India Covid-19: గుడ్ న్యూస్.. దేశంలో భారీగా తగ్గిన కరోనా కేసులు.. నిన్న ఎన్నంటే..?
గత 24 గంటల్లో కేసుల సంఖ్య భారీగా తగ్గింది. సోమవారం దేశవ్యాప్తంగా 12,751 కరోనా కేసులు నమోదయ్యాయి. దీంతోపాటు ఈ మహమ్మారి కారణంగా 42 మంది ప్రాణాలు కోల్పోయారు.
India Coronavirus Updates: దేశంలో గత కొన్ని రోజుల నుంచి కరోనా కేసులు క్రమంగా పెరుగుతున్నాయి. థర్డ్ వేవ్ అనంతరం భారీగా తగ్గిన కేసుల సంఖ్య మళ్లీ పెరుగుతుండటం ఆందోళన కలిగిస్తుంది. ఇటీవల కాలంలో దేశంలో 20 వేలకు పైగా కోవిడ్ కేసులు నమోదైన విషయం తెలిసిందే. ఈ తరుణంలోనే కొన్ని రోజుల నుంచి కేసుల సంఖ్య తగ్గుతూ వస్తోంది. గత 24 గంటల్లో కేసుల సంఖ్య భారీగా తగ్గింది. సోమవారం దేశవ్యాప్తంగా 12,751 కరోనా కేసులు నమోదయ్యాయి. దీంతోపాటు ఈ మహమ్మారి కారణంగా 42 మంది ప్రాణాలు కోల్పోయారు. ఈ మేరకు కేంద్ర వైద్య ఆరోగ్య శాఖ మంగళవారం ఉదయం హెల్త్ బులెటిన్‌ను విడుదల చేసింది. ప్రస్తుతం దేశంలో1,31,807 (0.31 శాతం) కేసులు యాక్టివ్‌గా ఉన్నాయి. డైలీ పాజిటివిటీ రేటు 3.50 శాతం ఉండగా.. రికవరీ రేటు 98.51 శాతంగా ఉంది.
దేశంలో ఇప్పటివరకు నమోదైన కరోనా గణాంకాలు..
- దేశంలో మొత్తం కేసుల సంఖ్య 4,41,74,650 కి పెరిగింది.
- కరోనా నాటి నుంచి దేశంలో మరణాల సంఖ్య 5,26,772 కి చేరింది.
- నిన్న కరోనా నుంచి 16,412 మంది కోలుకున్నారు.
- వీరితో కలిపి కోలుకున్న వారి సంఖ్య 4,35,16,071 కి చేరింది.
- దేశవ్యాప్తంగా ఇప్పటివరకు 206.88 కోట్ల వ్యాక్సిన్ డోసులు పంపిణీ చేశారు.
- దేశంలో నిన్న 31,95,034 మందికి వ్యాక్సిన్ ఇచ్చారు.
#COVID19 | India reports 12,751 fresh cases and 16,412 recoveries in the last 24 hours.
Active cases 1,31,807 Daily positivity rate 3.50% pic.twitter.com/apGESAkCVP
— ANI (@ANI) August 9, 2022
మరిన్ని జాతీయ వార్తల కోసం క్లిక్ చేయండి..
