలిపారు.