పాల్ఘర్ ఘటన.. కిల్లర్స్ కోసం డ్రోన్లతో గాలింపు

మహారాష్ట్రలోని పాల్గర్ జిల్లాలో ఇద్దరు సాధువులను, ఒక డ్రైవర్ ను స్థానిక గుంపు కర్రలతో కొట్టి చంపిన ఘటనపై రాష్ట్ర ప్రభుత్వం సీరియస్ అయింది. ఈ కేసును విచారిస్తున్న సీఐడీ, రాష్ట్ర పోలీసులు దుండగుల ఆచూకీ కోసం డ్రోన్లను వినియోగిస్తున్నారు. కిల్లర్స్ ఈ జిల్లాకు దగ్గరలోని గ్రామ సమీపాన గల అడవుల్లో దాక్కుని ఉంటారని భావిస్తున్నారు.  పైగా గ్రామస్థుల కదలికలపై నిఘా పెట్టేందుకు సుమారు 200 మంది పోలీసులను నియమించారు. ఈ నెల 16 న ఇద్దరు సాధువులు, తమ డ్రైవర్ తో ముంబై నుంచి కారులో సూరత్ వెళ్తుండగా.. ఈ గ్రామ సమీపానికి రాగానే.. వీరిని పిల్లలను కిడ్నాప్ చేసే ముఠాగా భావించి స్థానికులు మూకుమ్మడిగా దాడి చేశారు. ఈ ఘటనలో 70 ఏళ్ళ సాదువు కూడా ఉన్నారు. ఇప్పటికే ఈ సంఘటనకు సంబంధించి 100 మందిని పోలీసులు అరెస్టు చేశారు. తొమ్మిది మంది బాలురను జువెనైల్ హోమ్ కి పంపారు.