Ajmer Dargah: అజ్మీర్ షరీఫ్ దర్గాలో ఘర్షణ.. వివాదాస్పద నినాదాల తర్వాత ఏం జరిగిందంటే..
అజ్మీర్ షరీఫ్ దర్గాలో ఘర్షణ చోటు చేసుకుంది.బరేల్వీ వర్గానికి చెందిన కొందరు అజ్మీర్ షరీఫ్ దర్గా లోపల నినాదాలు చేశారు. దీంతో ఆగ్రహించిన దర్గా ఖదీమ్‌లు నినాదాలు చేస్తున్న వారితో వాగ్వాదానికి దిగారు.
అజ్మీర్ దర్గాలో ఉర్స్ సందర్భంగా కోలాహలం, ఘర్షణలు జరిగాయి. వివాదాస్పద నినాదంపై ఈ గొడవ జరిగినట్లు సమాచారం. ఇందులో ఖాదీం, జరీన్ పరస్పరం ఘర్షణ పడ్డారు. ఈ ఘర్షణలో పలువురు గాయపడ్డారు. ఖ్వాజా మొయినుద్దీన్ చిస్తీ మందిరంలో 811వ ఉర్స్ సందర్భంగా ఈ ఘర్షణ జరిగింది. స్థానికులు అందించిన సమాచారం ప్రకారం, బరేల్వి వర్గానికి చెందిన కొందరు అజ్మీర్ షరీఫ్ దర్గా లోపల నినాదాలు చేశారు. దీంతో ఆగ్రహించిన దర్గా ఖదీమ్‌లు నినాదాలు చేస్తున్న వారితో వాగ్వాదానికి దిగారు. అయితే అక్కడే ఉన్న పోలీసులు రంగప్రవేశం చేయడంతో విషయం సద్దుమణిగింది.
వాస్తవానికి బరేల్వీ వర్గానికి చెందిన వారు దర్గాలో నినాదాలు చేశారని.. దానిని తాము వ్యతిరేకించామని ఖాదీలు ఆరోపిస్తున్నారు. అయితే దర్గాలోని జననాటి దర్వాజా దగ్గర నినాదాలు చేస్తున్న వారితో ఖదీమ్‌లు ఘర్షణకు దిగారని.. దీంతో పలువురు గాయపడ్డారని కూడా చెబుతున్నారు. ఈ విషయమై పోలీస్ స్టేషన్‌లో ఎలాంటి ఫిర్యాదు చేయలేదు.
ఘర్షణ చెలరేగిన వెంటనే దర్గా స్టేషన్‌ ఇన్‌చార్జి అమర్‌సింగ్‌ భాటి సంఘటనా స్థలానికి చేరుకుని ఇరువర్గాలతో మాట్లాడి శాంతింపజేశారు. ఇరువర్గాలను ఒకరితో ఒకరు మాట్లాడుకునేలా చేసి నినాదాల కారణంగా జరిగిన ఘర్షణను సద్దుమణిగింది. అయితే ఈ గొడవకు సంబంధించిన వీడియో ఇప్పుడు సోషల్ మీడియాలో వైరల్‌గా మారింది. వీడియోలో, పెద్ద సంఖ్యలో ప్రజలు ఒకరితో ఒకరు తోసుకోవడం కనిపిస్తుంది.
ప్రతి సంవత్సరం ప్రసిద్ధ సూఫీ సాధువులలో ఒకరైన చిస్తీ వర్ధంతి సందర్భంగా ఉర్స్ నిర్వహిస్తారు. చిస్తీని ‘గరీబ్ నవాజ్’ అని కూడా అంటారు. ఉర్స్ సమయంలో.. ప్రజలు పెద్ద సంఖ్యలో అజ్మీర్ షరీఫ్ దర్గాకు చేరుకుని చాదర్ సమర్పిస్తారు. ప్రధానమంత్రి నరేంద్రమోదీ కూడా ప్రతి సంవత్సరం ఉర్సు సందర్భంగా దర్గాకు చాదర్ పంపుతారు. ఈ సంవత్సరం కూడా ప్రధాని మోదీ చాదర్ అందించారు.
మరిన్ని జాతీయ వార్తల కోసం