ప్రీవెడ్డింగ్‌ షూట్‌..అక్కడ నేరం !

పెళ్ళికి ముందు ప్రీవెడ్డింగ్ ఫోటోషూట్స్‌కు డిమాండ్ బాగా పెరిగింది. అందమైన లొకేషన్లలో వధువరులు సినీస్టార్లను తలపించేలా ఫోటోలకు పోజులిస్తూ మెస్మరైజ్ చేస్తున్నారు. సెలబ్రేటీల నుంచి సామాన్యుల దాకా ప్రీవెడ్డింగ్‌ షూట్‌ చేయించుకోవటం ప్రస్తుతం ఒక ట్రెడ్డింగ్‌గా మారిపోయింది. కానీ, అక్కడ మాత్రం ఇటువంటి వాటికి అనుమతి లేదు. ఒకవేళ తమ ఆదేశాలను కాదని ఎవరైనా ఇటువంటి చర్యలకు పాల్పడితే సంఘం నుంచి బహిష్కరణ వేటు తప్పదంటున్నారు. ఇది ఎక్కడో కాదు, ఉత్తరాది రాష్ట్రాలైన గుజరాతీ, మధ్యప్రదేశ్‌ జైన్ సేవా సమాజ్ ప్రీవెడ్డింగ్‌ షూట్‌పై నిషేదం విధించింది. తమ ఆదేశాలను ఎవరైనా వ్యతిరేకిస్తే వారిని సంఘం నుంచి బహిష్కరిస్తామని భోపాల్ గుజరాత్ సేవా సమాజ్ ప్రధాన కార్యదర్శి సంజయ్ పటేల్ స్పష్టం చేశారు. దీనిపై ఓ సర్కులర్ కూడా జారీ చేశారు. సంగీత్‌ కోసం మహిళలకు మగ డ్యాన్సర్లతో శిక్షణ ఇప్పించడాన్ని తప్పుబట్టారు. ఇది తమ సంస్కృతి సంప్రదాయాలకు విరుద్దమని పేర్కొన్నారు. ప్రీ వెడ్డింగ్ పేరుతో ఫొటోలు, వీడియోలతో డ్యాన్స్ చేయరాదని సూచించారు. దేశవ్యాప్తంగా వివిధ ప్రాంతాలలో నివసిస్తున్న గుజరాతీ, జైనులు అంతా వీటిని పాటించాలని ఆయన ఆదేశించారు. తమ ఆదేశాలు తప్పుబట్టినా, వ్యతిరేకించినా బహిష్కరణ వేటు తప్పదని హెచ్చరించారు. అయితే, దీనిపై కొందరు తమ వ్యతిరేకతను వ్యక్తం చేస్తున్నారు.