Covid-19: కోవిడ్ ఎఫెక్ట్..రాత్రిపూట కర్ఫ్యూపై కర్ణాటక సర్కారు కీలక నిర్ణయం

కర్ణాటకలో కరోనా విజృంభిస్తోంది. కరోనా కేసులు రోజురోజుకూ పెరుగుతున్నాయి. గురువారం ఒక్క రోజే ఆ రాష్ట్రంలో  14,738 కొత్త కేసులు నమోదుకాగా…66 మంది కరోనా కాటుకు బలయ్యారు. ఒక రోజున ఈ స్థాయిలో కోవిడ్ పాజిటివ్ కేసులు నమోదుకావడం ఇదే తొలిసారి. అంతకు ముందురోజు బుధవారం 11,265 కోవిడ్ కేసులు నమోదయ్యాయి. కర్ణాటకలో గురువారంనాడు కొత్తగా నమోదైన 14,738 కేసుల్లో…10,497 కేసులు బెంగళూరు నగర పరిధిలోనే నమోదుకావడం ఆందోళన కలిగిస్తోంది. ఈ నేపథ్యంలో ఆ రాష్ట్ర ముఖ్యమంత్రి బీఎస్ యడియూరప్ప శుక్రవారం ఉదయం తన నివాసంలో అఖిలపక్ష సమావేశాన్ని నిర్వహించారు. కరోనా కట్టడికి తీసుకోవాల్సిన చర్యలపై ఈ సమావేశంలో చర్చించారు.

కర్ణాటక రాజధాని బెంగుళూరు సహా ఏడు జిల్లాల్లో ఈ నెల 10 నుంచి అమలు చేస్తున్న రాత్రిపూట కర్ఫ్యూను ఈ నెల 20 వరకు కొనసాగించాలని ఆ రాష్ట్ర ప్రభుత్వం శుక్రవారం నిర్ణయించింది. ప్రస్తుతం బెంగుళూరు, మైసూర్, మంగళూరు, కాలబుర్గి, బీదర్, టుమ్కూరు, ఉడిపి-మణిపాల్‌లో ఏప్రిల్ 10 నుంచి రాత్రిపూట కర్ఫ్యూను అమలు చేస్తున్నారు. ప్రతి రోజూ రాత్రి 10 గం.ల నుంచి మరుసటి రోజు ఉదయం 5 గం.ల వరకు ఈ రాత్రిపూట కర్ఫ్యూను అమలు చేస్తున్నారు.

రాష్ట్రంలో కరోనా ఉధృతి నేపథ్యంలో ఈ మేరకు నిర్ణయం తీసుకున్నట్లు సీఎం యడియూరప్ప తెలిపారు. రాష్ట్రంలోని పరిస్థితులు వేరని…ఇక్కడి పరిస్థితులను ఇతర రాష్ట్రాలతో పోల్చుకోవాల్సిన అవసరం లేదన్నారు. కరోనా కట్టడికి అవసరమైన అన్ని చర్యలు తీసుకుంటామన్నారు.

Night curfew will continue in 7 districts. Cases have increased, we have collected all information. We will take a call on extension (of night curfew) on April 20th, till then the existing restrictions will continue: Karnataka CM BS Yediyurappa#COVID19 pic.twitter.com/p3DvLMSrYI

— ANI (@ANI) April 16, 2021

ఇవి కూడా చదవండి..మామిడి పండ్లు సహజంగా పండినవా..! కృత్రిమంగా పండించారా..! ఎలా గుర్తించాలో తెలుసుకోండి..?

రంజాన్‌ స్పెషల్‌ హలీమ్‌ తింటున్నారా..! అయితే ఈ విషయాలు కచ్చితంగా తెలుసుకోండి..?