ముంబై….మురికివాడల్లోనే కోవిడ్ 57 శాతం…..సర్వేలో వెల్లడి
ముంబైలోని మురికివాడల్లో 57 శాతం మంది, ఇతర ప్రాంతాల్లో 16 శాతం మంది కోవిడ్-19 కి గురైనట్టు ఓ సర్వేలో తేలింది. ఈ నెల మొదటి రెండు వారాల్లో ఏడు వేల మందిని సీరోలాజికల్ సర్వే చేయగా.. లక్షలాది ప్రజలు గుంపులుగా..
ముంబైలోని మురికివాడల్లో 57 శాతం మంది, ఇతర ప్రాంతాల్లో 16 శాతం మంది కోవిడ్-19 కి గురైనట్టు ఓ సర్వేలో తేలింది. ఈ నెల మొదటి రెండు వారాల్లో ఏడు వేల మందిని సీరోలాజికల్ సర్వే చేయగా.. లక్షలాది ప్రజలు గుంపులుగా ఉండే స్లమ్స్ లోనే కరోనావైరస్ ఎక్కువగా ఉన్నట్టు వెల్లడైంది. ఏ వ్యాధినైనా ఎదుర్కొనే యాంటీ-బాడీలు వీరిలోనా..లేక ఇతర ప్రాంతాలవారిలో ఎక్కువగా ఉన్నాయాఅన్న అంశాన్ని డాక్టర్లు కనుగొన్నారు. కోటీ 20 లక్షలకు పైగా జనాభా గల ఈ నగరంలో 65 శాతం మంది మురికివాడవాసులే! నీతి ఆయోగ్నగర మున్సిపల్ కార్పొరేషన్, టాటా ఇన్స్ టిట్యూట్ ఆఫ్ ఫండమెంటల్ రీసెర్చ్ సంయుక్తంగా ఈ సర్వే నిర్వహించాయి. పురుషులకన్నా మహిళల్లోనే యాంటీ బాడీలు ఎక్కువగా ఉన్నాయన్న విషయం ఈ అధ్యయనంలో తేలింది.
ముంబైలో కరోనా వైరస్ కేసులు లక్షకు పైగా దాటిపోయాయి. అయితే ధారావి వంటి మురికివాడల్లో ఈ వైరస్ ప్రబలంగా ఉండడం సాధారణ విషయమేనని నిపుణులు పేర్కొంటున్నారు. శుభ్రతను పాటించడంలో వీరు ఇతర ప్రాంతాలవారికన్నాఎక్కువగా నిర్లక్ష్యం వహిస్తున్నారని కూడా వెల్లడైంది.
