కరోనా వ్యాక్సిన్ ఫై ముస్లిముల ఆందోళన, టీకామందులో ‘అది కూడా ‘ కలిపారా ? వదంతుల మధ్య వితండ వాదం
కరోనా వైరస్ మహమ్మారిపై పోరుకు, కరోనా రోగులను రక్షించడానికి వవ్యాక్సిన్లు వెల్లువెత్తుతుండగా.. కొన్ని మత సంస్థలు కొత్త వాదాన్ని తెరపైకి తెచ్చాయి.
కరోనా వైరస్ మహమ్మారిపై పోరుకు, కరోనా రోగులను రక్షించడానికి వవ్యాక్సిన్లు వెల్లువెత్తుతుండగా.. కొన్ని మత సంస్థలు కొత్త వాదాన్ని తెరపైకి తెచ్చాయి. ఈ టీకామందుల్లో పోర్క్ ప్రాడక్టులను (పంది మాంస ఉత్పత్తులను) వినియోగిస్తున్నారని ముఖ్యంగా ముస్లిములు, యూదులు అభ్యంతరం వ్యక్తం చేస్తున్నారు. ముస్లిములకు ఈ మాంసం నిషేధం. అసలు వ్యాక్సిన్ల లో వీటిని వినియోగిస్తున్నారా లేదా అన్నది నిర్ధారణ కాకపోయినప్పటికీ పలు ప్రపంచ దేశాల్లో వదంతులు మాత్రం జోరందుకుంటున్నాయి. దీనిపై ముస్లిం సమాజంలో అప్పుడే చర్చలు, డిబేట్లు మొదలయ్యాయి. అయితే ఒక వ్యక్తి ప్రాణాన్ని రక్షించాలంటే..’హరామ్’ అనే పదాన్ని వినియోగించవచ్చునని ఖురాన్ లో ఉందని కొందరు ముస్లిం స్కాలర్లు అంటున్నారు. కానీ లేనిపోని వివాదాలకు దిగేబదులు కరోనా వైరస్ వ్యాక్సిన్లను తీసుకోవచ్చునని యూపీలో మౌలానా ఖాలిద్ రషీద్ అనే ముస్లిం నేత చెప్పారు. తమ వర్గం వారు ఈ విధమైన వదంతులను నమ్మరాదన్నారు. మందు అన్నది మతానికి సంబంధించినది కాదని, ఒకరి ప్రాణాన్ని రక్షించడం ముఖ్యమని ఆయన అన్నారు. ఏ రాజకీయ పార్టీ కూడా టీకామందులను తేవడంలేదన్నారు.
వ్యాక్సిన్ ఎక్కువకాలం నిల్వ ఉండాలంటే పోర్క్ ఉత్పత్తులను చాలావరకు వాడడం సహజమేనని బ్రిటిష్ ఇస్లామిక్ మెడికల్ అసోసియేషన్ ప్రధాన కార్యదర్శి సల్మాన్ వకార్ అంటున్నారు. కొన్ని సంస్థలు పోర్క్ లేని టీకామందులను ఉత్పత్తి చేస్తున్నాయని, కానీ అవి ఎంతకాలం నిల్వ ఉంటాయన్నది సందేహమేనన్నారు.