పారిశ్రామికావసరాలకు లిక్విడ్ ఆక్సిజన్ వినియోగంపై నిషేధం, తక్షణమే ఉత్తర్వుల అమలు

దేశంలో కోవిడ్ క్రైసిస్ దృష్ట్యా, కేంద్రం సరికొత్త నిర్ణయం తీసుకుంది. పారిశ్రామిక అవసరాలకు గానీ, వైద్యేతర (నాన్-మెడికల్) అవసరాలకు గానీ లిక్విడ్ ఆక్సిజన్ ని వినియోగించకుండా నిషేధం విధించింది.

  • Publish Date - 9:09 pm, Sun, 25 April 21 Edited By: Phani CH
పారిశ్రామికావసరాలకు లిక్విడ్ ఆక్సిజన్ వినియోగంపై నిషేధం, తక్షణమే ఉత్తర్వుల అమలు
liquid oxygen

దేశంలో కోవిడ్ క్రైసిస్ దృష్ట్యా, కేంద్రం సరికొత్త నిర్ణయం తీసుకుంది. పారిశ్రామిక అవసరాలకు గానీ, వైద్యేతర (నాన్-మెడికల్) అవసరాలకు గానీ లిక్విడ్ ఆక్సిజన్ ని వినియోగించకుండా నిషేధం విధించింది. దేశంలోని ఆసుపత్రులు, ముఖ్యంగా ఢిల్లీ లోని పలు  హాస్పిటల్స్  ఆక్సిజన్ కొరతను తీవ్రంగా ఎదుర్కొంటున్నందున ప్రభుత్వం ఈ నిర్ణయం తీసుకున్నట్టు అధికారవర్గాలు తెలిపాయి, హోమ్ మంత్రి అమిత్ షా అధ్యకక్షతన జరిగిన  ఉన్నత స్థాయి సమీక్షా సమావేశంలో ఈ మేరకు నిర్ణయం తీసుకున్నట్టు పేర్కొన్నాయి. ఈ ఆదేశాలు తక్షణమే వస్తాయని వివరించాయి. ప్రస్తుత మున్న లిక్విడ్ ఆక్సిజన్ కి కూడా ఈ ఉత్తర్వులు వర్తిస్తాయి. డిజాస్టర్ మేనేజ్ మెంట్ యాక్ట్ లోని వివిధ సెక్షన్ల కింద తమకు లభించిన అధికారాలను పురస్కరించుకుని ప్రభుత్వం ఈ ఆదేశాలు జారీ చేసింది. లిక్విడ్ ఆక్సిజన్ ని కేవలం వైద్య అవసరాలకు మాత్రమేవాడాలని వీటిలో పేర్కొన్నారు. అలాగే ఆక్సిజన్ ఉత్పత్తిని చేసే కంపెనీలు తమ ఉత్పాదనను వెంటనే పెంచేందుకు చర్యలు తీసుకోవాలని కూడా కోరారు.

ఈ ఉత్తర్వుల నుంచి ఏ పరిశ్రమనూ మినహాయించే ప్రసక్తి లేదని వివరించారు. రాష్ట్రాలు, కేంద్ర పాలిత ప్రాంతాలు కూడా ఈ విధమైన చర్యలు తీసుకోవాలని, తమ రాష్ట్రాల్లోని పరిశ్రమలు ఈ ఉత్తర్వులకు అనుగుణంగా నడచుకునేట్టు చూడాలని ఈ ఆర్డర్స్ లో సూచించారు. ఆక్సిజన్ లభ్యత విషయంలో కేంద్రం ఈ విధమైన నిర్ణయం తీసుకోవడం ఇదే మొదటిసారి. కోవిడ్ రోగుల మరణాల సంఖ్యను తగ్గించడానికి  ఈ చర్య తీసుకున్నారు. ఢిల్లీలోని పలు ఆస్పత్రులు వరుసగా నాలుగు రోజులుగా ఆక్సిజన్ కొరతను తీవ్రంగా ఎదుర్కొంటున్నాయి.

 

మరిన్ని ఇక్కడ చూడండి: Sabbam Hari: మాజీ ఎంపీ సబ్బం హరి ఆరోగ్య పరిస్థితి విషమం.. వెంటిలేటర్‌పైనే చికిత్స.. అభిమానుల్లో ఆందోళన

Corona: ఊపిరి బిగ బెట్టండి.. అంతే.. మీకు కరోనా ఉందో లేదో తెలిసిపోతుంది..వీడియో వైరల్.. మరి అందులో నిజమెంత?