చంద్రునిపై జీవం.. నాసా మరో ప్రయోగం
అమెరికా అంతరిక్ష పరిశోధన సంస్థ నాసా మరో ప్రతిష్టాత్మక ప్రయోగానికి సిద్ధమైంది. శనిగ్రహం చందమామగా పిలిచే టైటాన్‌‌పై పరిశోధనల కోసం ఓ డ్రోన్‌ను పంపబోతున్నట్లు నాసా శాస్త్రవేత్తలు ప్రకటించారు. ఓ గ్రహంపైకి ఇలా ఎగిరే డ్రోన్‌ను పంపడం ఇదే తొలిసారని వారు పేర్కొన్నారు. కారు సైజ్‌లో ఉండబోతున్న ఈ డ్రోన్‌కు పెద్ద పెద్ద మూలకాలను గుర్తించే కొన్ని పరికారాలను అమర్చనున్నారు. 2026లో ఈ ప్రయోగాన్ని ప్రారంభించనుండగా.. 2034లో అది గమ్యస్థానాన్ని చేరుకుంటుందని.. ఆ తరువాత కొన్ని మైళ్ల […]
అమెరికా అంతరిక్ష పరిశోధన సంస్థ నాసా మరో ప్రతిష్టాత్మక ప్రయోగానికి సిద్ధమైంది. శనిగ్రహం చందమామగా పిలిచే టైటాన్‌‌పై పరిశోధనల కోసం ఓ డ్రోన్‌ను పంపబోతున్నట్లు నాసా శాస్త్రవేత్తలు ప్రకటించారు. ఓ గ్రహంపైకి ఇలా ఎగిరే డ్రోన్‌ను పంపడం ఇదే తొలిసారని వారు పేర్కొన్నారు. కారు సైజ్‌లో ఉండబోతున్న ఈ డ్రోన్‌కు పెద్ద పెద్ద మూలకాలను గుర్తించే కొన్ని పరికారాలను అమర్చనున్నారు. 2026లో ఈ ప్రయోగాన్ని ప్రారంభించనుండగా.. 2034లో అది గమ్యస్థానాన్ని చేరుకుంటుందని.. ఆ తరువాత కొన్ని మైళ్ల దూరం ఆ డ్రోన్ ప్రయాణించనుందని శాస్త్రవేత్తలు ప్రకటించారు.
దీనిపై నాసాకు చెందిన శాస్త్రవేత్త థామస్ జుర్‌బెచెన్ మాట్లాడుతూ.. సైన్స్ చాలా అభివృద్ధి చెందుతోంది… ఈ ప్రయోగాన్ని చేయడానికి ఇదే సరైన సమయమని భావిస్తున్నామని పేర్కొన్నాడు. కాగా బుధ గ్రహానికంటే పెద్దదైన టైటాన్‌ భౌగోళికంగా భూమికి దగ్గరగా ఉంటుంది. అంతేకాదు హైడ్రోకార్బన్‌లతో కూడిన నదులు, సరస్సులు ఆ గ్రహంపై అధికంగా ఉన్నాయి. అలాగే చంద్రగ్రహంపైన గడ్డ కట్టిన ఉపరితలం కింద సముద్రం కూడా ఉండవచ్చునన్నది నాసా అంచనా. అయితే భూవాతారణానికి అక్కడి పరిస్థితులు భిన్నంగా ఉన్నప్పటికీ.. మనిషి మనుగడను కొనసాగించేందుకు అక్కడ అన్ని సహజవనరులు ఉన్నాయని మరో శాస్త్రవేత్త లోరి గ్లేజ్ అన్నారు. దీంతో పాటు గ్రహాంతర జీవుల ఉనికిపై కూడా ఈ పరిశోధనలు చేయడానికి ఈ ప్రయోగం దోహదపడుతుందని భావిస్తున్నారు.
