Maharashtra Politics: నెంబర్ గేమ్ మొదలైంది.. ఏక్‌నాథ్ షిండే సర్కార్‌కు మహా పరీక్ష..

Eknath Shinde in Maharashtra Assembly: మహారాష్ట్రలోని ఏక్‌నాథ్ షిండే ప్రభుత్వం ఇవాళ అసెంబ్లీలో బలపరీక్షను ఎదుర్కోనుంది. షిండే ప్రభుత్వం ఆదివారం స్పీకర్ ఎన్నికలో విజయం సాధించడం ద్వారా తన మొదటి పరీక్షలో విజయం సాధించారు. కానీ నేడు షిండే ప్రభుత్వానికి నిజమైన పరీక్ష అని చెప్పాలి. నేటి నిర్ణయంతో జూన్ 21 నుంచి మహారాష్ట్రలో కొనసాగుతున్న రాజకీయ సంక్షోభానికి తెరపడనుంది. అంటే ఈరోజు షిండే తన ప్రభుత్వానికి మెజారిటీ ఉందని అసెంబ్లీలో నిరూపించుకోనున్నారు. ఈరోజు ఉదయం 11 గంటలకు మహారాష్ట్ర శాసనసభ కార్యకలాపాలు ప్రారంభం కానుండగా.. మెజారిటీ నిరూపించుకునేందుకు షిండే ప్రభుత్వం విశ్వాస తీర్మానాన్ని ప్రవేశపెట్టనుంది. ఆ తర్వాత ఈ ప్రతిపాదనపై ఓటింగ్ జరగనుంది. అయితే, షిండే ప్రభుత్వం అఖండ మెజారిటీతో విశ్వాసాన్ని కైవసం చేసుకుంటుందని బీజేపీ ధీమాగా ఉంది. 166 ఓట్లతో మెజారిటీ నిరూపించుకుంటామని ఉపముఖ్యమంత్రి దేవేంద్ర ఫడ్నవీస్ అన్నారు.

స్పీకర్ ఎన్నిక..

మహారాష్ట్ర అసెంబ్లీ కొత్త స్పీకర్‌గా బీజేపీ అభ్యర్థి రాహుల్‌ నర్వేకర్‌ ఎన్నికయ్యారు. స్పీకర్ ఎన్నికకు జరిగిన పోలింగ్ లో రాహుల్ నర్వేకర్ కు 164 ఓట్లు రాగా, మహా వికాస్‌ అఘాడీ అభ్యర్థి, శివసేన ఎమ్మెల్యే రాజన్‌ సాల్వీకి కేవలం 107 ఓట్లు మాత్రమే వచ్చాయి. దేశంలో ఇప్పటిదాకా అత్యంత పిన్నవయస్కుడైన అసెంబ్లీ స్పీకర్‌గా రాహుల్‌ నర్వేకర్‌ రికార్డుకెక్కారనిచెప్పారు ఉప ముఖ్యమంత్రి దేవేంద్ర ఫడ్నవీస్‌ .

స్పీకర్ ఎన్నికలో విజయం సాధించడంతో ఆత్మవిశ్వాసం..

ఒకరోజు ముందు జరిగిన అసెంబ్లీ స్పీకర్ ఎన్నికలో బీజేపీ, షిండే గుటే భారీ విజయం సాధించడం కూడా ఈ నమ్మకం. అసెంబ్లీ స్పీకర్ ఎన్నికలో రాహుల్ నర్వేకర్ గెలవడానికి అవసరమైన 144 ఓట్ల కంటే మొత్తం 164 అంటే 20 ఓట్లు ఎక్కువ వచ్చాయి. కాగా విపక్షాల అభ్యర్థి రాజన్ సాల్వీకి మొత్తం 107 ఓట్లు వచ్చాయి. రాహుల్ నర్వేకర్ తన ప్రత్యర్థిని 47 ఓట్ల భారీ తేడాతో ఓడించారు. మహా వికాస్ అఘాదీకి షిండే ప్రభుత్వం మొదటి పరీక్షలోనే భారీ పరాజయాన్ని అందుకుంది. అందుకే ప్రభుత్వం భారీ మెజారిటీతో ఫ్లోర్ టెస్ట్‌లో నెగ్గుతుందని బీజేపీ మద్దతున్న షిండే క్యాంప్ పేర్కొంది.

జాతీయ వార్తల కోసం..