శభాష్ ! షణ్ముగ సుబ్రహ్మణ్యన్.. యూ ఆర్ గ్రేట్ !

శభాష్ ! షణ్ముగ సుబ్రహ్మణ్యన్.. యూ ఆర్ గ్రేట్ !

చంద్రుని ఉపరితలంపై విక్రమ్ లాండర్ శకలాలను మొదట గుర్తించిన చెన్నై ఇంజనీర్ షణ్ముగ సుబ్రహ్మణ్యన్ కు అమెరికాలోని నాసా నుంచి ప్రశంసలు అందుతున్నాయి. 33 ఏళ్ళ ఈ మెకానికల్ ఇంజనీర్.. ఇందుకు ఎంతో సంతోషిస్తున్నాడు. నాసా శాస్త్రజ్ఞుల నుంచి తనకు మంచి రెస్పాన్స్ వచ్చిందని షణ్ముగ తెలిపాడు. విక్రమ్ లాండర్ శకలాలను గుర్తించిన అనంతరం తాను ఇస్రోకు, నాసాకు ఈ విషయమై ట్వీట్ చేశానని, నాసా సిబ్బందికి రెండు ఈ-మెయిల్స్ కూడా పంపానని ఈ యువ ఇంజనీర్ […]

Anil kumar poka

| Edited By:

Dec 03, 2019 | 8:10 PM

చంద్రుని ఉపరితలంపై విక్రమ్ లాండర్ శకలాలను మొదట గుర్తించిన చెన్నై ఇంజనీర్ షణ్ముగ సుబ్రహ్మణ్యన్ కు అమెరికాలోని నాసా నుంచి ప్రశంసలు అందుతున్నాయి. 33 ఏళ్ళ ఈ మెకానికల్ ఇంజనీర్.. ఇందుకు ఎంతో సంతోషిస్తున్నాడు. నాసా శాస్త్రజ్ఞుల నుంచి తనకు మంచి రెస్పాన్స్ వచ్చిందని షణ్ముగ తెలిపాడు. విక్రమ్ లాండర్ శకలాలను గుర్తించిన అనంతరం తాను ఇస్రోకు, నాసాకు ఈ విషయమై ట్వీట్ చేశానని, నాసా సిబ్బందికి రెండు ఈ-మెయిల్స్ కూడా పంపానని ఈ యువ ఇంజనీర్ చెబుతున్నాడు. వారు నాసాలోని ఎల్ఆర్ఓ ప్రాజెక్టు శాస్త్రజ్ఞులని, వారి నుంచి తనకు మంచి ప్రోత్సాహం లభించిందని వెల్లడించాడు.

కేవలం తన ల్యాప్ టాప్, ఇంటర్నెట్ కనెక్షన్ మాత్రమే ఉన్న షణ్ముగ సుబ్రహ్మణ్యన్…లాండర్ శకలాల ఆచూకీకోసం చెన్నైలోని తన ఇంట్లో రోజుకు సుమారు ఏడు గంటలపాటు వర్క్ చేస్తూ వచ్చాడట. లాండింగ్ స్పాట్ నుంచి కిలో మీటర్ దూరంలో ఉన్నది విక్రమ్ లాండరేనా ? చంద్రుని ఉపరితలంలో ఇసుకలో అది కూరుకుపోయిందా ? అంటూ అక్టోబర్ 3 న నాసా, ఇస్రోలకు ట్యాగ్ చేసి ట్వీట్ చేశానని షణ్ముగ పేర్కొన్నాడు. నవంబర్ 17 న క్రాష్ సైట్ కు సంబంధించిన రెండు ఇమేజీలను కూడా ట్వీట్ చేశానని, చివరకు అవి విక్రమ్ లాండర్ శకలాలేనని భావించానని చెప్పాడు. నిజానికి మధురైకి చెందిన సుబ్రహ్మణ్యన్ ఓ మల్టీ నేషనల్ సంస్థలో ఐటీ టెక్కీగా కూడా పని చేస్తున్నాడు. ఈ యువ ఇంజనీర్ చాలామంది అమెచ్యూర్ శాస్త్రజ్ఞులకు మార్గదర్శిగా మారుతాడని నాసా అంచనా వేస్తోంది. విక్రమ్ లాండర్ శకలాల ఆచూకీని ఇతడు కేవలం తన ల్యాప్ టాప్ ద్వారా గుర్తించాడంటే అతని కృషి వెనుక ఎంత చిత్తశుద్ది ఉందో అర్థమవుతోందని అమెరికన్ రీసెర్చర్లు కూడా అభినందిస్తున్నారు.

Follow us on

Related Stories

Most Read Stories

Click on your DTH Provider to Add TV9 Telugu