Railway News: స్పీడందుకోనున్న రైళ్లు.. హైదరాబాద్ నుంచి విజయవాడకు మూడు గంట్లలోపు వెళ్లిపోవచ్చు!

భారత రైల్వేలు వేగాన్ని అందుకుంటున్నాయి. కొత్తగా స్పీడ్ రైళ్లను ప్రవేశపెట్టడానికి ప్రయత్నాలు ప్రారంభించింది ఇండియన్ రైల్వేస్.

Railway News: స్పీడందుకోనున్న రైళ్లు.. హైదరాబాద్ నుంచి విజయవాడకు మూడు గంట్లలోపు వెళ్లిపోవచ్చు!
Speed Trains

Railway News: భారత రైల్వేలు వేగాన్ని అందుకుంటున్నాయి. కొత్తగా స్పీడ్ రైళ్లను ప్రవేశపెట్టడానికి ప్రయత్నాలు ప్రారంభించింది ఇండియన్ రైల్వేస్. ఇందుకోసం కొత్త ఎసి -3 టైర్ ఎల్‌హెచ్‌బి కోచ్ స్పీడ్ ట్రయల్స్‌ను విజయవంతంగా నిర్వహించింది. కొత్త కోచ్ గంటకు 180 కిలోమీటర్ల వేగంతో గడిచింది. వెస్ట్ సెంట్రల్ రైల్వే (డబ్ల్యుసిఆర్) యొక్క సీనియర్ రైల్వే అధికారి వెల్లడించిన వివరాల ప్రకారం, “కోచ్ వివిధ అంశాలను, యూరోపెన్ ప్రమాణాలకు అనుగుణంగా ఉన్నట్లు తనిఖీ చేయడానికి ట్రయల్స్ జరిగాయి.”

“నాగ్డా-కోటా-సవాయి మాధోపూర్ విభాగంలో డబ్ల్యుసిఆర్ లో భారత రైల్వే 60కి పైగా వివిధ కోచ్ లు, లోకోమోటివ్ ల స్పీడ్ ట్రయల్స్ నిర్వహించింది. దీని మొత్తం పొడవు 350 కిలోమీటర్లు. ఇప్పటి వరకు ఈ విభాగంలో 8900 కిలోమీటర్ల వేగవంతమైన రైల్వే లైన్ ఏర్పాటు చేయడం జరిగింది.” అంటూ రైల్వే అధికారి మింట్ కు చెప్పారు.

భారత రైల్వే ఇప్పటికే నాగ్డా-కోటా-సవాయి మాధోపూర్ విభాగంలో 180 కిలోమీటర్ల వేగంతో ఎయిర్ కండిషన్డ్ మూడు-స్థాయి ఎకానమీ క్లాస్ కోచ్ లకు సంబంధించి విజయవంతమైన ప్రయోగ పరీక్షలు నిర్వహించింది. ఈ పరీక్షల్లో కోచ్ ల స్పీడోమీటర్ 180 కిలోమీటర్ల మార్కును తాకినట్లు, అలాగే,  రైలు మెరుపు వేగంతో వివిధ మార్కులను దాటినట్లు స్పష్టంగా కనిపించే వీడియోను ఇండియన్ రైల్వే షేర్ చేసింది.

రాబోయే రెండేళ్లలో ముంబై- ఢిల్లీ మార్గంలో 160 కిలోమీటర్ల వేగంతో రైళ్లను నడపాలని భారత రైల్వే యోచిస్తోంది. నాగ్డా-కోటా-సవాయి మాధోపూర్ విభాగం ఈ మార్గంలో పడతాయి. ప్రస్తుతం ఈ మార్గంలో 130 కిలోమీటర్ల వేగంతో రైళ్లు నడుస్తున్నాయి.

కొత్త ఎసి 3-టైర్ ఎకానమీ కోచ్ ఇలా ఉంటుంది.. 

  • కోచ్ రూపకల్పనలో ప్రతి బెర్త్‌కు వ్యక్తిగత ఏసీ అందించడానికి పునఃరూపకల్పన చేసిన ఎసి వాహిక ఉంటుంది.
  • కోచ్ సీట్లు, బెర్తుల మెరుగైన- మాడ్యులర్ డిజైన్‌ను కలిగి ఉంది. చిరుతిళ్ళు పెట్టుకోవడానికి వీలుగా చిన్న టేబుల్స్, వాటర్ బాటిల్, మేగజైన్ వంటివి ఉంచడానికి వీలైన ఏర్పాట్లు ఉంటాయి.
  • ప్రామాణిక సాకెట్లతో పాటు ప్రతి బెర్త్‌కు వ్యక్తిగత రీడింగ్ లైట్లు, మొబైల్ ఛార్జింగ్ పాయింట్లు ఇందులో ఏర్పాటు చేశారు.
  • కోచ్ విస్తృత తలుపులు కలిగి ఉంది, ఇది ప్రత్యేకంగా సామర్థ్యం ఉన్న ప్రయాణీకులకు సౌకర్యంగా ఉంటుంది
  • కోచ్‌లో అదనపు బెర్తులు ఇచ్చారు. కొత్త కోచ్‌లో బెర్తుల సంఖ్యను 72 నుంచి 83 కి పెంచారు.

ప్రస్తుత, వచ్చే ఆర్థిక సంవత్సరాల్లో ఇలాంటి 248 బోగీలను తయారు చేయాలని ఆర్‌సిఎఫ్ యోచిస్తోంది.

Also Read: NEET 2021 Exam: త్వరలో నీట్ ఎంట్రన్స్ ఎగ్జామ్.. కీలక ప్రకటన చేసిన కేంద్ర ఆరోగ్యశాఖ..

Global Warming: గ్లోబల్ వార్మింగ్ వలన లాభాలూ ఉన్నాయంటున్నారు.. ఏమిటో తెలిస్తే ఆశ్చర్యపోతారు!

 

Click on your DTH Provider to Add TV9 Telugu