Amar Jawan Jyoti: అమర జవాన్ జ్యోతి చరిత్ర ఏమిటి.. విలీనంతో అమర జవాన్లకు గౌరవం ఇచ్చినట్లేనా..

ఇండియా గేట్​ను1921లో ఎడ్వర్డ్ లుటియన్స్ నిర్మించారు. మొదటి ప్రపంచ యుద్ధంలో బ్రిటిష్ ప్రభుత్వం కోసం అత్యున్నత త్యాగం చేసిన భారతీయ సైనికుల జ్ఞాపకార్థం దీన్ని నిర్మించారు. ఇండియా గేట్​పై అమర జవాన్ల పేర్లు చెక్కారు. 1947లో భారతదేశానికి స్వాతంత్ర్యం తర్వాత అత్యున్నత త్యాగం చేసిన సైనికులకు స్మారక చిహ్నం అవసరమని భారత సాయుధ దళాలు భావించాయి. అప్పటికీ స్వతంత్ర భారతదేశంలో ప్రాణాలు కోల్పోయిన వారికి జాతీయ కృతజ్ఞతా చిహ్నం ఏదీ లేదు.

1950లో భారతదేశం రిపబ్లిక్‌గా అవతరించి తర్వాత రాజ్‌పథ్‌లో జరిగిన కవాతులో మొదటి ప్రపంచ యుద్ధంలో బ్రిటిష్ వారితో కలిసి పోరాడి మరణించిన భారత సైనికులకు మాత్రమే నివాళులు అర్పించారు. బంగ్లాదేశ్ విముక్తి యుద్ధం తర్వాత, స్వతంత్ర యుద్ధ స్మారక చిహ్నం కోసం పెద్ద ఎత్తున డిమాండ్​లు వచ్చాయి. అప్పటి ప్రధాని ఇందిరా గాంధీ ప్రభుత్వం బంగ్లాదేశ్ దేశంగా ఎర్పడడం కోసం ప్రాణాలు అర్పించిన 3843 మంది భారత సైనికుల గౌరవార్థం ఇండియా గేట్ ఆర్చ్ కింద అమర్ జవాన్ జ్యోతిని నిర్మించారు.

అయితే ఇండియా గేట్ వద్ద అందుబాటులో ఉన్న స్థలం ఆ సైనికుల పేర్లను ఎక్కడా చెక్కడానికి అనుమతించలేదు. అమర్ జవాన్ జ్యోతి (శాశ్వత జ్వాల ఎల్లవేళలా వెలుగుతూనే ఉంటుంది) జాతీయ గర్వానికి చిహ్నంగా మారింది. ప్రతి జాతీయ రోజు, ఆర్మీ, నేవీ, వైమానిక దళం రోజు రాష్ట్రపతి, ఉపరాష్ట్రపతి, ప్రధానమంత్రి, రక్షణ మంత్రి, త్రివిధ సేవల అధిపతులు సైనికుల స్మారక చిహ్నాల వద్ద నివాళులు అర్పించేవారు. ఆ తర్వాత నేషనల్ వార్ మెమోరియల్ నిర్మాణ ప్రతిపాదన వచ్చింది.

2011/12 నాటికి నేషనల్ వార్ మెమోరియల్ నిర్మాణ ప్రతిపాదన పెండింగ్‌లో ఉంది. ఆ తర్వాత దీనిపై చెన్నైకి చెందిన ఆర్కిటెక్ట్ టైల్డ్ ప్రాజెక్ట్ రిపోర్ట్ ఆమోదించబడినప్పుడు, స్వాతంత్య్రానంతరం మరణించిన సైనికులందరి పేర్లను చెక్కే ప్రతిపాదన వచ్చింది. బంగ్లాదేశ్ విముక్తి యుద్ధంలో అమరవీరులైన 3843 మంది సైనికుల పేర్లను కూడా ఇందులో చేర్చారు. నేషనల్ వార్ మెమోరియల్ నిర్మాణానికి ప్రస్తుత ప్రధాని మోదీ ప్రభుత్వం నిధులను కేటాయించింది. 30 మే 2019న గౌరవప్రదమైన ప్రధాన మంత్రి నరేంద్ర మోడీ రెండవసారి ప్రమాణ స్వీకారం చేయడానికి ముందు స్వతంత్ర భారత అమరవీరులకు నివాళులర్పించినప్పుడు జాతీయ యుద్ధ స్మారకాన్ని ప్రారంభించారు.

21 జనవరి 2022న, చీఫ్ ఆఫ్ ఇంటిగ్రేటెడ్ డిఫెన్స్ స్టాఫ్ నేతృత్వంలో అమర జవాన్ జ్యోతిని జాతీయ యుద్ధస్మారకం వద్ద ఉన్న జ్వాలలో విలీనం చేశారు. 1947 తర్వాత గాల్వాన్ ఘర్షణ వరకు తమ ప్రాణాలను త్యాగం చేసిన ప్రతి సైనికుడి పేర్లను కలిగి ఉన్న ఈ ప్రదేశంలో ఇప్పుడు మన సైనికులందరికీ గౌరవం ఇస్తున్నారు.

రచయిత, మాజీ CISC & కమాండర్ ఇన్ చీఫ్ వెస్ట్రన్ నావల్ కమాండ్

Read Also.. Indian Army NT JAG Recruitment 2022: ఇంటర్వ్యూ ద్వారా ఇండియన్ ఆర్మీలో ఉద్యోగావకాశాలు.. పూర్తి వివరాలివే!