Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

టీమిండియాకు స్పిన్‌ సలహాదారుగా ‘నరేంద్ర హీర్వాణి’!

Narendra Hirwani, టీమిండియాకు స్పిన్‌ సలహాదారుగా ‘నరేంద్ర హీర్వాణి’!

భారత మహిళల క్రికెట్‌ జట్టు స్పిన్‌ బౌలింగ్‌లో మరింత మెరుగయ్యేందుకు బీసీసీఐ స్పిన్‌ సలహాదారును నియమించింది. టీమిండియా మాజీ క్రికెటర్‌, జాతీయ క్రికెట్‌ అకాడమీ స్పిన్‌ కోచ్‌ నరేంద్ర హీర్వాణికి బాధ్యతలు అప్పగించింది. ఆయన భారత్‌ తరఫున 17 టెస్టులు, 18 వన్డేలు ఆడారు. సెప్టెంబర్‌లో దక్షిణాఫ్రికాతో జరిగే సిరీస్‌ నుంచి అందుబాటులో ఉంటారు. ఐతే ఎంపిక చేసిన సిరీస్‌లకు మాత్రమే ఆయన జట్టుతో కలిసి పర్యటిస్తారు. ప్రస్తుతం భారత జట్టులో పూనమ్‌ యాదవ్‌, ఎక్తాబిష్ఠ్‌, దీప్తిశర్మ వంటి స్పిన్నర్లు ఉన్నారు. తమకొక మంచి స్పిన్‌ కోచ్‌ కావాలని ఈ మధ్యే టీ20 సారథి హర్మన్‌ప్రీత్‌ కౌర్‌ తెలిపింది. ఆమె వినతి మేరకు బీసీసీఐ హీర్వాణిని నియమించింది. పురుషుల జట్టు మాదిరిగానే మహిళలకూ అన్ని విభాగాల్లో ప్రత్యేక సహాయ సిబ్బంది ఉంటారని మరొకరు వెల్లడించారు.