దుండగుల కాల్పుల్లో గాయపడ్డ జర్నలిస్టు మృతి

యూపీలోని ఘజియాబాద్‌లో దుండగుల కాల్పుల్లో తీవ్రంగా గాయపడ్డ జర్నలిస్టు విక్రమ్ జోషి చికిత్స పొందుతూ ప్రాణాలు విడిచాడు. తన ఇద్దరు కూతుళ్లతో కలిసి బైక్ వెళ్తుండగా.. ఘజియాబాద్‌లోని విజయ్ నగర ప్రాంతంలో సోమవారం రాత్రి కొందరు వ్యక్తులు అతడిపై కాల్పులకు దిగారు. ఈ క్రమంలో దుండగుల కాల్పుల్లో జర్నలిస్టు విక్రమ్ జోషి తలకు గాయమైంది. దీంతో వెంటనే ఆయన్ను స్థానికంగా ఉన్న ఓ ప్రైవేట్‌ ఆస్పత్రికి తరలించి చికిత్స అందించారు. పరిస్థితి విషమించడంతో బుదవారం తెల్లవారు జామున చికిత్స పొందుతూ తుది శ్వాస విడిచారు. ఈ విషయాన్ని ఆస్పత్రి వైద్యాధికారులు వెల్లడించారు.

కాగా, ఈ దాడికి సంబంధించిన విజువల్స్ స్థానికంగా ఉన్న సీసీటీవీలో రికార్డయ్యాయి. ఈ ఘటనకు సంబంధించి ఇద్దరు పోలీసులను అధికారులు సస్పండ్ చేయగా.. ఘటనకు సంబంధించి పది మంది లిస్టును పోలీసులు విడుదల చేశారు. వీరిలో తొమ్మిది మంది నిందితులను అరెస్ట్ చేశారు. మరొకరి కోసం గాలింపు చేపడుతున్నారు. జర్నలిస్టు విక్రమ్ జోషి ఫిర్యాదు మేరకు కేసు నమోదు చేసి దర్యాప్తు చేపడుతున్నారు.

Ghaziabad: Journalist Vikram Joshi passed away today. He was shot at in Vijay Nagar area on 20th July by unknown persons. Nine people have been arrested in the case so far. pic.twitter.com/GRKxogXDam

— ANI UP (@ANINewsUP) July 22, 2020

Journalist Vikram Joshi’s death case: UP Police releases list of 10 persons; of which 3 are accused and arrested, while 6 have been detained & one is absconding. pic.twitter.com/dh4DXhFhnH

— ANI UP (@ANINewsUP) July 22, 2020