రాహుల్ గాంధీ నాయకత్వంపై కుట్ర, శివసేన ధ్వజం

కాంగ్రెస్ పార్టీలో సంక్షోభానికి కారణమైన ‘లేఖ’, దానిపై సంతకాలు చేసిన 23 మంది సీనియర్ నేతలపై శివసేన ‘శివమెత్తింది’. రాహుల్ నాయకత్వాన్ని అంతమొందించడానికి పన్నిన కుట్రే ఇదని ఆరోపించింది. ఆ లేఖలో కాంగ్రెస్ నాయకులు వాడిన  ‘పూర్తి స్థాయి నాయకత్వం’, సమిష్టి లీడర్ షిప్’ వంటి పదాలను సేన తన సొంత పత్రిక’ సామ్నా’లో ప్రస్తావించింది. ఈ ‘ పాత గార్డులు’ రాహుల్ పై అంతర్గతంగా ద్రోహ చర్యకు పాల్పడ్డారని, నిజానికి బీజేపీ కూడా ఆయనపట్ల ఆలా వ్యవహరించలేదని పేర్కొంది. ఈ నేతల్లో ఎవరూ జిల్లా స్థాయి నాయకులు కూడా కాదని, కానీ నెహ్రూ -గాంధీ పేర్లు చెప్పుకుని ముఖ్యమంత్రులు, కేంద్ర మంత్రులయ్యారని శివసేన ఘాటుగా దుయ్యబట్టింది. ఇది అసలు సరికొత్త పొలిటికల్ కరోనా వైరస్ అని అభివర్ణించింది. ‘గులాం నబీ ఆజాద్ వంటివారిపై  ఇలా పరోక్షంగా శివసేన నిప్పులు కక్కింది.