Breaking News
  • అసెంబ్లీ సాక్షిగా ఐదు కోట్ల ఆంధ్రులను మోసం చేశారు. న్యాయం చేయమని రోడ్డుపైకి వచ్చిన మహిళను అరెస్ట్ చేస్తున్నారు. మహిళలపై లాఠీచార్జ్‌ దారుణం-నారా లోకేష్‌. మండలిలో రేపు ఏం జరుగుతుందో ప్రజలే చూస్తారు-లోకేష్‌.
  • బీజేపీ జాతీయ అధ్యక్షుడిగా జేపీ నడ్డా ఎన్నిక సంతోషకరం. తెలంగాణ తరపున అభినందనలు తెలిపాం. తెలంగాణపై దృష్టిపెట్టాలని కోరాం-టీఎస్‌ బీజేపీ చీఫ్‌ డా.లక్ష్మణ్‌. త్వరలో తెలంగాణలో జేపీ నడ్డా పర్యటిస్తారు. కాంగ్రెస్‌, టీఆర్‌ఎస్‌, మజ్లిస్‌ ఒక గూటి పక్షులే-డా.లక్ష్మణ్‌.
  • అమరావతి: పవన్‌తో పోలీసుల మంతనాలు. రాజధాని గ్రామాల పర్యటన వాయిదా వేసుకోవాలంటున్న పోలీసులు.
  • కరీంనగర్‌లో గంజాయి ముఠా గుట్టురట్టు. రూ.30 లక్షల విలువైన గంజాయి పట్టివేత. ముగ్గురు అరెస్ట్‌, ట్రక్‌ స్వాధీనం.
  • చెన్నై విమానాశ్రయంలో భారీగా బంగారం పట్టివేత. అబుదాబి నుంచి చెన్నైకి తరలిస్తున్న 3.7 కేజీల బంగారం పట్టివేత. ముగ్గురిని అదుపులోకి తీసుకుని విచారిస్తున్న కస్టమ్స్ అధికారులు.

ఇసుక ఫైట్.. వైసీపీ నేతలకు సవాల్ విసిరిన లోకేష్

Nara Lokesh slams CM YS Jagan over blue frog issue, ఇసుక ఫైట్.. వైసీపీ నేతలకు సవాల్ విసిరిన లోకేష్

బ్లూఫ్రాగ్‌ సంస్థ.. ప్రభుత్వ ఇసుక పోర్టల్‌ను హ్యాక్‌ చేసి.. కృత్రిమ కొరత సృష్టించారన్న వార్తలు ఏపీ రాజకీయాలను షేక్ చేస్తున్నాయి. ఇప్పటికే ఈ బ్లూ ఫ్రాగ్ సంస్థ కార్యాలయంలో సీఐడీ అధికారులు తనిఖీలు చేపట్టారు. బ్లూ ఫ్రాగ్ సంస్థపై మంగళగిరి సీఐడీ కార్యాలయంలో కేసు నమోదైందని.. ఉన్నతాధికారుల ఆదేశాలతో ఈ సంస్థ కార్యాలయాల్లో సోదాలు చేపడుతున్నట్లు సీఐడీ డీఎస్పీ చిట్టిబాబు తెలిపారు. ఐటీ కోర్ టీం, సైబర్ క్రైమ్ సహకారాలతో డేటాను విశ్లేషిస్తున్నామని.. ఇసుక పోర్టల్‌ హ్యాక్‌లో బ్లూఫ్రాగ్‌ పాత్రపై విచారణ కొనసాగుతోందన్నారు.

అయితే బ్లూ ఫ్రాగ్ సంస్థకు లోకేష్‌కు లింకులున్నాయంటూ వార్తలు రావడంతో.. ఈ సోదాలకు రాజకీయ రంగు పులుముకుంది. దీంతో నారా లోకేష్ డైరక్ట్‌గా స్పందించారు. ఇది వైసీపీ నేతల ఎత్తుగడ అని..కావాలనే ఈ దుష్ప్రచారానికి ఒడిగట్టారని మండిపడ్డారు. గతంలో కూడా అనేక ఆరోపణలు చేశారని, నిరూపించమంటే పారిపోయారంటూ ఎద్దేవాచేశారు. చేతగాని పాలన నుండి ప్రజల దృష్టి మరల్చేందుకు.. వైసీపీ ఇలాంటి చీప్‌ ట్రిక్స్‌ ఉపయోగిస్తుందని మండిపడ్డారు. బ్లూ ఫ్రాగ్‌తో తనకు ఎలాంటి సంబంధం లేదని స్పష్టం చేశారు. ఈ అసత్య ప్రచారం చేసిన వారిపై చట్టపరమైన చర్యలు తీసుకుంటానన్నారు లోకేష్.