Life Certificate: పెన్షనర్లకు కేంద్రం గుడ్‌న్యూస్.. లైఫ్ సర్టిఫికెట్ గడువు పెంపు.. ఎప్పటివరకంటే..?

Life Certificate submission date: కేంద్ర ప్రభుత్వం పెన్షనర్లకు గుడ్‌న్యూస్‌ చెప్పింది. లైఫ్ సర్టిఫికెట్ సమర్పించే గడువును పొడగిస్తూ మరోసారి నిర్ణయం తీసుకుంది. పెన్షనర్లు పింఛన్ పొందేందుకు ఏటా బ్యాంకులు లేదా పోస్టాఫీసులకు లైఫ్‌ సర్టిఫికెట్‌ను సమర్పించాల్సి ఉంటుంది. అయితే ఈ గడువు నవంబర్‌ 30తో ముగిసింది. అయితే.. ఈ గడువు ముగిసిన నేపథ్యంలో కేంద్రం ఈ నిర్ణయం తీసుకుంది. ఈ మేరకు కేంద్ర ప్రభుత్వం బుధవారం ఉత్తర్వులను జారీ చేసింది. డిసెంబర్‌ 31 వరకు పింఛనుదారులు తమ లైఫ్‌ సర్టిఫికెట్‌ను బ్యాంకులకు సమర్పించవచ్చంటూ వెల్లడించింది. పలు రాష్ట్రాల్లో కరోనాకేసులు పెరుగుతుండటం, వృద్ధులకు కరోనా ముప్పు అధికంగా ఉండటంతో ఈ నిర్ణయం తీసుకున్నట్టు తెలిపింది. కొవిడ్ వల్ల ఎక్కువగా వృద్ధులు ఎక్కువగా ఇబ్బందులు ఎదుర్కొంటున్నారని.. ఇంకా సర్టిఫికెట్ సమర్పించని వారు చాలా మంది ఉన్నారని.. వారి ప్రయోజనాల కోసం ఈ నిర్ణయం తీసుకున్నట్లు కేంద్రం వెల్లడించింది.

కాగా.. పెన్షనర్లు పింఛన్ తీసుకునేందుకు తాము జీవించే ఉన్నామని చెప్పేందుకు బ్యాంకులు, పోస్టాఫీసులు వంటి పెన్షన్‌ డిస్బర్సింగ్‌ అథారిటీలకు ఏటా లైఫ్‌ సర్టిఫికెట్‌ని సమర్పించాల్సి ఉంటుంది. ప్రతినెలా పెన్షన్‌ పొందేందుకు ఈ లైఫ్ సర్టిఫికెట్‌ సమర్పించడం తప్పనిసరి. అయితే, దీన్ని మరోసారి డిసెంబర్ 31 వరకు పెంచడంతో వృద్ధులకు కాస్త ఉపశమనం లభించినట్లయింది.

Also Read:

Cyclone Jawad: మళ్లీ వర్షాలు.. దూసుకొస్తున్న ‘జవాద్‌’ తుఫాన్‌.. ఏపీ, ఒడిశా తీర ప్రాంతాలకు అలెర్ట్..

Bank Strik: రెండు బ్యాంకుల ప్రైవేటీకరణకు వ్యతిరేకంగా ఆ బ్యాంకు ఉద్యోగులు రెండు రోజుల సమ్మె.. ఎప్పుడంటే..