Mamata Banerjee: బెంగాల్‌లో మళ్లీ వేడెక్కిన రాజకీయాలు.. నేడు సీఎం మమతా బెనర్జీ నామినేషన్‌..

Bhabanipur Assembly by-election: పశ్చిమ బెంగాల్‌లో మరోసారి ఎన్నికల వేడి రాజుకుంది. బెంగాల్‌లోని మూడు అసెంబ్లీ స్థానాలకు 30న ఉప ఎన్నికలు జరగనున్న విషయం తెలిసిందే. అంతకుముందు జరిగిన అసెంబ్లీ ఎన్నికల్లో..

Mamata Banerjee: బెంగాల్‌లో మళ్లీ వేడెక్కిన రాజకీయాలు.. నేడు సీఎం మమతా బెనర్జీ నామినేషన్‌..
Mamata Banerjee

Bhabanipur Assembly by-election: పశ్చిమ బెంగాల్‌లో మరోసారి ఎన్నికల వేడి రాజుకుంది. బెంగాల్‌లోని మూడు అసెంబ్లీ స్థానాలకు 30న ఉప ఎన్నికలు జరగనున్న విషయం తెలిసిందే. అంతకుముందు జరిగిన అసెంబ్లీ ఎన్నికల్లో.. మమతా బెనర్జీ నేతృత్వంలోని టీఎంసీ ఘన విజయం సాధించింది. అయితే.. నందిగ్రామ్‌లో పోటీచేసిన సీఎం మమతా.. బీజేపీ నేత సువేందు అధికారి చేతిలో ఓడిపోయిన విషయం తెలిసిందే. దీంతో ఈ ఎన్నికలు సర్వత్రా ఆసక్తికరంగా మారాయి. ఇప్పుడు సీఎం మమతా బెనర్జీ సొంత నియోజకవర్గం భవానీపూర్‌ పోటీ చేయనున్నారు. ఈ నేపథ్యంలో సీఎం మమత శుక్రవారం నామినేషన్‌ దాఖలు చేయనున్నారు. ఈ ఏడాది ప్రారంభంలో జరిగిన అసెంబ్లీ ఎన్నికల్లో ఆమె బీబేపీ నేత సువేందు అధికారిని ఓడించడానికి నందిగ్రామ్‌ నుంచి పోటీచేశారు. అయితే గట్టిపోటీనిచ్చిన ఆమె కొద్ది ఓట్ల తేడాతో ఓటమి చవిచూశారు. అయితే.. ఆమె ఏ సభకూ ఎన్నిక కాకుండానే మూడోసారి ముఖ్యమంత్రి పీఠాన్ని చేపట్టారు. అయితే.. రాజ్యాంగం ప్రకారం మమతా ఆరు నెలల్లోగా శాసనసభకు ఎన్నిక కావాల్సి ఉంటుంది.

ఈ క్రమంలో భవానీపూర్‌ ఎమ్మెల్యేగా ఉన్న రాష్ట్ర వ్యవ‌సాయ మంత్రి సోబ‌న్‌దేవ్ చ‌టోపాధ్యాయ్.. మ‌మ‌తా బెన‌ర్జీ కోసం త‌న ఎమ్మెల్యే ప‌ద‌వికి రాజీనామా చేశారు. ఈ నేపథ్యంలో భవానీపూర్‌తోపాటు మరో రెండు స్థానాల ఉప ఎన్నికలకు కేంద్ర ఎన్నికల కమిషన్‌ షెడ్యూల్‌ను ప్రకటించింది. ఈ క్రమంలో మమతా బెనర్జీపై పోటీకి దూరంగా ఉండాలని కాంగ్రెస్‌ పార్టీ ఇప్పటికే నిర్ణయం తీసుకుంది. ఇక ప్రధాన ప్రతిపక్షం బీజేపీ తన అభ్యర్థిని బరిలో నిలపనుంది. అయితే.. ఈ సారి కూడా మమత ఓటమి చెందితే ముఖ్యమంత్రి పదవి నుంచి దిగిపోవాల్సి ఉంటుందని రాజకీయ నేతలు పేర్కొంటున్నారు.

కాగా.. గత శనివారం కేంద్ర ఎన్నికల సంఘం పశ్చిమ బెంగాల్‌, ఒడిశాలోని నాలుగు అసెంబ్లీ స్థానాలకు షెడ్యూల్‌ను విడుదల చేసింది. పశ్చిమ బెంగాల్‌లో 3, ఒడిశాలో ఒక అసెంబ్లీ స్థానంలో ఎన్నికలు జరగనున్నాయి. బెంగాల్‌లో భవానీపూర్, శంషేర్‌గంజ్, జంగీపూర్ నియోజకవర్గాల్లో, ఒడిశాలోని పిప్లి అసెంబ్లీ నియోజకవర్గంలో ఎన్నికలు నిర్వహించనున్నారు. ఈ నియోజకవర్గాల్లో సెప్టెంబర్ 30న పోలింగ్ జరగనుంది. అక్టోబర్ 3న కౌంటింగ్ నిర్వహించనున్నారు. ఎన్నికల నోటిఫికేషన్ సెప్టెంబర్ 6 విడుదల కాగా.. నామినేషన్ల దాఖలుకు చివరి తేదీ సెప్టెంబర్ 13గా ఎన్నికల సంఘం ప్రకటించింది.

Also Read;

Hyderabad: దిశ తరహాలోనే ఎన్‌కౌంటర్‌ చేయండి.. చిన్నారి హత్యపై స్థానికుల తిరుగుబాటు.. సైదాబాద్‌లో ఉద్రిక్తత

Hyderabad: హైదరాబాద్‌లో ఉన్మాది అరాచకం.. చిన్నారిపై కన్ను.. ఆ తర్వాత ఎత్తుకెళ్లి..

 

Click on your DTH Provider to Add TV9 Telugu