విమాన ప్రమాదంపై మోదీ ఆరా

విమాన ప్రమాదంపై మోదీ ఆరా

కేరళలో జరిగిన విమాన ప్రమాదంపై ప్రధాని నరేంద్ర మోదీ ఆరా తీశారు. కేరళ సీఎం పినరయ్ విజయన్‌కు ఫోన్‌ చేసి ఘటన గురించి అడిగి తెలుసుకున్నారు. ప్రమాదం నేపథ్యంలో తీసుకుంటున్న చర్యలపై..

TV9 Telugu Digital Desk

| Edited By:

Aug 08, 2020 | 2:27 AM

కేరళలో జరిగిన విమాన ప్రమాదంపై ప్రధాని నరేంద్ర మోదీ ఆరా తీశారు. కేరళ సీఎం పినరయ్ విజయన్‌కు ఫోన్‌ చేసి ఘటన గురించి అడిగి తెలుసుకున్నారు. ప్రమాదం నేపథ్యంలో తీసుకుంటున్న చర్యలపై ప్రధాని మోదీకి వివరించారు. కోజికోడ్‌, మ‌ల‌ప్పురం జిల్లా క‌లెక్ట‌ర్లతో పాటుగా.. ఇత‌ర ఉన్న‌తాధికారులు, ఐజీ అశోక్ యాద‌వ్ ఎయిర్‌పోర్ట్‌కు చేరుకుని సహాయక చర్యలు దగ్గర ఉండి పర్యవేక్షిస్తున్నట్లు తెలిపారు. విమాన ప్రమాదం విషయం ఎంతో బాధకు గురిచేసిందని.. క్షతగాత్రులు త్వరగా కోలుకోవాలని ఆకాంక్షించారు. మృతుల కుటుంబాలకు తన ప్రగాఢ సానుభూతి తెలిపారు.

అటు రాష్ట్రపతి రామ్‌నాథ్‌ కోవింద్‌ కూడా విమాన ప్రమాదంపై విచారం వ్యక్తం చేశారు. గవర్నర్‌తో మాట్లాడి విషయం తెలుసుకున్నట్లు రాష్ట్రపతి రామ్‌నాథ్‌ కోవింద్‌ ట్విట్టర్‌ ద్వారా తెలిపారు. మృతుల కుటుంబాలకు ప్రగాఢ సానుభూతి తెల్పుతూ.. క్షతగాత్రులు త్వరగా కోలుకోవాలని ఆకాంక్షించారు. కాగా, కేంద్ర హోంశాఖ మంత్రి అమిత్ షా కూడా ట్విట్ట‌ర్ ద్వారా స్పందిస్తూ.. కోజికోడ్‌లో జ‌రిగిన‌ ఎయిర్ ఇండియా ఎక్స్‌ప్రెస్ విమాన ప్ర‌మాదం విచార‌క‌ర‌మ‌న్నారు. విషయం తెలుసుకుని బాధకు గురైనట్లు తెలిపారు.

Read More :

కర్ణాటకలో రికార్డు స్థాయిలో కరోనా కేసులు మహారాష్ట్రలో తగ్గని కేసులు.. మళ్లీ 10వేలకు పైగానే

Follow us on

Related Stories

Most Read Stories

Click on your DTH Provider to Add TV9 Telugu