Viral Stunts: చెన్నై లోకల్ ట్రైన్లో ప్రమాదకర స్టంట్స్.. వైరల్గా మారిన విద్యార్థుల పోకిరీ వేశాలు..
సినిమాల్లో ఛేజింగ్ చేస్తూ ట్రైన్ ఎక్కే దృశ్యాలను అనుకరించాలని భావించారో.. ఏమో.. డేంజర్ ఫీట్లు చేస్తూ రైలు ఎక్కేందుకు ప్రయత్నిస్తున్నారు కొందరు విద్యార్థులు.
Dangerous stunts: సినిమాల్లో ఛేజింగ్ చేస్తూ ట్రైన్ ఎక్కే దృశ్యాలను అనుకరించాలని భావించారో.. ఏమో.. డేంజర్ ఫీట్లు చేస్తూ రైలు ఎక్కేందుకు ప్రయత్నిస్తున్నారు కొందరు విద్యార్థులు. చెన్నై లోకల్ ట్రైన్లో స్టూడెంట్స్ విన్యాసాలు ఇప్పుడు వైరల్గా మారాయి. చెన్నై లో ప్రమాదపుటంచున ప్రయాణిస్తున్నారు విద్యార్థులు. లోకల్ ట్రైన్ లో వెళ్తూ ప్రమాదకర విన్యాసాలు చేస్తున్నారు. చెన్నై శివార్లలోని కవరపెట్టై రైల్వే స్టేషన్ దగ్గరి వీడియోలు ఇప్పుడు వైరల్ గా మారాయి. దీంతో అప్రమత్తమయ్యారు పోలీసులు. వీడియోల ఆధారంగా విద్యార్థిని, విద్యార్థులను గుర్తించి వారికి కౌన్సిలింగ్ ఇచ్చారు. జీవితాలతో ఆటలాడొద్దని హెచ్చరించారు పోలీసులు.
గతంలో ముంబైలో కూడా ఇలాగే బాధ్యతారహితంగా యూత్ ఇష్టారీతిలో విన్యాసాలు చేసిన ఘటనలున్నాయి. ముంబై లోకల్ ట్రైన్లో తల బయటకి పెట్టి, డేంజర్ ఫీట్లు చేసిన సందర్భాలున్నాయి. ట్రైన్ పైకెక్కి ప్రమాకర విన్యాసాలు కూడా చేశారు.
ఈ దృశ్యాలు కూడా వైరల్ కావడంతో పోలీసులు సీరియస్ యాక్షన్ తీసుకున్నారు. దీంతో ముంబై లోకల్ ట్రైన్ లో ఇటీవల ఈ డేంజర్ ఫీట్లు తగ్గిపోయాయి. అయితే ఇప్పుడు చెన్నైలో స్టూడెంట్స్ మళ్లీ అలాంటి విన్యాసాలే చేయడం ఆందోళనకు గురి చేస్తోంది.
ఇవి కూడా చదవండి: TRS: ఎమ్మెల్సీగా ఎన్నికైన కవితకు వీరాభిమాని బిగ్ విషెస్.. ఏం చేశాడో చూశారా..
Kashi Vishwanath Temple: కాశీ విశ్వనాథ ఆలయంలో దర్శనాలు నిలిపివేత.. సుందరీకరణలో భాగంగా ఈ నిర్ణయం..