MLA Ashis Das: అందుకే గుండు గీయించుకున్నా.. బీజేపీని వీడుతూ త్రిపుర ఎమ్మెల్యే సంచలన వ్యాఖ్యలు..
Tripura MLA Ashis Das Shaves Head: బీజేపీ సీనియర్ నాయకుడు.. త్రిపుర రాష్ట్రంలోని సుర్మా నియోజకవర్గ ఎమ్మెల్యే ఆశిష్ దాస్ గుండు గీయించుకున్నారు. రాష్ట్రంలోని
Tripura MLA Ashis Das Shaves Head: బీజేపీ సీనియర్ నాయకుడు.. త్రిపుర రాష్ట్రంలోని సుర్మా నియోజకవర్గ ఎమ్మెల్యే ఆశిష్ దాస్ గుండు గీయించుకున్నారు. రాష్ట్రంలోని బీజేపీ ప్రభుత్వ దుర్మార్గాలకు ప్రాయశ్చిత్తంగా తాను గుండు గీయించుకున్నట్లు ఎమ్మెల్యే ఆశిశ్ దాస్ తెలిపారు. రాష్ట్రంలో బీజేపీ పాలన సరిగా లేదని, ఆ పార్టీ చేసిన తప్పులకు తాను గుండు గీయించుకున్నానని వెల్లడించారు. ఈ మేరకు పశ్చిమబెంగాల్ రాజధాని కోల్కతాలోని కాళీఘట్ ఆలయం వద్ద ఆయన తన తలనీలాలను మంగళవారం అర్పించారు. అనంతరం ఆశిష్ దాస్ మాట్లాడుతూ.. త్రిపురలో బీజేపీ ప్రభుత్వం రాజకీయ అరాచకానికి పాల్పడుతోందని విమర్శించారు. రాజకీయ గందరగోళం సృష్టించి చాలామందిని హింసిస్తోందని ఆయన ఆరోపించారు. బీజేపీ పాలన పట్ల త్రిపుర ప్రజలు సంతోషంగా లేరని పేర్కొన్నారు. వీటన్నింటికి ప్రాయశ్చిత్తంగా గుండు గీయించుకొని.. తాను ఆ పార్టీని వీడుతున్నట్లు వివరించారు. బీజీపీ వీడి రాజకీయాలకు అతీతంగా పనిచేయాలనుకుంటున్నానని వివరించారు.
అయితే ఆశిష్ దాస్ త్వరలో తృణమూల్ కాంగ్రెస్ పార్టీలో చేరనున్నట్లు తెలుస్తోంది. ఇటీవల భవానీపూర్లో మమతా బెనర్జీ విజయం సాధించడం పట్ల ఆశిష్ సంతోషం వ్యక్తం చేశారు. మమతా బెనర్జీని ప్రధానమంత్రి అయితే బాగుటుందని.. చాలామంది ఇదే కోరుకుంటున్నారని పేర్కొన్నారు. దీంతో ఆయన పార్టీ మారే ఆలోచనలో ఉన్నట్లు రాజకీయ వర్గాలు భావిస్తున్నాయి. అయితే.. గత కొంతకాలం నుంచి ఎమ్మెల్యే ఆశిశ్.. త్రిపుర ముఖ్యమంత్రి బిప్లబ్ దేబ్ని తీవ్రంగా విమర్శిస్తూ వస్తున్నారు.
Tripura BJP MLA Ashish Das performs havan & tonsures head at Kalighat Kali Temple in Kolkata
“I’m quitting BJP today. I had talks with TMC. More BJP MLAs may leave the party in coming days,” says Ashish Das pic.twitter.com/ZSY9DbrX7N
— ANI (@ANI) October 5, 2021
Also Read: