Breaking News
  • కర్నూలు: సీఎం జగన్‌, ఎంపీ టీజీ వెంకటేష్‌ మధ్య ఆకసక్తికర చర్చ. మాకు రావాల్సిన హైకోర్టు ఎంతవరకు వచ్చిందన్న టీజీ వెంకటేష్‌. కర్నూలులో హైకోర్టు ఏర్పాటుకు కేంద్రం అనుమతి కోరాం. నివేదిక కూడా పంపించామన్న సీఎం జగన్‌. త్వరలోనే సానుకూల ప్రకటన రావచ్చన్న టీజీ వెంకటేష్‌. హైకోర్టు ప్రకటనపై జగన్‌కు కృతజ్ఞతలు తెలిపిన టీజీ వెంకటేష్‌.
  • ప్రజలను కలిసేందుకు చంద్రబాబు వెళ్తుంటే పోలీసుల ఆంక్షలేంటి. చంద్రబాబు పర్యటనతో వైసీపీ ఉలిక్కి పడుతోంది-కూన రవికుమార్‌. మంత్రి బొత్స నోటిని అదుపులో పెట్టుకోవాలి-కూన రవికుమార్‌. విశాఖలో దళితుల భూములను బలవంతంగా లాక్కుంటున్నారు. జగన్‌ను విశాఖ ప్రజలు తరిమికొట్టాలి-టీడీపీ నేత కూన రవికుమార్‌.
  • గోపన్‌పల్లి అక్రమ భూమ్యుటేషన్లపై విచారణకు ఆదేశం. విచారణాధికారిగా రాజేంద్రనగర్‌ ఆర్డీవో చంద్రకళ నియామకం. సర్వే నెంబర్‌ 127, 128లో రేవంత్‌రెడ్డి, కొండల్‌రెడ్డి భూదందాపై.. విచారణ చేయనున్న రాజేంద్రనగర్‌ ఆర్డీవో చంద్రకళ. బాధితులను విచారణకు హాజరుకావాలని ఆదేశాలు. అక్రమ భూమ్యుటేషన్ల వ్యవహారంలో మరో ఇద్దరి పాత్ర. రిటైర్డ్ తహశీల్దార్లు సుబ్బారావు, రాజేశ్వర్‌రెడ్డి పాత్ర ఉన్నట్టు గుర్తింపు. ఇద్దరిపై చర్యలు తీసుకోవాలని ప్రభుత్వానికి లేఖ రాసిన కలెక్టర్‌.
  • ఢిల్లీ: పూసాలో భారతీయ వ్యవసాయ పరిశోధన మండలి వార్షిక సమావేశం. పాల్గొన్న కేంద్రమంత్రులు నరేంద్రసింగ్‌ తోమర్‌, పీయూష్‌గోయల్‌. తెలంగాణ నుంచి హాజరైన మంత్రి సింగిరెడ్డి నిరంజన్‌రెడ్డి. భారతీయ వ్యవసాయ పరిశోధనా మండలి 2019-20 వార్షిక నివేదిక విడుదల.
  • హైదరాబాద్‌: హిమాయత్‌నగర్‌లో సీపీఐ ఆధ్వర్యంలో ర్యాలీ. కేంద్ర ప్రభుత్వ నిర్ణయాలకు వ్యతిరేకంగా ర్యాలీ. అడ్డుకున్న పోలీసులు, సీపీఐ కార్యకర్తలు, పోలీసుల మధ్య తోపులాట. నారాయణ, చాడ వెంకట్‌రెడ్డిని అరెస్ట్‌. నారాయణగూడ పీఎస్‌కు తరలించిన పోలీసులు.

ఒక్క ఛాన్సే జగన్‌ను సీఎం చేసింది- నాగబాబు

Nagababu Sensational Comments on YS Jagan win in AP Elections 2019, ఒక్క ఛాన్సే జగన్‌ను సీఎం చేసింది- నాగబాబు

గత ఎన్నికల ముందు వరకు మెగా బ్రదర్ నాగబాబు సోషల్  మీడియాలో యమ యాక్టివ్‌గా ఉన్నాడు. అటు చంద్రబాబుకు, ఇటు జగన్‌కు చురకలు అంటిస్తూ..తన తమ్ముడు పవన్ కళ్యాణ్ పార్టీ జనసేనకు సపోర్ట్ చేస్తూ వచ్చాడు. అయితే ఎన్నికల్లో పోటీచేసిన అన్నదమ్ములిద్దరూ ఓటమి బాట పట్టడంతో..అంతవరకూ హుషారుగా ఉన్న నాగబాబు డీలా పడి కామ్ అయిపోయాడు.

అయితే తాజాగా మళ్లీ ఆయన ఫేస్ బుక్‌ లైవ్‌లో సందడి చేశారు. నెటిజన్ల నుండి అడిగిన అనేక ప్రశ్నలకు సమాధానాలు ఇచ్చారు.  2019లో ఏపీలో జరిగిన అసెంబ్లీ ఎన్నికల్లో  వైయస్ఆర్‌సీపీ ఘనవిజయం సాధించడం.. 2024 ఎన్నికల్లో పవన్ కళ్యాణ్ జనసేన పార్టీ భవితవ్యంపై నాగబాబు తనదైనశైలిలో స్పందించారు. జగన్‌ గతంలో సీఎంగా పనిచేసి ఉంటే ఆయన చేసిన పనులు చూసి ఓటర్లు, ఓట్లు వేశారని అనుకోవచ్చు… కానీ ప్రస్తుతం ఒక ఛాన్స్ ఇచ్చిచూద్దాం అనే సానూభూతితో ప్రజలు ఓట్లు వేశారన్నారు. చంద్రబాబుపై ఉన్న వ్యతిరేకత కూడా జగన్‌కి బాగా కలిసి వచ్చిందన్నారు.

మరోవైపు ఈవీఎం టాంపరింగ్ మీద అడిగిన ప్రశ్నకు సమాధానంగా 10 శాతం ట్యాంపరింగ్ చేసినా ఫలితాల్లో చాలా తేడాలు వస్తాయన్నారు. అయితే ట్యాంపరింగ్ జరిగిందన్న విషయాన్ని లైట్‌గా తీసుకోలేమని చెప్పారు. ఐనా తాను ఇంకాస్త ఎక్కువ ప్రచారం చేసివుంటే నర్సాపురంలో ఫలితం వేరుగా ఉండేదంటూ వ్యాఖ్యానించారు. ఇప్పుడు ప్రజలు జగన్ కు ఛాన్స్ ఇచ్చారని… 2024 లో కచ్చితంగా పవన్ ను సీఎం చేస్తారంటూ తన అభిప్రాయాన్ని వెలిబుచ్చారు. ఇక జగన్ పాలనను ప్రస్తావిస్తూ కొత్తగా ప్రభుత్వం ఏర్పటైంది కాస్త టైం ఇచ్చి.. ప్రజల నమ్మకాన్ని జగన్ ఎంతమేర నిలబెడతారో చూద్దాం అన్నాడు.

Related Tags