ఎలా వచ్చిందో తెలీదు, ఎలా మాయమైందో తెలీదు, ఎడారిలో అంతుచిక్కని లోహస్తంభం మిస్టరీ !

అమెరికాలోని ఉటా ఎడారిలో కొద్ది రోజుల క్రితం కనిపించిన లోహ స్తంభం అందరినీ ఆశ్యర్యానికి గురి చేసింది. ఇది ఎక్కడి నుంచి వచ్చింది, ఎలా వచ్చింది అని పరిశోధకులంతా ఆసక్తిగా గమనించారు.

  • Ram Naramaneni
  • Publish Date - 12:38 pm, Mon, 30 November 20
ఎలా వచ్చిందో తెలీదు, ఎలా మాయమైందో తెలీదు, ఎడారిలో అంతుచిక్కని లోహస్తంభం మిస్టరీ !

అమెరికాలోని ఉటా ఎడారిలో కొద్ది రోజుల క్రితం కనిపించిన లోహ స్తంభం అందరినీ ఆశ్యర్యానికి గురి చేసింది. ఇది ఎక్కడి నుంచి వచ్చింది, ఎలా వచ్చింది అని పరిశోధకులంతా ఆసక్తిగా గమనించారు. మోనోలిత్‌ అని పిలువబడే ఆ లోహపు స్తంభం తాజాగా అదృశ్యమైంది.  ఉటా రాష్ట్రానికి చెందిన ఉటా డిపార్ట్‌మెంట్‌ ఆఫ్‌ పబ్లిక్‌ సేఫ్టీ అండ్‌ డివిజన్‌ ఆఫ్‌ వైల్డ్‌లైఫ్‌ రీసోర్సెస్‌ అధికారులు ఎర్రని రాళ్లతో నిండిన ఉటా ఎడారిలో నవంబర్‌ 18న ఓ లోహ స్తంభాన్ని గుర్తించారు. 10 నుంచి 12 అడుగుల ఎత్తు, మూడు వైపుల స్టీల్‌తో తయారైన ఆ స్తంభాన్ని అక్కడ ఎవరు పెట్టారో వాళ్లకు అర్థంకాలేదు. దీనికి సంబంధించిన ఫోటోలు సోషల్‌మీడియాలో వైరల్‌ అయ్యాయి.

అయితే సడెన్‌ గా ఆ స్తంభం కనిపించడంలేదని ఉటాకు చెందిన బ్యూరో ఆఫ్‌ ల్యాండ్‌ మేనేజ్‌మెంట్‌ అధికారులు తెలిపారు. తాము తొలగించినట్టు వస్తున్న వార్తల్లో నిజంలేదన్నారు. ఈ నేపథ్యంలో పలు ఊహాగానాలు వ్యక్తం అవుతున్నాయి. ఆ స్తంభాన్ని గ్రహాంతరవాసులే ప్రతిష్టించి, మళ్లీ తీసుకెళ్లారని అనుమానాలు వ్యక్తం చేస్తున్నారు.

Also Read :

AP Assembly : నేటి నుంచి ఏపీ అసెంబ్లీ సమావేశాలు..అస్త్రశస్త్రాలతో అధికార, ప్రతిపక్షాలు రెడీ !

Ind vs Aus : రెండో వన్డే​లో క్రేజీ సీన్, ఆసిస్ లేడీ ఫ్యాన్‌కు ప్రపోజ్ చేసిన ఇండియా కుర్రోడు