మూడో ‘బిగ్‌బాస్‌’గా నాగార్జున..?

‘బిగ్‌బాస్’ మూడో సీజన్‌కు ఎన్టీఆర్‌ను తీసుకురావాలని షో నిర్వాహకులు చాలా ప్రయత్నించారు. అయితే అది కుదరలేకపోయింది. ప్రతిష్టాత్మకంగా తెరకెక్కుతున్న ‘ఆర్ఆర్ఆర్‌’కు ఎన్టీఆర్ కమిట్‌మెంట్ ఇవ్వడం వలన ఈ షోకు దూరం అవ్వాల్సి వచ్చింది. దీంతో చేసేదేంలేక మరో హీరోను వెతికే పనిలో పడ్డారు బిగ్‌బాస్ టీం. ఈ నేపథ్యంలో నాగార్జునను లైన్‌లో పెట్టినట్లు టాలీవుడ్‌లో గుసగుసలు వినిపిస్తున్నాయి.

హోస్ట్‌గా చేయడం నాగార్జునకు కొత్తేం కాదు. ‘మీలో ఎవరు కోటీశ్వరుడు’ రెండు సీజన్లను చేసిన ఆయన సక్సెస్‌ఫుల్‌గా నడిపారు. దీంతో ‘బిగ్‌బాస్-3’కి నాగార్జునను తీసుకోవాలని నిర్వాహకులు భావించారట. దీనిపై ఆయనను సంప్రదించడం, భారీ రెమ్యునరేషన్‌ను ఆఫర్ చేయడం జరిగిందని సమాచారం. అయితే నాగార్జున ప్రస్తుతం రెండు సినిమాలలో నటిస్తున్నాడు. ఆ రెండు సినిమాలకు తానే నిర్మాతగా వ్యవహరిస్తున్నాడు. దీంతో తనకు తగ్గట్లుగా సినిమా షెడ్యూల్‌ను మార్చుకునే అవకాశం ఉంటుంది. ఈ నేపథ్యంలో ‘బిగ్‌బాస్ 3’ చేసేందుకు నాగార్జున ఉత్సహాన్ని చూపుతున్నట్లు వార్తలు వినిపిస్తున్నాయి.

Leave a Reply

Your email address will not be published. Required fields are marked *