Bike Stunts: ఇలాంటి డేంజర్ స్టంట్స్ అవసరమా.. అది కూడా పోలీసు యూనిఫాంలో.. మండిపడుతున్న నెటిజన్లు
ఇటీవలి కాలంలో రోడ్డు ప్రమాదాలు నిత్యకృత్యమయ్యాయి. రోడ్లపై పరిమితికి మించి వాహనాలు నడపడం ద్వారా ఈ ఘటనలు చోటు చేసుకుంటున్నాయి. వెహికిల్స్ ను అతివేగంగా కాకుండా, పరిమిత వేగంతో నిడిపిస్తే యాక్సిడెంట్స్..
ఇటీవలి కాలంలో రోడ్డు ప్రమాదాలు నిత్యకృత్యమయ్యాయి. రోడ్లపై పరిమితికి మించి వాహనాలు నడపడం ద్వారా ఈ ఘటనలు చోటు చేసుకుంటున్నాయి. వెహికిల్స్ ను అతివేగంగా కాకుండా, పరిమిత వేగంతో నిడిపిస్తే యాక్సిడెంట్స్ ను తగ్గించవచ్చు. ప్రమాదాల నివారణలకు ప్రభుత్వాలు ఎప్పటికప్పుడు అవగాహన కల్పిస్తుంటాయి. వారోత్సవాలు, మాసోత్సవాలు నిర్వహించి వారిలో మార్పు తీసుకువచ్చేందుకు ప్రయత్నిస్తుంటారు అధికారులు. ఇలా చేయడం ద్వారా రోడ్డు ప్రమాదాలను కొంతైనా తగ్గించవచ్చు. ఇందుకోసం పోలీసులతో పాటు రవాణా శాఖ అధికారులు కూడా నిమగ్నమై ఉండగా.. అవగాహన కల్పించాల్సిన బాధ్యత కలిగిన పోలీసులే కొన్నిచోట్ల నిబంధనలను అతిక్రమిస్తున్నారు. ఉత్తర ప్రదేశ్ లోని జలౌన్ జిల్లాలో పోలీస్ యూనిఫాం ధరించిన ఓ వ్యక్తి.. హై స్పీడ్ తో బైక్ నడుపుతూ.. చేతులు వదిలేసి ప్రమాదకరమైన స్టంట్స్ చేశాడు. అంతే కాకుండా ఈ తతంగాన్నంతా వీడియో తీసి సోషల్ మీడియాలో అప్ లోడ్ చేశాడు. దీంతో ఈ దృశ్యాలు వైరల్ గా మారాయి. దీనిని సీరియస్ గా తీసుకున్న ఉన్నతాధికారులు దర్యాప్తు స్టార్ట్ చేశారు.
నవంబర్ 1 నుంచి నవంబర్ 30 వరకు ఉత్తర ప్రదేశ్ లో రోడ్డు భద్రతా మాసోత్సవాలు నిర్వహిస్తు్న్నారు. ట్రాఫిక్‌పై ప్రజలందరికీ అవగాహన కల్పిస్తూ ప్రమాదాలను అరికట్టేలా చర్యలు తీసుకుంటున్నారు. కానీ అదే సమయంలో ఓ పోలీస్ ఇలా చేయడం అందరినీ ఆశ్చర్యానికి గురి చేసింది. యూనిఫాం ధరించిన వ్యక్తి గంటకు 80 కిలోమీటర్ల వేగంతో హెల్మెట్ లేకుండా బైక్ నడుపుతూ కెమెరాకు కనిపించాడు. బైక్‌పై రెండు చేతులను వదిలి రోడ్డు మధ్యలో విన్యాసాలు చేశాడు.
जालौन में सड़क पर स्टंटबाजी करता पुलिसकर्मी#UPPolice pic.twitter.com/WVJIGPWb1U
— TV9 Bharatvarsh (@TV9Bharatvarsh) November 16, 2022
ఈ వీడియో వైరల్ కావడంతో పోలీసు శాఖకు చెందిన ఉన్నతాధికారులు సీరియస్ అయ్యారు. యూనిఫాం ధరించిన వ్యక్తి గురించి తెలుసుకోవడానికి అధికారులు ప్రయత్నిస్తున్నారు. ఏది ఏమైనా.. ప్రమాదాల నివారణకు అవగాహన కల్పించాల్సిన వారే ఇలా నిబంధనలను అతిక్రమించడం దేనికి సంకేతమని వీడియో చూసిన నెటిజన్లు కామెంట్ల్ రూపంలో ప్రశ్నిస్తున్నారు.
మరిన్ని జాతీయ వార్తల కోసం క్లిక్ చేయండి..
