Breaking News
  • తూ.గో: పెద్దాపురంలో దారుణం. యర్రా శివశంకర్‌ అనే వ్యక్తిపై నగేష్‌ కత్తితో దాడి. పరిస్థితి విషమం, కాకినాడ ప్రభుత్వాస్పత్రికి తరలింపు.
  • అమరావతి: ఈ రోజు ప్రజాస్వామ్యాన్ని ఖూనీచేశారు. ప్రలోభాలకు లొంగలేదనే మండలి రద్దు తీర్మానం చేశారు. సెలెక్ట్‌ కమిటీ అంటే జగన్‌కు ఎందుకంత భయం. ఇన్‌సైడర్‌ ట్రేడింగ్‌పై ఎందుకు విచారణ జరపలేదు -ఎమ్మెల్సీ బచ్చుల అర్జునుడు.
  • మద్దాల గిరిని ఆర్థికంగా బెదిరించి పార్టీలోకి లాక్కున్నారు.
  • 11 మంది భారతీయ మత్స్యకారులను బంధించిన శ్రీలంక. ఒక పడవను స్వాధీనం చేసుకున్న శ్రీలంక నేవీ సిబ్బంది.
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 8 గంటల సమయం. 16 కంపార్ట్‌మెంట్లలో వేచివున్న భక్తులు. ఈ రోజు శ్రీవారి హుండీ ఆదాయం రూ.3.02 కోట్లు. ఈ రోజు శ్రీవారిని దర్శించుకున్న 44,366 మంది భక్తులు.
  • సూర్యాపేట జిల్లా కలెక్టర్‌ అమోయ్‌ కుమార్‌ బదిలీ. అమోయ్‌ కుమార్‌ను రంగారెడ్డి జిల్లాకు బదిలీ చేస్తూ ఉత్తర్వులు. నేరేడుచర్ల ఇంచార్జి కమిషనర్‌ మహేందర్‌రెడ్డి సస్పెన్షన్‌. తహశీల్దార్‌ రాంరెడ్డికి ఇంచార్జి బాధ్యతలు. కేవీపీ ఓటు విషయంలో అధికారుల తీరుపై ప్రభుత్వం చర్యలు.

నర్సాపురం నుంచి ఎంపీ బరిలో నాగబాబు..!

, నర్సాపురం నుంచి ఎంపీ బరిలో నాగబాబు..!

మెగా బ్రదర్, సినీ నటుడు నాగబాబు రాజకీయాల్లోకి రానున్నారు. తన తమ్ముడు పవన్ కల్యాణ్ పార్టీ జనసేనలోకి వెళ్లనున్న ఆయన.. నర్సాపురం నియోజకవర్గం నుంచి ఎంపీగా పోటీ చేయబోతున్నట్లు ప్రచారం జరుగుతోంది. పవన్‌ను ఇటీవల కలిసిన నాగబాబు ఈ అంశంపై చర్చించినట్లు తెలుస్తోంది. గతంలో ఈ స్థానం నుంచి జనసేన తరపున కారటం రాంబాబు పోటీ చేస్తారని వార్తలు వచ్చినా.. ఇప్పుడు ఆ స్థానం తన సోదరుడికి ఇచ్చేందుకే పవన్ సముఖత వ్యక్తం చేస్తున్నట్లు సమాచారం. ఆ నియోజకవర్గంలో జనసేన గెలిచే అవకాశాలు ఎక్కువగా ఉన్నట్లు తెలుస్తుండగా.. అందుకోసం నాగబాబును పవన్ బరిలోకి దింపనున్నారని టాక్.

ఇదిలా ఉంటే జనసేనను ఏర్పాటు చేసిన తరువాత తొలిసారిగా ఆ పార్టీ తరపున అభ్యర్థులను బరిలోకి దింపబోతున్నారు పవన్ కల్యాణ్. ఇందుకోసం కొంతమంది అభ్యర్థులను ఇప్పటికే ఖరారు చేసినట్లు సమాచారం. కాగా ఏప్రిల్ 11న ఏపీలో ఎన్నికలు జరగబోతున్నాయి. రోజురోజుకు మారుతున్న రాజకీయ సమీకరణాల దృష్ట్యా అక్కడ ఏ పార్టీ అధికారంలోకి వస్తుందోనని అందరిలో ఆసక్తి నెలకొంది.