Indian Railway: రైలు ప్రయాణికులకు షాకింగ్ న్యూస్.. ఆ స్టేషన్లలో పెరగనున్న ఛార్జీలు.. కారణమేంటంటే?

Indian Railway: రైలు ప్రయాణికులకు షాకింగ్ న్యూస్.. ఆ స్టేషన్లలో పెరగనున్న ఛార్జీలు.. కారణమేంటంటే?
Sankranti Special Trains

Railway Fare: ఇప్పుడు దేశంలోని సుదూర రైలు ప్రయాణికులకు పెద్ద ఎదురుదెబ్బ తగలనుంది. అభివృద్ధి చేసిన స్టేషన్లలో ప్రయాణికులు ఎక్కే లేదా డీబోర్డింగ్ చేస్తుంటే స్టేషన్ డెవలప్‌మెంట్ రుసుమును వసూలు చేయబోతున్నారు.

Venkata Chari

|

Jan 09, 2022 | 6:40 AM

Railway Fare: రాబోయే కాలంలో సుదూర రైలు ప్రయాణం ఖర్చుతో కూడుకున్నది కావచ్చు. రీడెవలప్ చేసిన స్టేషన్‌లలో ప్రయాణికులు ఎక్కేటప్పుడు లేదా డీబోర్డింగ్‌పై స్టేషన్ డెవలప్‌మెంట్ ఫీజుగా రూ. 10 నుంచి రూ. 50 వరకు వసూలు చేయాలని భారతీయ రైల్వే యోచిస్తోంది. బుకింగ్ సమయంలో రైలు టికెట్‌కు ఈ పెరిగిన ఛార్జీలను యాడ్ చేసే అవకాశం ఉంది. అయితే అటువంటి స్టేషన్లను ప్రారంభించిన తర్వాత మాత్రమే ఈ రుసుము వసూలు చేయనున్నట్లు అధికారులు తెలిపారు.

వినియోగదారుల ఛార్జీలు మూడు కేటగిరీలుగా విభజించారు. అన్ని ఎయిర్ కండిషన్డ్ క్లాస్‌కు రూ.50, స్లీపర్ క్లాస్‌కు రూ.25, అన్‌రిజర్వ్‌డ్ క్లాస్‌కు రూ.10 ఫీజు విధించనున్నారు. రైల్వే బోర్డు జారీ చేసిన సర్క్యులర్ ప్రకారం, సబర్బన్ రైలు ప్రయాణానికి స్టేషన్ అభివృద్ధి రుసుము వసూలు చేయరు.

ఈ స్టేషన్లలో ప్లాట్‌ఫారమ్ టిక్కెట్ల ధర కూడా రూ. 10 ఉంటుందని పేర్కొన్నారు. “అటువంటి స్టేషన్లలో ఎక్కే, దిగే ప్రయాణీకుల నుంచి స్టేషన్ డెవలప్‌మెంట్ రుసుము (SDF) వసూలు చేయనున్నారు.” అటువంటి అన్ని స్టేషన్లలో SDF ఒకే విధంగా ఉంటుంది. క్లాసుల వారీగా GST వలె ఛార్జ్ చేస్తారు. దీని కోసం ప్రత్యేక మార్గదర్శకాలు జారీ చేశారు.

ఎస్‌డీఎఫ్‌ను విధించడం వల్ల రైల్వేలకు మరింత ఆదాయం సమకూరనుంది. ప్రైవేట్‌ ఆటగాళ్లను ఆకర్షించడానికి రైల్వేలకు ఆర్థికంగా లాభదాయకంగా ఉంటుందని అధికారులు తెలిపారు. భారతీయ రైల్వేలో ఆధునిక సౌకర్యాలను అందించడానికి వివిధ స్టేషన్లు పునరాభివృద్ధి చేస్తున్నారు. పశ్చిమ మధ్య రైల్వేలోని రాణి కమలాపతి స్టేషన్, పశ్చిమ రైల్వేలోని గాంధీనగర్ రాజధాని స్టేషన్‌లను ఇలానే అభివృద్ధి చేశారు. అనంతరం వీటిని ఇటీవలే ప్రారంభించిన సంగతి తెలిసిందే.

Also Read: Maharashtra Night Curfew: మహారాష్ట్రలో కొవిడ్‌ ఉగ్రరూపం.. ఒక్కరోజే 41,434 కేసులు.. నైట్ కర్ఫ్యూతో పాటు కఠిన ఆంక్షలు

Coronavirus: దేశంలో కరోనా టెర్రర్.. పార్లమెంట్​లో 350 మందికి పాజిటివ్

Follow us on

Related Stories

Most Read Stories

Click on your DTH Provider to Add TV9 Telugu