వచ్చిన ఓట్లకన్నా.. టిక్‌టాక్ లైకులే ఎక్కువ

హర్యానా అసెంబ్లీ ఎన్నికల్లో పోటీచేసిన టిక్‌టాక్ స్టార్ సోనాలీ ఫోగాట్ అనూహ్యంగా ఓటమి పాలైన సంగతి తెలిసిందే. ఆదంపూర్ నియోజకవర్గం నుంచి అసెంబ్లీకి పోటీచేసిన సోనాలిపై కాంగ్రెస్ పార్టీ అభ్యర్థి కుల్‌దీప్ బిష్ణోయ్ సుమారు 30వేల ఓట్ల తేడాతో గెలుపొందారు. అయితే సోనాలికి టిక్‌టాక్‌లో భారీ ఫాలోయింగ్ వుంది. ఆమె ఏ వీడియో చేసి, పోస్ట్ చేసినా టిక్‌టాక్‌లో తెగ వైరల్ అయిపోతుంటాయి. పలు గ్రూపుల్లో సర్క్యులేట్ అవుతూ వుంటాయి. 

టిక్‌టాక్ యాప్‌లో సోనాలికి లక్షా 99 వేల మంది ఫాలోవర్లున్నారు. ఆమె రూపొందించిన వీడియోలకు యావరేజ్‌గా లక్షా 59 వేల సగటు లైకులు వస్తుంటాయి. అయితే.. తాజా ఎన్నికల్లో అదృష్టాన్ని పరీక్షించుకున్న సోనాలికి హర్యానా ఓటర్లు షాకిచ్చారు. తన పాపులారిటీని ఓట్లుగా మలచుకుని, అసెంబ్లీ మెట్లెక్కాలన్న సోనాి ఆశలపై హర్యానా ఓటర్లు నీళ్ళు జల్లారు.

విపరీతమైన ఫ్యాన్ ఫాలోయింగ్ వున్న సోనాలి విజయం సునాయాసమే అనుకున్నారు చాలా మంది. కానీ ఫలితం మాత్రం ఆమెకు షాకిచ్చింది. వీడియోలంటే ఓకే గానీ ప్రజా పాలన నీకు చేతకాదమ్మా అని తేల్చి చెప్పారు. దాంతో సోనాలికి కేవలం 34 వేల 222 ఓట్లు మాత్రమే వచ్చాయి. ఇది టిక్‌టాక్‌లో ఆమెకున్న ఫాలోవర్ల సంఖ్యలో సుమారు 15 శాతం.. ఆమె వీడియోలకు వచ్చే సగటు లైకుల్లో 5వ వంతు మాత్రమే ఆమెకు ఓట్లు వచ్చాయి. దాంతో రాజకీయం అంత సులువు కాదు బాబూ అంటూ తనకు అచ్చొచ్చిన వీడియోల మేకింగ్ వైపు మళ్ళీ దృష్టి సారించింది సోనాలీ ఫోగాట్.