కుమార్తెతో కలిసి రోహిత్ డ్యాన్స్ !
ఐపీఎల్-2020 కోసం ముంబై డియన్స్ కెప్టెన్ రోహిత్ శర్మ చాలా కష్టపడుతున్నాడు.
ఐపీఎల్-2020 కోసం ముంబై ఇండియన్స్ కెప్టెన్ రోహిత్ శర్మ చాలా కష్టపడుతున్నాడు. ఈసారి కూడా ఎలాగైనా ట్రోఫీని దక్కించుకోవాలని ఆరాటపడుతున్నారు. సాధన సమయంలో భారీ సిక్సర్లు, అద్భుతమైన క్యాచ్లతో అందరి దృష్టినీ ఆకర్షిస్తున్నాడు. ఇలా గ్రౌండ్ లో చెమటలు చిందించిన అనంతరం.. భార్య రితిక, కుమార్తె సమైరాలతో కలిసి యూఏఈలో సరదాగా గడుపుతున్నాడు.
ఈ క్రమంలోనే శనివారం తన కూతురు సమైరాతో కలిసి హ్యాపీగా గడిపిన క్షణాలను రోహిత్ ఇన్స్టాగ్రామ్ వేదికగా ఫ్యాన్స్ తో పంచుకున్నాడు. ఇందులో సమైరా చేతులు పట్టుకుని.. చిన్నపిల్లాడిలా గెంతులేస్తూ అలరించాడు. ఈ వీడియోను చూసిన ఫ్యాన్స్ కామెంట్ల వర్షం కురిపిస్తున్నారు.