Breaking News
  • అసెంబ్లీ సాక్షిగా ఐదు కోట్ల ఆంధ్రులను మోసం చేశారు. న్యాయం చేయమని రోడ్డుపైకి వచ్చిన మహిళను అరెస్ట్ చేస్తున్నారు. మహిళలపై లాఠీచార్జ్‌ దారుణం-నారా లోకేష్‌. మండలిలో రేపు ఏం జరుగుతుందో ప్రజలే చూస్తారు-లోకేష్‌.
  • బీజేపీ జాతీయ అధ్యక్షుడిగా జేపీ నడ్డా ఎన్నిక సంతోషకరం. తెలంగాణ తరపున అభినందనలు తెలిపాం. తెలంగాణపై దృష్టిపెట్టాలని కోరాం-టీఎస్‌ బీజేపీ చీఫ్‌ డా.లక్ష్మణ్‌. త్వరలో తెలంగాణలో జేపీ నడ్డా పర్యటిస్తారు. కాంగ్రెస్‌, టీఆర్‌ఎస్‌, మజ్లిస్‌ ఒక గూటి పక్షులే-డా.లక్ష్మణ్‌.
  • అమరావతి: పవన్‌తో పోలీసుల మంతనాలు. రాజధాని గ్రామాల పర్యటన వాయిదా వేసుకోవాలంటున్న పోలీసులు.
  • కరీంనగర్‌లో గంజాయి ముఠా గుట్టురట్టు. రూ.30 లక్షల విలువైన గంజాయి పట్టివేత. ముగ్గురు అరెస్ట్‌, ట్రక్‌ స్వాధీనం.
  • చెన్నై విమానాశ్రయంలో భారీగా బంగారం పట్టివేత. అబుదాబి నుంచి చెన్నైకి తరలిస్తున్న 3.7 కేజీల బంగారం పట్టివేత. ముగ్గురిని అదుపులోకి తీసుకుని విచారిస్తున్న కస్టమ్స్ అధికారులు.

మురళీ విజయ్ గుడ్ బై..!

Murali Vijay Will Be In Auction For IPL 2020, మురళీ విజయ్ గుడ్ బై..!

దేశం కోసం ఎంతోమంది క్రికెటర్లు ఆడాలని.. దేశవాళీ సిరీస్‌లలో అద్భుతమైన ప్రతిభను కనబరుస్తుంటారు. ఇక ప్రతిభతో పాటుగా కొందరికి లక్ కలిసిరావడంతో.. టీమిండియాలో చోటు దక్కుతుంది. అయితే టీమిండియా మాజీ టెస్ట్ ఓపెనర్ మురళీ విజయ్ మాత్రం తాను ఎప్పుడూ దేశం కోసం ఆడాలని కోరుకోవట్లేదని.. కేవలం ఫ్యాషన్ కోసమే క్రికెట్ ఆడుతున్నానంటూ తన మనసులోని మాట బహిర్గతం చేసిన సంగతి తెలిసిందే. అయితే ఈ టెస్ట్ ఓపెనర్‌కు ఇప్పుడు అవకాశాలు కరువయ్యాయి.

గతేడాది డిసెంబర్‌లో ఆస్ట్రేలియాతో జరిగిన టెస్ట్ సిరీస్‌లో చివరిగా కనిపించిన మురళీ విజయ్.. ఆ తర్వాత టెస్ట్ జట్టులో స్థానం పూర్తిగా కోల్పోయాడని చెప్పాలి. మయాంక్ అగర్వాల్, రోహిత్ శర్మలతో పాటు కేఎల్ రాహుల్ కూడా జట్టుకు అందుబాటులో ఉండటమే కాకుండా టెస్టుల్లో చక్కటి ప్రదర్శన కనబరుస్తున్నారు. దీంతో విజయ్‌ దేశవాళీ క్రికెట్‌కే పరిమితమయ్యాడు.  ఇక ఐపీఎల్‌లో చెన్నై సూపర్ కింగ్స్ జట్టుకు ప్రాతినిధ్యం వహిస్తున్న విజయ్.. వచ్చే ఏడాది సీఎస్‌కే జట్టులో ఉండకపోవచ్చని తెలుస్తోంది.

వచ్చే నెలలో సీఎస్‌కే వేలానికి విడుదల చేసే ప్లేయర్స్‌లో విజయ్ పేరు హిట్ లిస్ట్‌లో ఉందని చెప్పాలి. దాదాపు రెండు కోట్లతో విజయ్ చెన్నై జట్టులో కొనసాగుతున్నాడు. ఇక 2018,19 సీజన్లకు కేవలం 3 మ్యాచులు మాత్రమే ఆడిన విజయ్ 76 పరుగులు చేయడం గమనార్హం. దీంతో రెండు కోట్లు ఇస్తూ.. జట్టుకు విజయ్ వల్ల ఏ ప్రయోజనం లేనప్పుడు విడుదల చేయడం సబబు అని సీఎస్‌కే జట్టు భావిస్తోంది. కాగా, విజయ్‌తో పాటు శార్దూల్ ఠాకూర్, కరణ్ శర్మలను కూడా ఆ జట్టు విడుదల చేయడానికి రంగం సిద్ధం చేసిందట.