నాని ఫ్యాన్స్కి గుడ్న్యూస్.. రెడీ అవుతోన్న ‘వి’ ట్రైలర్!
కరోనా వలన విడుదల కాకుండా ఆగిపోయిన చిత్రాల్లో 'వి' ఒకటి. మోహన్ కృష్ణ ఇంద్రగంటి తెరకెక్కించిన ఈ చిత్రంలో సుధీర్ బాబు హీరోగా నటించగా.. నాని విలన్గా కనిపించనున్నారు.
Nani V trailer: కరోనా వలన విడుదల కాకుండా ఆగిపోయిన చిత్రాల్లో ‘వి’ ఒకటి. మోహన్ కృష్ణ ఇంద్రగంటి తెరకెక్కించిన ఈ చిత్రంలో సుధీర్ బాబు హీరోగా నటించగా.. నాని విలన్గా కనిపించనున్నారు. నివేధా థామస్, అదితీ రావు హైదరీ హీరోయిన్లుగా నటించారు. ఇప్పటికే టీజర్, రెండు పాటలతో ఆకట్టుకున్న ఈ మూవీపై అభిమానుల్లో మంచి అంచనాలు ఉన్నాయి. అయితే ఈ మూవీ విడుదలపై ఇన్ని రోజుల పాటు సస్పెన్స్ కొనసాగుతూనే ఉంది. కొంచెం లేటు అయినా పర్వాలేదు ఈ మూవీని థియేటర్లలోనే విడుదల చేయాలని నాని అనుకుంటున్నారట.
అయితే రోజురోజుకు పరిస్థితులు మారుతున్నాయి. థియేటర్లు తెరుచుకునేందుకు ఇంకా సమయం పట్టేలా ఉంది. ఈ క్రమంలో ఈ మూవీని ఆన్లైన్లో రిలీజ్ చేసేందుకు ప్రస్తుతం ప్రయత్నాలు జరుగుతున్నట్లు తెలుస్తోంది. అంతేకాదు రిలీజ్కి సంబంధించి ఓ ఆన్లైన్ ఫ్లాట్ఫామ్తో ఇప్పటికే మూవీ మేకర్లు ఢీల్ కూడా కుదుర్చుకున్నట్లు సమాచారం. ఈ క్రమంలో త్వరలోనే ఈ మూవీ ట్రైలర్ను విడుదల చేయబోతున్నట్లు తెలుస్తోంది. ఈ మూవీకి సంబంధించి ఇప్పటికే పోస్ట్ ప్రొడక్షన్ పనులు కూడా దాదాపుగా అయిపోవడంతో.. వచ్చే వారంలోనే ట్రైలర్ రాబోతున్నట్లు సమాచారం. కాగా ఈ మూవీని దిల్ రాజు నిర్మించగా.. అమిత్ త్రివేది సంగీతం అందించారు.
Read More:
ఇక్కడ మహేంద్ర సింగ్ ధోని.. సుశాంత్తో సోదరీమణుల వీడియో వైరల్