Fact Check: కోవిడ్‌ వ్యాక్సిన్‌ తీసుకుంటే ప్రభుత్వం రూ.5 వేలు రివార్డు అందిస్తోందా..? ఇందులో నిజమెంత..?
Fact Check: భారత్‌లో కరోనా కట్టడికి వ్యాక్సిన్స్‌ అందుబాటులోకి రాగా, అందరికి ఉచితంగా అందిస్తున్నారు. ప్రతి ఒక్కరు మొదటి, రెండు రోజులు తీసుకునేలా చర్యలు చేపట్టిన కేంద్ర..
Fact Check: భారత్‌లో కరోనా కట్టడికి వ్యాక్సిన్స్‌ అందుబాటులోకి రాగా, అందరికి ఉచితంగా అందిస్తున్నారు. ప్రతి ఒక్కరు మొదటి, రెండు రోజులు తీసుకునేలా చర్యలు చేపట్టిన కేంద్ర ప్రభుత్వం.. ఇప్పుడు బూస్టర్‌ డోస్‌ను కూడా అందిస్తోంది. అయితే ప్రభుత్వ ఆస్పత్రుల్లో ఆ వ్యాక్సిన్‌ ఉచితంగా అందిస్తోంది కేంద్రం. ఇప్పటికే దేశంలో 199.12 కోట్ల కరోనా టీకాలను పంపిణీ చేసింది. ఇదిలా ఉంటే.. సోషల్‌ మీడియాలో ఓ వార్త తెగ వైరల్ అవుతోంది. కోవిడ్‌ 19 టీకా తీసుకున్న వారికి ప్రభుత్వం రూ.5వేలు రివార్డ్‌గా అందిస్తోందని దీని సారాశం. ఈ వైరల్ అవుతున్న వార్తలను ఎంతో మంది నమ్ముతున్నారు. ముఖ్యమైన సమాచారం..ఎవరైతే కోవిట్‌-19 వ్యాక్సిన్‌ తీసుకుంటారో వారికి ప్రధాన మంత్రి సంక్షేమ నిధి నుంచి 5వేల రూపాయలు అందిస్తున్నట్లు, ఈ అవకాశం జూలై 30 వరకే అవకాశం అంటూ ఈ సందేశం సోషల్‌ మీడియాలో చక్కర్లు కొడుతోంది. అంతేకాదు తమ వివరాలను ఆన్‌లైన్‌లో నమోదు చేసుకోవాలంటూ కూడా ఓ లింక్‌ను సైతం ఇస్తున్నారు.
ఇందులో నిజమెంత..?
ఈ వైరల్ అవుతున్న సందేశం అబద్దమని పీఐబీ ఫ్యాక్ట్‌ చెక్‌ స్పష్టం చేసింది. వైరల్ అవుతున్న సందేశంలో ఎలాంటి నిజం లేదని పేర్కొంది. దీనిని నమ్మి ఆ లింక్‌పై క్లిక్ చేయవద్దని సూచించింది. దీనిని ఫేక్‌ న్యూస్‌గా గుర్తించాలని, ఇతరులకు ఫార్వర్డ్‌ చేయవద్దని హెచ్చరించింది. కరోనా టీకా తీసుకుంటే రూ.5వేలు ఇస్తారనడంల నిజం లేదని తెలిపింది. అందులో ఇచ్చిన లింక్‌ను ఎట్టి పరిస్థితుల్లో ఓపెన్‌ చేయవద్దని, పొరపాటున ఓపెన్‌ చేసినట్లయితే సమస్యల్లో చిక్కుకోవడం ఖాయమని తెలిపింది.
एक वायरल मैसेज में दावा किया जा रहा है कि जिन लोगों ने कोविड वैक्सीन लगवा ली है उन्हें एक ऑनलाइन फॉर्म भरने के बाद प्रधानमंत्री जन कल्याण विभाग द्वारा ₹5,000 प्रदान किए जा रहे हैं #PIBFactcheck:
▶️ इस मैसेज का दावा फर्जी है ▶️ कृपया इस फर्जी मैसेज को फॉरवर्ड न करें pic.twitter.com/AV8asQzexu
— PIB Fact Check (@PIBFactCheck) July 12, 2022
సైబర్‌ నేరగాళ్లు ఇలాంటి లింక్‌లను వైరల్ చేస్తూ వ్యక్తిగత వివరాలతో పాటు బ్యాంకు వివరాలు సేకరించి డబ్బులను దోచుకుంటున్నారని తెలిపింది. ఇలాంటి సందేశాల పట్ల అప్రమత్తంగా ఉండాలని, ఒక వేళ మీ మొబైల్‌కు వచ్చినా.. స్పందించవద్దని అధికారులు సూచించారు.
మరిన్ని జాతీయ వార్తల కోసం ఇక్కడ క్లిక్ చేయండి
