Nagpur bench: మైనర్ అనుమతి ఉన్నా..లైంగిక సంబంధాన్ని సమర్ధించలేం.. బాంబే హైకోర్టు తీర్పు

Nagpur bench: మైనర్ అనుమతి ఉన్నా..లైంగిక సంబంధాన్ని సమర్ధించలేం.. బాంబే హైకోర్టు తీర్పు
Bomby Hgh Court

లైంగిక సంపర్కానికి మైనర్ అనుమతి చట్టం ప్రకారం ఆమోదయోగ్యం కాదని నాగపూర్ బెంచ్(Nagpur bench) తీర్పునిచ్చింది. అంతే కాకుండా నిందితుడి బెయిల్ దరఖాస్తును తిరస్కరించింది.,,

Ganesh Mudavath

| Edited By: Anil kumar poka

Mar 11, 2022 | 3:53 PM

లైంగిక సంపర్కానికి మైనర్ అనుమతి చట్టం ప్రకారం ఆమోదయోగ్యం కాదని నాగపూర్ బెంచ్(Nagpur bench) తీర్పునిచ్చింది. అంతే కాకుండా నిందితుడి బెయిల్ దరఖాస్తును తిరస్కరించింది. జస్టిస్ వినయ్ దేశ్‌పాండే, జస్టిస్ అనూజా ప్రభుదేశాయ్‌లతో కూడిన హైకోర్టు డివిజన్ బెంచ్ ఈ తీర్పు వెల్లడించింది. బాలికకు, నిందితుడికి అంతకు ముందే పరిచయం ఉందని, ఇరువురి ఏకాభిప్రాయంతోనే లైంగిక చర్య జరిగిందని నిందితుడి తరఫు న్యాయవాది వాదించారు. దీనిపై స్పందించిన నాగపూర్ బెంచ్.. బెదిరింపుల ద్వారా పొందిన సమ్మతి, మైనర్ సాధారణ సమ్మతికి కూడా చట్టంలో విలువ లేదని స్పష్టం చేసింది.

మహారాష్ట్రలో(Maharashtra)ని పశ్చిమ విదర్భ ప్రాంతంలోని బుల్దానాకు చెందిన మైనర్‌తో.. పీర్‌ మహ్మద్‌ ఘోటు మహమ్మద్‌ ఇస్మాయిల్‌ కు పరిచయం ఏర్పడింది. ఈ పరిచయంతో నిందితుడు బాలికను గతేడాది జూన్ 14న ఉత్తర్ ప్రదేశ్ లోని కౌశాంబికి తీసుకెళ్లాడు. కొన్ని రోజుల తర్వాత ఇస్మాయిల్ బుల్దానాకు తిరిగి వచ్చాడు. ఈ క్రమంలో ఇస్మాయిల్ తనను కిడ్నాప్ చేసి, 45 రోజుల పాటు లైంగిక దాడికి పాల్పడ్డాడని ఆరోపిస్తూ..పోలీసులకు ఫిర్యాదు చేసింది. బాధితురాలి ఫిర్యాదుతో ఆగష్టు 1న పోలీసులు ఇస్మాయిల్ ను అరెస్టు చేశారు. తన మూడున్నరేళ్ల తమ్ముడిని చంపేస్తానని ఇస్మాయిల్ బెదిరించాడని బాలిక ఫిర్యాదులో పేర్కొంది. ఆ కారణంగా బాలిక ఇస్మాయిల్ తో కౌశాంబికి వెళ్లాల్సి వచ్చిందని కోర్టు తెలిపింది. వైద్య పరీక్షల్లోనూ బాలికపై అత్యాచారం జరిగిందని వెల్లడైందని వివరించింది. ఈ మేరకు నిందితుడు ఇస్మాయిల్ దాఖలు చేసిన బెయిల్ దరఖాస్తును నాగపూర్ బెంచ్ తిరస్కరించింది.

Also Read

Python-dog Viral Video: కుక్కను మింగేయాలనుకున్న కొండచిలువ.. స్థానికులు ఊరుకుంటారా మరి.. చుక్కలు చూపించారు.(వీడియో)

Rs 10 coins: ‘అసలు రూ.10 కాయిన్స్ చెల్లుబాటులో ఉన్నాయా.. లేదా..?’.. ఇదిగో ఫుల్ క్లారిటీ

Funny Video: యజమానిని కుమ్మేసేందుకు దూసుకొచ్చిన గొర్రె.. చాకచక్యంగా తప్పించుకున్న వ్యక్తి.. నవ్వులు పూయిస్తున్న వీడియో..

Follow us on

Related Stories

Most Read Stories

Click on your DTH Provider to Add TV9 Telugu