వరుస విమాన ప్రమాదాలతో అల్లకల్లోలం.. ఒకేరోజు కుప్పకూలిన సుఖోయ్, మిరాజ్, ఫైటర్ జెట్..
రాజస్థాన్, మధ్యప్రదేశ్‌లలో రక్షణశాకకు చెందిన రెండు యుద్ధ విమానాలు కుప్పకూలడం కలకలం రేపింది. మధ్యప్రదేశ్‌లోని మొరెనా సమీపంలో సుఖోయ్-30, మిరాజ్ 2000 విమానాలు
రాజస్థాన్, మధ్యప్రదేశ్‌లలో రక్షణశాఖకు చెందిన రెండు యుద్ధ విమానాలు, ఓ ఫైటర్ జెట్ కుప్పకూలడం కలకలం రేపింది. మధ్యప్రదేశ్‌లోని మొరెనా సమీపంలో సుఖోయ్-30, మిరాజ్ 2000 విమానాలు కూలిపోయాయని అధికార వర్గాలు తెలిపాయి. దీంతోపాటు రాజస్థాన్‌లోని భరత్‌పూర్‌లో ఘోర ప్రమాదం జరిగింది. పింగోరా రైల్వే స్టేషన్ సమీపంలో ఎయిర్ ఫోర్స్ విమానం కూలిపోయింది. ఈ రెండు ఘటనలకు సంబంధించి సమాచారం అందుకున్న ఇరు రాష్ట్రాల అధికార యంత్రాంగాలు హుటాహుటిన అక్కడికి చేరుకుని సహాయక చర్యలు చేపట్టాయి.
గ్వాలియర్ ఎయిర్‌బేస్‌ నుంచి యుద్ధ విమానాల విన్యాసాలు జరుగుతుండగా.. మొరెనా సమీపంలో సుఖోయ్-30, మిరాజ్ విమానాలు ఒకదానికొకటి ఢీకొని కుప్పకూలాయి. శిక్షణ సమయంలో ఇవి ఢీకొన్నట్లు పేర్కొంటున్నారు. మధ్యప్రదేశ్‌లోని గ్వాలియర్ ఎయిర్ బేస్ నుంచి రెండు విమానాలు వ్యాయామాలు చేస్తుండగా ఈ ఘటన జరిగింది.
#WATCH | Wreckage seen. A Sukhoi-30 and Mirage 2000 aircraft crashed near Morena, Madhya Pradesh. Search and rescue operations launched. The two aircraft had taken off from the Gwalior air base where an exercise was going on. pic.twitter.com/xqCJ2autOe
— ANI (@ANI) January 28, 2023
రాజస్థాన్ భరత్‌పూర్‌లో చార్టర్డ్ విమానం క్రాష్‌ ల్యాండింగ్ అయింది. పింగోరా రైల్వే స్టేషన్ సమీపంలో ఎయిర్ ఫోర్స్ విమానం కూలిపోయింది. ఈ ప్రమాదంలో విమానం ముక్కలై మంటలు చెలరేగాయి. ఈ ఫైటర్ జెట్ ఆగ్రా నుంచి బయలుదేరినట్లు పేర్కొంటున్నారు. భరత్‌పూర్ సమీపంలో చార్టర్డ్ విమానం కూలిపోయిందని భరత్‌పూర్ డీఎం అలోక్ రంజన్ తెలిపారు. పోలీసులు, పరిపాలన బృందాలు సంఘటనా స్థలానికి చేరుకుని సహాయక చర్యలు చేపట్టాయని తెలిపారు.
#WATCH | Rajasthan, Bharatpur | Wreckage of jet seen. Earlier report as confirmed by Bharatpur District Collector Alok Ranjan said charter jet, however, defence sources confirm IAF jets have crashed in the vicinity. Therefore, more details awaited. pic.twitter.com/005oPmUp6Z
— ANI (@ANI) January 28, 2023
ఈ ఘటనలో ఇద్దరు పైలట్లు సురక్షితంగా బయటపడ్డారు. మరో పైలట్‌ కోసం గాలింపు చర్యలు కొనసాగుతున్నాయి.
ఈ సంఘటనలకు సంబంధించి మరిన్ని వివరాలు తెలియాల్సి ఉంది.
మరిన్ని జాతీయ వార్తల కోసం..
